【微甜】點解有五條女同我一齊?: 33-公仔-
女神就行左過黎，放左張紙。
上面有8位數字，估計係佢個電話號碼，然後佢就搵到個位坐底溫書。
我望一望佢，佢對住我笑左一笑。
我就入左個號碼，叫做"女神"，之後就掉左張紙。
有一刻我係度諗，佢會唔會係第四個中意我既人呢？如果係就好啦，因為我的確係幾中意佢。
不過人地係好女仔，都唔會想同三個女仔分男人啦，所以我說打消呢個念頭。
之後我就繼續溫我既書，溫左無幾耐，我就訓著左。
可能太悶既關係，再加上我唔係咩讀書材料，所以根本入唔到腦。
訓左一陣，啊柔就拍醒我。
「啊龍，我地走啦。」
我點一點頭，望一望周圍，得返小貓三四隻，而且天都黑齊，我再望望七點幾鐘。
係時候回家食飯，唔係老母又催我返去食飯。
我就執埋啲野，正打算離開。
「今次好在有你地，唔係我新年都唔知點算。」啊雯笑住望啊柔同啊情。
「唔洗咁客氣喎，小小野黎姐。」啊柔望住啊雯講，而啊情就點一點頭。
「自己人嘛，唔洗講呢啲野。」我搭爹。
「係囉，全程係度訓既自己人。」啊情望住我講。
「訓係因為搵周公幫你地打氣嘛，你地識條鐵咩？」我反駁啊情。
「訓就訓啦，仲係度死撐。」
「唔係訓，係沉默的打氣，細佬女唔明嫁啦。」
「好啦，一人少句啦，天都黑哂啦，返去啦。」啊柔出聲和解我同啊情。
「好心你啦，好似啊柔咁，唔好成日駁我啦。」我打算抽啊情水。
「我係咁嫁啦，唔好要我呀笨。」啊情扮哂好嬲。
「點會唔要你呀，你都未同我玩鞋。」
啊情就一手蚊我耳仔。
屌，痛.......痛痛，講真，好撚痛呀，放手啦！
啊情個樣開始變得唔開心，我心諗死啦，係唔係玩得過火左呢？
我就拉開左啊情隻手，雙手攬住啊情，黎一個深情一吻。
我就好溫柔咁對住啊情講:「唔好當真，講笑姐，我點捨得唔要你呀，你咁好。」
啊情係無望住我，但係塊面紅到無得再紅。
「不.....不嬲都知你講笑。」
然後推開左我，走左出去。
啊柔同啊雯都望到成個過程，咁我就一人一啖補數，之後我地就返左屋企。
我返到就打左一晚機，啊雯無上線，應該係去左溫書，我打到累，都去左訓教。
話咁快又到左星期四，我又要返學，一如以住咁，又係上靚女miss堂。
「喂，啊龍，有野送比你呀。」啊偉上堂既時候講。
之後係個袋度拎左隻毛公仔送比我。
「真嫁？多謝哂喎。」我問。
有公仔都好，送比啊雯，啊雯實開心死。
「唔只咁少，仲有幾個呀，你要既比哂你呀。」
啊偉比個袋我睇，真係有四五個係個袋度。
「搞咩有咁多呀？」我好奇問。
「無呀，尋日我去左擺灘檔，果日係最後一日，個老闆好好人，賣唔哂就送左幾隻比我，原本打算賤賣，但係聽講你有女，所以問下你要唔要姐。」啊偉答。
「咁洗唔洗比返錢你呀。」
「傻啦，人地送既，我攞去賣比朋友太鳩屎啦，依家送哂比你，唔洗多謝。」
「咁我要三隻得啦。」
要咁多都無用，一人一隻唔洗煩。
「唔好咁啦，一係就要哂，我唔想煩，送哂比你啦，就咁話啦。」啊偉講。
我都唔知點拒絕好，唯有要哂佢啦。
「咁好啦，多謝哂喎。」
結果都係要哂全部。
我拎左個環保袋，裝起啲公仔。
「屌你，兄弟黎嫁嘛。」
估唔到啊偉對我係兄弟，之前仲怪佢比份on9工我添，睇黎我要重視下呢個朋友啦。
「你地係度搞咩呀？」突然之間，靚女miss過左黎我隔離講。
唔講都唔知係上黎堂，上次講左我係有聽佢書，而且我成日答啱問題，所以當左我係乖學生。
小小唔聽書就比佢發現，我諗今個學期有排苦。
miss就繼續講:「男人老狗玩埋啲咁既公仔？」
「唔係呀，唔係咁架miss。」我反駁miss。
屌，柒到爆，原本都無人留意我，而且有女同學係度，比miss講講就全班睇住我。
比人知我玩公仔，雖然唔係咁，但係男人加公仔本來就唔係一件好事，呢個miss真係厚多士。
「啲公仔沒收，落堂問我攞返。」miss笑住講。
仲細咩？落堂攞返，中學先會有，依家假假地都係大專，miss no play鳩me啦。
點撚知真係玩鳩我，真係沒收哂啲公仔。
笑了，一個男仔要落堂問miss攞返啲公仔，聽到都笑鳩個男仔啦，係咪呀？
上撚完堂之後，啲學生走哂，啊偉就話有野做走先，唔等我，所以課室得返我同miss係度。
「落堂啦，係唔係可以令返啲公仔呀？」我好聲好氣同靚女miss講。
「嗱，自己拎。」靚女miss答。
靚女miss將袋公仔放左係老師枱。
我就一手攞起，miss就望住面頭個公仔，我估miss係中意個公仔，唔通所有既女性都係中意公仔既。
我望住miss既表情，同啊雯望實個公仔既表情係一樣，但當然miss個樣無咁有感情，可能係唔想比我知啦。
我望多兩眼，就放低左面頭既公仔。
「miss，呢個公仔送比你呀。」我講。
miss比我嚇左一嚇。
「唔洗啦，我唔要呢啲。」miss講。
雖然佢口內說不，但係身體卻很誠實，佢個樣完全出賣左佢，因為佢個樣係話比我聽，佢很想要.....果個公仔。
「我送左既野係唔會收返，你掉左去之好，轉送比人又好，總之唔好比返我就得。」
「咁好啦，既然你咁堅決，咁我就多謝你啦。」
「唔洗多謝，咁我都走啦，拜拜，Miss。」我一路向課堂門口行，一路對住miss揮手。
之後我就拎住袋公仔，走出學校，向屋企進發。