【微甜】點解有五條女同我一齊?: 32-女神降臨-
之後我返度屋企打左一陣機，啊柔終於回覆左.....
啊柔:都可以，中四英文唔難既
啊情:我都幫到手嫁，英語唔差嫁我
我:情姐姐，你英語都得？唔係中六收左皮咩？係度返工
啊情:喂！唔好講到我好差咁，我數學收左皮渣，唔係我都讀緊u啦。我英語有4嫁。
啊雯:咁就靠你地啦，希望可以合格。
我:咁好啦，我地就去自修室度温書，一齊努力！！
啊情:你都會溫書?豬乸都會上樹呀。
啊柔:都好呀，得閒搞下呢啲活動都無咁悶。
我:悶？姐係話我份人悶姐，連啊柔都話我...唉！
啊情:抵你死呀，連啊柔都唔妥你呀。
就係咁，約左聽日4點之後到自修室度溫書。
話咁快又到聽日，等埋啊雯放學，我地四人行咁去左自修室温書。
好好彩咁搵4個連位，坐位由左至右，我，啊情，啊雯，啊柔咁樣坐。
主要係因為要幫啊雯，而我就陪溫，作用唔大，所以我坐最邊邊。
聽到佢地係咁講英文我都自撚卑。
點解？我英文攞u囉，講起就只可以怪自己小時不努力，老大等乞食。
我仲記得我幼稚園英文已經全班最差，中文都唔好提，只要係語文類既科目，我都名列後盾。
依家聽到英文都抗拒，所以我都打算帶個耳機自私溫中文筆記算。
溫溫下，有人拍我博頭，我舉頭望邊個，一望之下原來係女神。
之前唔知幾時同你地講過下我中學有個女神，依家略略咁講下佢。
矮矮地，有c cup胸，有啲肉地，笑既時候好甜，最重要性格好女人。
你地聽起上黎其實無咩外表，因為最重要係性格得人鍾意。
佢果種女人性格係會完全配合一個大男人既性格，所以先比我封做女神。
話說我同佢係中四果年識，因為係同班，所以都會見到面。
問題係原本毒撚既我係唔會對無外表既女人有興趣。
但係偏偏個班主任唔知係咪玩鳩我，將我編左同個女仔一齊坐，心諗做乜鳩呀？
我一開始都講左我無咩女人緣，再加上獨子，一直都無同過女仔傾過計，
所以好撚緊張，就算係豬排都好。
可能佢真係人際天性好，成撚日撩我講野，所以就成日帶到話提講，講到落堂都唔知。
可能係咁，所以我接觸佢份人多左，所以就開始鍾意左佢。
之後上到中六都坐係我附近，真係唔係講笑，應該係因為我啲成績差到要佢教我，所以個濕鳩班主任就玩鳩我。
由我中四完左之後先知我鍾意左佢，所以我中五開始就好怕羞，而且唔希望比佢知我鍾意佢，
因為我係毒撚，佢點會揀我既諗法，所以收收埋埋。
到中六畢業就不了了之，其實到左呢刻，我都仲有少少鍾意佢，而且我同前女友分手唔多唔少都係我女神既原固。
因為我從來無忘記過我女神，所以我同前女友一齊既時候都好自責。
點解我會忘記唔到佢架，即使我依家有三個超正女友係我面前。
女神就話:「依，咁岩既。」
「係.......係囉，咁岩既。」我都唔敢直望女神，低頭思故鄉。
係呢一刻，我feel三個火爐中同開火既熱力向我逼近。
我再望望，原來係三條女同時呷醋，果然女人既真覺係最準。
「你啲朋友呀？」女神望一望啊柔啊情同啊雯果邊。
「係呀，係呀。」
屌，我講緊咩野？點解會咁嫁，我夠竟搞乜？
「咁寶如(前女友)最近點呀？」女神問我。
「下，你識寶如？」我嚇左一嚇望住女神。
女神都呆左一呆，點一點頭。
「你比你電話號碼我得唔得？我有重要野搵你。」我好著緊問。
女神比我個反應嚇到唔知點。
「哦....哦，好呀。」女神比我嚇到。
「啊龍，你又溝女，當我地死嫁。」啊情係後面講。
「都係唔係咁好既。」女神又望一望啊情再望住我講。
「你可唔可以同我出去傾啲野。」我好正經講。
女神就比我個正經眼神影響到，覺得唔係溝女咁簡單，所以都同我出左去，我叫啊柔佢地繼續溫。
我同女神出左門口。
「點解你會知我女友既野？」我問。
「我都係聽朋友講，我先知。」女神答。
「唔係講呢啲呀，係呢度無人知佢同我啲野。」
「點解咁講？」女神好好奇咁問。
「你聽我講，你要信我，係一個月前，原本我同我女友分左手，原因係咩就唔講啦，過左兩日，唔知點解有兩條索女話我係佢男朋友喎.........」
女神聽完我講就諗左一諗，好似需要時間組織咁。
之後我再講:「我係一個月前唔知點解，我段記憶同依家啲野的確有啲唔同左。但係點解得我同你會有呢段記憶？」
「會唔會係你諗得太多？」女神反問我。
屌你，都估到你唔撚信我嫁啦。
我就無出一句聲，就去開左棟門。
我望一望啊柔，啊柔望住我，我用手勢叫啊柔出一出黎。
啊柔出左黎，閂左棟門。
「做咩，搵我有事？」啊柔問。
「咀我一啖呀。」我望住啊柔講。
啊柔望一望女神好似唔好意思咁面紅，然後啊柔合埋眼咀左我一啖，之後就怕怕羞羞咁入左去。
女神望完呆左，我就再講:「咁你依家信唔信呀？」
「咁你就爽啦，有三條女鍾意你喎。」女神講笑咁講。
女神個樣一睇就知覺得我唔三唔四咁，你估我想架？
無啦啦搞到咁我都唔想，話哂我都唔想比心意既女仔面對亂搞男女關係。
我就嘆氣咁講:「問題係如果呢個真係真正既世界，咁無可能你都會有同樣既記憶，所以否定左我地依家身處既世界係現實世界。」
「姐係話你想講我地去左唔係原本既世界？」女神問。
「唔知，可能係，或者係係一個月前個世界就改變左。」
「咁你想唔想返去原本既世界呀？」女神再問。
我諗左一諗，畢竟身為一個男人，冇可能永遠只係鍾意一個女人。
係呢刻，我係唔想，因為同啊柔啊情同啊雯一齊，我覺得好開心。
「睇下返唔返到去啦。」我答。
「你地啲男人就係咁，想有好多個女人服侍，你地到底明唔明咩係愛情嫁？」
其實我係呢件事都掙扎左好耐，我想係到做皇帝定係返去做奴才好。
佢依家問鳩我講到我做錯咁，我就厭煩咁講:「唔明呀，我依家好亂呀，唔知點好。」
我頭也不回咁返左入去，坐返埋位，帶去耳機，聽歌溫書算。