【微甜】點解有五條女同我一齊?: 24-綠帽男-
大概十點左右，啊柔醒左，不過因為我全程無郁過，所以手手腳腳都痺哂，
不過望到啊柔訓教，要我做馬做牛都抵。
之後我同啊柔講返話我同啊強啊俊佢地出去買啲野，所以就叫左啊柔自己搵野做。
啊柔話無問題，但係就小心啲，因為有傷係身，我就同啊柔講，我唔拎開件衫無人知我傷左。
話咁快就到左1點鐘，啊強同啊俊都到左，我就梗係仲行緊去火車站啦，點解？因為遲到是常識吧！
當然講笑，其實係因為太近火車站，覺得好快就到，唔洗急，所以無咩時間觀念姐。
到左深水埗我就同啊強啊俊行行企企咁遊走黃金同高登，
而且SSD 呢樣野要睇寫讀速率同容量，所以啊強先搵我，
其實我都係即場睇下有咩覺得抵姐。
搵左無幾耐，三點半左右，啊強都買完SSD，所以我地都打算返去。
正當我返去途中，搭緊地鐵之間，
就係太子轉站既時間，就比我眼尾見到疑似啊柔既生物，
作為男朋友既我，而且啊強既任務已經完成，所以我有合理既理由去搵啊柔。
可能啊強啊俊都無發現，所以我同佢地講我有啲野做，我就走出左車，係月台度打算問下啊柔做咩咁啦。
但係啊柔好快咁搭左電梯上去，快到好似做啲唔見得光既野咁，
當然我都唔會比佢跟甩，所以我都行樓梯，最後都搵到啊柔。
但係啊柔隔離竟然有個男人，個男人就係我回憶見過既男人，點解啊柔會仲有同呢個人仲有來住？
我嬲爆爆咁走左過去。
「喂，你唔好再纏住啊柔喎。」我同個男人講。
啊柔同個男人都嚇左一嚇。
「姐係點先？依家叫個男朋友仔黎兇我呀？」個男人望住啊柔講。
「啊龍？點解你會係度嫁？我突然之間想同你食野，不如我地行咯。」啊柔無個男人，反而想拉我走。
下？想帶我走？邊有咁易呀，我黎得呢度就係想個男人唔好再纏住你，你依家帶我走？
「我唔走，依家呢個男人纏住你呀，唔打過唔得。」我打算直接介入解決呢件事。
啊柔就呆左一呆，諗住點解我會講啲咁既野。
「既然你都係度，咁我就不仿同你講下我同啊柔既關係。」個男人就講。
之後個男人就係電話禁左張相出黎，比左我睇，就係個男人同啊柔既啪啪啪既圖。
我諗左一諗，其實以前我應該係見過嫁喎，無理由又比多次我睇，
所以我就推論出之前既我係唔知呢件事，甚至件事唔係我諗咁樣，
而且我係唔應該搞到啊柔咁尷尬。
事到如今，唯有扮唔知，等個男人講出真相，咁就一天都光哂。
啊柔就繼續想拉我先，我就當然要打爛沙盤問到篤，打死都唔走。
「咁點呀？」我問。
「比帽你帶呀，死蠢。」個男人講。
下？咁講法，姐係同我一齊之後既事？唔會係咁既.......
「啊柔，我想聽你解釋。」我問啊柔。
「我都唔知點解釋比你聽，我只係中意你一個架咋。」啊柔就望左一望我。
我當然知道啦，但係我想知真相，我見啊柔唔係太想講，
我諗應該係個男人係度會加鹽加醋，所以我打算拉走啊柔再問個夠竟。
個男人望我帶走啊柔。
「喂，咁姐係點呀？搵個男朋友仔過黎就唔同我做愛啦，你信唔信我放上高登，等所有人都知你全相呀。」男人打算唔比我地就咁走左去。
「你夠膽？」我怒視住個男人。
突然有個另一男人衝左過黎，
我姑且就叫比相我睇果個叫A，衝過黎果個叫B，
B一手搶左個電話就跑到老遠，而A就話:「屌，無backup。」然後急急腳咁追。
當然我都去追，話哂都有啊柔啲相，追追下，個B拎左個記錄卡，
比返個電話比A，咁個A就話:「比返張卡我呀，入面有啲重要野係度。」
之後啊麗出左黎，(唔知邊個啊麗就重新講解下，佢係我之前返工既酒店既大少姐，家景非常有米)
個B就比左張卡比啊麗，然後啊麗就比左啲錢個B，就轉身頭也不回咁走左。
啊麗後面仲有兩個人，應該係保鑣之類，
但都唔係重點，因為點解啊麗會出現係度既？
A就想搶返，但係啲保鑣阻止左，啊麗拿左個卡比我。
「唔好問我點解係度，只要你知道爭我一個人情就得。」啊麗講。