當殺人變成習慣: 第三十節

「係你教我殺人或者動物一定要割頸，我而家就俾你試下呢種感覺係點。」
 
「吱～～～」
 
「吱～」
 
本身噴灑的鮮血轉為從頸部滲漏，就像我們在街市「湯」雞的情況一樣，我知道馬尾男已經被放血完成。
 
「點解呀！點解你要殺佢？佢死左，連我地都會死架！」敏晴緊張得不停的搖著我的手臂。
 


我把自己的衣服脫下，並蓋在馬尾男的臉上。我不是為馬尾男的死惋惜，只是不想那麼的一個死人臉嚇倒敏晴。
 
我捉著敏晴的手說：「敏晴，其實你為左完成任務，已經殺左幾個人，因為我完成唔到任務就會被殺，我唔知下一個任務有幾個惡劣，我只係知道再係咁落去我一定會嚮任務裡邊俾其他人殺死，所以我選擇逃走！」
 
「原來你既任務係要殺人？你會唔會因為想逃走而殺埋我架？」敏晴露出了一個驚恐的表情。
 
「唔會，我唔會殺你！唔係你呢段時間嚮我身邊陪我，我一定唔撐唔到落去。」
 
「咁而家我地點算呀？殺左佢，我定走唔到就死硬架啦！」
 


「我就一定會逃走架啦，你可以選擇留低，將所有既罪名推向我到，又或者你可以跟我走。」
 
「我跟你走！」敏晴沒有多想便回答了我。
 
「跟我走，我會盡我能力去保護你，不過我都唔可以百份百肯定你既安全，你可能會死，你唔後悔？」
 
「我唔後悔！你知唔知我地做‘支’既作用係咩？」敏晴說。
 
基本上，我從來也沒有問過敏晴什麼叫做「支」、我也懶得問為何自己會叫做「兵」，因為在我看來這只不過是一個稱號，就像亞洲人叫「黃皮豬」，黑人叫「黑鬼」，白人叫「鬼佬」一樣，沒有什麼特別意思。
 


「‘支’即係‘妓’女既普通話發音，我既作用係留住你嚮我既身邊，等你可以專心咁完成任務，給你慰藉，只要你可以完成任務，我就可以同你一樣攞到相同金額既錢從而離開呢度，只係………我估唔到我會嚮呢段時間鍾意左你………我係一個思想唔乾淨既女人，你仲會唔會帶我走？」敏晴雙眼流著淚說。
 
以前常聽別人說「臨死前表白，肯定冇蠱惑」，我相信敏晴，相信她的眼淚，亦相信她所說的任何說話，因為敏晴如果要出賣我或只顧著自己的話，她根本用不著要陪我一起逃走。
 
「多謝你對我既坦白，我地只係用唔同既方法嚮到求生，我殺人去完成任務，而你就負責留住‘兵’，所以我唔認為你係一個唔乾淨既女人。」
 
「啜！」我吻了敏晴的臉頰一下。
 
「我地唔好再浪費時間啦！換好衫之後，我地就即刻預備離開呢度！」我說。