【微甜】點解有五條女同我一齊?: 41-出事了！-「新版」
我舉頭望一望，係啊麗。
點解佢會係度既，又玩跟蹤？我唔知，我呢一刻只係知道一個事實，就係女神係永遠都唔會中意毒撚，所以我真係灰到爆。
「你好中意果個女仔架？」啊麗問。
我無回答佢，因為只係得女神先會令我有好中意既感覺，係果刻個心就好似比人萬箭穿心咁，抖都抖唔到氣咁。
啊麗之後坐左係我身邊，用手掃我背脊，但係我真係想一個人靜下，我都唔知點做好。
我忍住喊，嘗試用正常既語氣咁話：「你走啦，我想靜下。」順手拉開啊麗隻手。
因為係咁既狀況，我唔想任何人點我，就算係我果三個女朋友。
啊麗只係喺度望住我，望左一陣，見我個樣咁唔開心，所以打算安慰我。
啊麗就話：「不如你講出黎啦，講出黎會舒服啲架。」
雖然我唔想講，但係你都唔好成日整個抵屌樣比我睇呀，你都玩得跟蹤咯，問黎做咩？想笑鳩我呀?
「你都聽到哂啦，仲問。」我講。
「唔好誤會呀，我只係經過見到你地，見你地傾傾下你又好sad咁走左出黎，睇個樣似表白不成咁姐。」
咩表白呀，我無你諗得咁賤，有女都溝女呀，只係比女神講講，真係打擊太大咁姐。
我開始無喊，可能係有女仔係度，唔太想流露脆弱既一面，我答：「總之唔係表白啦。」
「你份人最中意有第一個就搵第二個架啦，如果唔係溝女，唔通真係純粹食野咩。」
「我都無可否認，我係有咁諗過，咁都係得一次姐，邊有你講到咁嚴重，仲有，我之後都無啦。」
唔知點解，我開始同啊麗講野，好想有人關心下我，就算係只係傾一陣都好。
「邊只一次，係兩次呀，繼埋呢次已經係三次。」啊麗笑住咁講。
我諗左一諗，啊情一次，啊雯第二次，女神第三次。
但係問題係第一次唔係依家既我搞既，第三次係你誤會，我根本就無諗過要溝佢，雖然我想。
但係我無咁答啊麗，因為佢都唔明，所以我求其佢。
「嗯，你都講得岩，係有三次，我都係求個安心姐，有多幾重保障姐。」
「咁你又唔好咁講，佢地都好愛你嘞。」
「我唔知幾時會失去佢地，其實我好驚，驚有一日佢地其中一個會走，唔會再中意我。」
「如果佢地走左，仲有我呀嘛。」
「呀大小姐，我同你唔係好熟，講到好似我地好熟咁。」
「原來你真係完全唔記得左我。」啊麗開始有少少唔係幾開心咁。
「我地之前識架？」
我已經無再驚突然之間又有人話識得我，因為已經習慣左，反而係有種求知慾，想知道來龍去脈。
「我係你小三果年坐係你格離果個女仔。」
「係咩？我真係無刻象，唔好意思。」
咁耐既野點會記得呀，直覺話比我聽，就算係之前既我都唔會記得。
「我記得果年，我同你都好曳，所以都比老師調左係老師枱度。」
的確我小三果時係有啲咁既事，但我係記得係得我一個比老師罰，而且係比人屌到仆街先會調位。
啊麗繼續講：「係果年我同你都好好傾，上堂都傾到比老師鬧，成日都細聲講大聲笑，果段時間係我人生中最快樂既時間。」
啊麗望住個天繼續講：「不過快樂既時光係過得特別快，係小三升小四果段時間，我爹哋要返大陸做生意，但又為左我可以係香港讀書，所以我搬左去親戚屋企住，因為當時仲細，所以唯有轉校讀書。」
「姐係你一早就認得我？」
啊麗搖一搖頭。
「唔係，開頭都認唔到你，係喺酒店果日，個主管話要你賠錢果單野，見到你個名牌，所以知道你個全名，發現原來係你。」
「有冇咁穚呀？唔比係同名既？」
「所以我有查過發現你同我都係同一間小學。」
啊麗再講：「因為我無咩真心朋友，所以好記得你，你係好有義氣同好中意保護人既人。」
我諗一諗，乜我係d咁既性格既人黎架咩？
「咁我當時做左啲咩？」
「我記得果日係體育堂既自由時間，我無聊同你去左走廊度玩，我唔小心打爛左個火警鐘既玻璃，消防員好快就到左，你話係你做既，結果比左個缺點你。」
你會話點解消防員咁快到呢，因為隔幾條街就到學校，而且咁小事都要記大過係因為間小學唔野少，係區內都算係最好既小學之一，入bank1中學比率都唔低，所以我果時小學生涯都幾慘。
「所以你就好記得我？」
啊麗搖一搖頭。
「梗係唔係啦，只不過係由果時開始留意你姐。」
「留意我？」
啊麗點一點頭。
「而且果時我無咩朋友，有咩事都有你陪我幫我。」
「之後都係無乜邊個有咁做過，就連啊情都只係普通朋友。」
「咁既然我係你最好既朋友，咁你點解要玩鳩我先，又要逼人扮你男朋友？」
「我都唔想架，我唔知點解好想你留意下我，好想你關心下我姐。」
「大佬呀，我就比你玩死啦，你知我有女友架啦，玩都唔好玩咁大呀？」
「但係我真係搵唔到其他人幫我，其他人都只係追求名利，或者美色，咁我可以點揀，而且....而且.......」
而且咩呀？吞吞吐吐咁。
啊麗睇住我講：「覺得係你份人好，如果搵你一定唔會對我有咩企圖，因為你份人夠單純。」
「所以你就要玩我呀？」我問。
「唔係咁架，我唔係想玩你，係我想同你做個朋友姐，不過你好似唔係幾中意我咁。」
其實都係既，你成日都帶住面具做人，唔辛苦咩？
「咁我同你做朋友既話，咁係唔係可以唔洗扮你男朋友先？」
「唔係喎，你更加要幫我呢個朋友。」
「咁我好難做架，就算我依家幫你姐，咁將來呢？我幫唔到你一世架，你不如正正經經搵個條仔啦。」
「咁呀......咁比你部電話我呀。」
「要我電話做咩？」
「你比左我先啦。」
我就拎左電話比佢，佢拎左上手，順手佢拎埋自己果部電話，禁左一陣就比返我，沿途佢完全唔比我睇。
我拎返睇一睇......
唔係掛，佢幫我係個龍之家度加左佢入去之餘，仲要係度幫我打左句野，睇到都唔知要死幾多次先得。
我:啊麗同左我表白，依家就係呢度既一份子。
之後我望一望啊麗都禁一禁電話，就彈多左句
啊麗:唔好介意呀，溝左你地條仔。
我望一望啊麗，啊麗就話：「我依家正正經經咁受你溝啦，唔係扮，係真啦，咁你滿意啦。」
「你都痴撚線，你咁搞我死硬架。」
我急急腳咁打算係龍之家講實情唔係咁，係打緊之際.......
「其實有啲野又唔洗做到咁絕既。」啊麗望住我打一打眼色。
唔知點解我feel到啊麗係講緊啊柔單野。
唉，又用威脅，你不如殺左我把啦。
「信我啦，你會無事架，佢地三個同你一齊都無事啦，多我一個姐。」啊麗再講。
啊柔:多多指教，我叫啊柔呀。
隔左一陣，彈出啊情離開龍之家既群組。
屌，出事啦，我就即刻打電話，連續六七次都無人聽，我當時真係唔知點做好。
我諗左好耐，我諗緊佢平時唔開心既時候會去邊，但係問題係我識左啊情唔耐，根本唔了解佢。
「唔好荒喎，啊情唔會唔理你架，佢都係嬲一陣架姐。」啊麗講。
「你當你自己係邊個呀？咩都自把自為。」
突然電話一聲，我心裏面當然希望係啊情搵我，但係我亦知道非常渺茫。
我望一望電話，原來係啊柔打黎。
「啊龍，啊情佢？」啊柔講。
「啊柔，你不如打比啊情先啦，佢似乎唔聽我電話，如果打唔通既就....」
「直接去啊情屋企睇下？不如直接搵佢啦，啊情離唔開都係果幾個地方。」估唔到啊柔係呢個時候諗野仲清醒過我。
「咁好啦，搵到同我講喎。」收左線之後，我都無咩可以做，唯一要做既就係等。
「我應該知啊情係邊，不如我帶你去呀。」啊麗好冷靜同我講。
目前黎講，我做既野只可以係等，既然啊麗知係邊，等佢帶我，總好過白白咁浪費時間去等。
我點一點頭就跟左啊麗行，行行下原來係上車，係上啊麗架車。
上左車無幾耐，去到一個碼頭，我地落左車，啊麗指住前面一個飲緊啤酒既女人，望真d原來係啊情。
「點解你會知啊情會係度？」我問。
「因為啊情次次唔開心就會黎呢度，而且平時仲會有個男仔陪。」
「咁個男仔？」
「我會幫你解決呢個問題，你要信我。」啊麗突然之間答d咁既問題。
我都黎唔切反應啊麗就去左搵啊情，既然係咁，唯有相信啊麗，我走埋一邊坐底遠觀，希望成件事可以快d解決。
但係無奈地個情況好似越搞越衰，眼見啊情越講越激動，似乎想跳海咁，我忍唔住真係跑左過去阻止啊情。
啊情望到我之後一句聲都無出過，啊麗亦都見到我竟然會跑過黎而驚訝。
「啊情，你聽我講，實情係咁架，我真係對啊麗無感覺架，係佢硬要做我女朋友咋，我無諗過啲咩。」我講。
「啊龍你......」啊麗好驚訝咁講。
「啊情呀，我真係剩係中意你地三個咋，有你地我仲點會去搞其他女仔呀。」我講。
「咁點解......」啊情攞起手機比我睇。
個畫面顯示啊麗比我邀左入龍之家。
「係咁既，因為啊麗攞我部手機自己加架。」
「你再繼續吹呀。」