【微甜】點解有五條女同我一齊?: 25-真相-
果個男人因為想嘗試攞返張卡，所以比啊麗啲保鑣推倒。
「信唔信我報警呀啦。」個男人試圖兇啊麗。
「我都可以告你意圖強姦同威脅罪，睇下邊個重啲。」啊麗冷靜咁回答。
個男人起返身。
「你好野，有有錢人幫你，我唔會就咁算嫁，你好自為之。」個男人用手指鳩住我。
之後個男人頭也不回咁走左。
我望住啊麗打算問佢啊柔既事，但係我講都未講就比啊麗打斷左。
「如果你想知你女友啲野，你直接問佢啦。」
我諗左諗，又係喎。
「唔該哂你呀，我去睇睇佢。」我都唔知講咩好，唯有講唔該就走。
我打算走既時候，啊麗喝住我就話:「喂，啊龍，我今次幫你，咁你爭我一個人情喎，下次有事我會搵你幫手。」
我點一點頭，我就走左。
我一路走一路諗，諗極都諗唔明，可以係有錢人做既野窮人唔撚會明掛。
最後我都係無問啊麗點解係度，而且只可以選擇爭佢一個人情，希望下次可以好好咁還返比佢啦。
我就走到原本既地方，但係啊柔唔係到，所以我猛咁搵，搵左一陣，
原來啊柔係個月台到坐左係到，我行左過去。
啊柔已經係到喊緊，我就坐埋去問佢咩事之類，
雖然佢喊緊講啲野一舊舊，但係都大概聽得明。
我組織一個成件事先.......
是咁的，事原係啊柔知道左我有第二個，姐係啊情，
但係啊柔又唔想無左我，一直收收埋埋咁屈係個心到，所以走左去借酒消愁。
啊柔話佢第一次飲酒，所以好快就醉左。
係朦朦朧朧之下見到我，同我發生左關係，事後先知同左個唔係我既男人搞左野。
個男人可能係一早睇中左啊柔，所以就影哂相之類既野。
啊柔又驚我知道左而唔要佢，所以就一直無同我講。
個男人又仆街又賤格，想玩下新野，SM呀，走後門呀乜都玩，所以啊柔都唔知點做好。
啊柔又唔可以報警，驚公告天下之後會無人要，而且又怕無左我，所以唯有向惡勢力低頭。
直到上年年中，係條街到比啊柔發現左我同啊情行街街。
原本打算扮唔知，睇唔到就算，但係啊情又見到喎，所以唯有攤牌。
啊柔覺得對唔住我，所以打算分手。
但係我唔想，所以當時既我好荒謬就話不如你地兩個同我一齊啦。
當時啊柔就當然無反對，而啊情就覺得都ok，但係個樣好似唔多妥咁，
我估應該係唔洗偷偷摸摸咁都唔錯，但係又想獨佔我掛。
啊柔就無交代過啊情點解會咁啦，不過有得一齊好過無，所以就變左我依家個局面。
啊柔同我講完啱啱果番話之後望住我講。
「你會唔會唔要我嫁？」
我真係好想喊出黎，因為係我對佢唔住先，但係啊柔都一直都係覺得自己既錯，試問一個普通既女仔會唔會咁諗？
正常都會話係你地啲男人有錯在先，所以我睇得出啊柔真係好愛我。
雖然我想喊，但係我要忍住，男人大丈夫流血不流淚。
「錯唔係你到，係我偷食在先，呢句應該係我問你先岩。」我講。
啊柔就攬住我，我就繼續講:「你係一個完美既女仔，又靚又對我好，而我只係一個傷害你既毒撚，又花心又無用，你仲同我一齊我已經覺得好幸福。」
「但係我唔係你想像中咁好嫁，我之前係覺得對係唔住先扮出黎。」啊柔鬆手望住我咁講。
「咁仲好啦，你做返自己啦，我想睇下真正既啊柔。」
「咁你仲要唔要我？」啊柔微笑。
「仲問？我嬲嫁。」
啊柔就攬住我，攬左無幾耐，就送左啊柔返去，自己亦都返到屋企。
話時話，明明成身傷，但係次次比啊柔攬都唔覺痛，啊柔可能有神奇魔術手。
不過今日都發生左咁多野，都可以埋尾，
但係諗諗下就發現原來聽日就係情人節，我咩都未諗，唯有今晚死掂佢。
我都上網睇過，到到地方都好貴，
再望望手頭上既資金，根本就唔夠請哂三個女仔，所以都要諗諗計。
突然whatsapp響，我望一望，應該係啊柔搵我啦。
點知係啊麗喎，我睇睇......
啊麗:hi，你係時候還人情啦。
我:咁快就還得，講黎聽下。
啊麗:我想你做我男朋友。
我:下？點解？你知我有女友嫁。
啊麗:唔係真嫁，幫手做場戲姐。
我:幾時？
啊麗:聽日，晚上6點開始。
我:聽日情人節幫你唔到，要陪女呀。
啊麗:如果我話有四張聽日既自助晚餐連一間超級豪華套房呢？點睇？
我:無得傾，如果下次再有機會先還返個人情比你啦。
啊麗:總統套房嘞？無得再加碼啦。
我:唔係房既問題，係時間問題。
啊麗:其實只係食餐飯，唔會阻你好多時間。
我:對唔住呀大少姐，不如你搵第二個啦，唔係話唔幫你，係因為我驚d女話我又搵第二個，當我求下你呀，我唔想再搞d咁既野，我唔想佢地三個又為我傷心，ok？
啊麗:好啦咁，我唔逼你，不過如果你聽日6點前想回心轉意既話同我講。
我:唔該哂，多謝哂。
講完之後回下啊柔啊情同啊雯既whatapps咁。
當然唔玩唔抒服既我就一定要開電腦打下機，順便可以同啊雯傾下計，增加我地既感情。
我開skype，見到啊雯上左線，啊強同啊俊都無上線，估計返左工，
不過仲好，唔洗有咁多電燈膽係到阻住我同啊雯既甜言蜜語。