【微甜】點解有五條女同我一齊?: 18-三位女友-「修正版」
我開一開眼，原來岩岩我發夢。
會唔會係我日有所思，夜有所夢？
點解前女友要著白衫係我面前出現。
呢啲不解既事情都係之後先諗。
不過更令我奇怪既事情係......眼前見到啊柔啊情同啊雯三個係度。
我再望一望自己，原來自己身處係醫院......
「啊龍，你醒啦？」啊柔見到我開左眼就話。
「依~你地都係度呀！」啊雯同啊情都望左埋黎我度。
啊柔捉住我隻手就話:「頭先我幾驚你有事呀。」
原本我想笑住咁講，但係可能暈完無咩力，
最終唯有細細聲講:「老子賤骨頭死唔去。」
「係呢？班mk仔呢？」我醒左一醒，諗起暈左之前既事，我就即刻問。
啊柔望一望啊雯，然後再望一望我就開口講:「啊雯搞掂左佢地，你唔洗擔心，你抖下啦。」
我打算合埋眼就諗到啊情比人打既地方，我就開返眼問:「咪住，咁啊情點呀？」
我成個人彈起，望住啊情。
「你訓底先啦，我無事呀，你都幫我頂左幾拳，我只係有少少傷渣。」啊情輕輕力推反我訓係張床度。
「係咩，咁你仲痛唔痛呀？」
其實我真係幾擔心啊情有事。
「你顧掂自己先啦。」啊情講。
啊情唔講我都唔記得自己仲傷過佢，依家諗起就痛到爆。
啊情望到我個痛苦樣都忍唔到笑左出黎，
「睇你以後仲敢唔敢去溝女。」啊情一路笑一路講。
我好想講唔敢，但係痛到一句野都講唔到。
啊柔睇到我咁就叫左醫生比啲止痛藥我食，食左之後終於無咁痛，不過都係好痛。
之後正想同啊情交待下往後既關係既時候......
突然啊柔放左隻食指係我個嘴度，搖左一下頭。
我個樣想問啊柔做咩，佢就伸個頭埋耳邊到話:「我地一齊照顧你唔好咩？」
我諗左一諗，望一望啊柔，視意唔係好明你講乜既意思。
啊情就話:「原本我都反對，不過你又咁中意我，又咁緊張我，你又想同啊雯咩，咁我....」
開始越黎越細聲，超細聲咁話:「我當視而不見囉。」
雖然細聲，但係我聽得一清二楚，我再望望啊雯。
啊雯耷低頭，咩都無講，佢似乎好怕羞咁喎，不過又幾可愛。
我再望一望啊柔，啊柔就話:「你開心，我就開心架啦。」
「你地唔會呷我醋架？」我就細細聲就問。
「再講我就走架啦。」啊情講。
我比啊情呢句說話嚇左一跳，我再講：「一係就咁，一個星期每人兩日，剩左果日比我休息囉，好唔好？」
「有得咁分配架咩？無得你揀喎」啊情講。
「如果咁講既話，我一至五返u，咁係咪得星期六日揀？」啊柔講。
啊雯都講:「我都係要返學，咁...咁...」
啊柔同啊雯相望，之後兩人同時望住我。
「望住我做咩姐。」我不知所操咁答。
「咁我唔返工既話，咪可以日日陪啊龍囉？」啊情講。
「下，可以咁都得架咩？」啊雯講。
啊雯再講：「咁我都唔放學啦。」
「我陪你唔返。」啊柔。
「喂你兩個唔可以唔返學架。」啊情。
「咁我可以補返啲課架嘛。」啊柔。
佢地係咁傾計，係唔係當我呢個病人死嫁？
我無咩力水咁話:「邊個得閒咪陪邊個囉。」
佢地三個都望住我。
「收聲啦，未傾點呀。」啊情講。
啊雯同啊柔都話:「係呀。」
屌你，唔係我傷左，一撚早就姦撚左你地。
我諗左一諗，無理由咁岩啊情同啊柔又會係旺角，真係奇怪。
我就問:「啊柔，點解你地岩岩會係旺角出現？」
「因為啊情佢係你個電話到裝左GPS囉。」啊柔話。
我望住啊情，啊情就話。
「咩呀，點知你會唔會溝女呀，那，啊柔都有份嫁。」
「明明係啊情你幫我裝埋，啊龍，我唔係固意嫁。」啊柔望住我，擺出無辜既樣。
原來係咁，姐係話，我去左旺角啊柔同啊情知道，同埋啊情比人撩既時候，
啊柔又知道係邊，都係靠GPS，所以就知道我一清二楚。
喂，咪住，點解會比啊情hack左個Gps都唔知掛，屌.....
「係咩，我又要睇到啊龍個GPS呀。」
唔係啊雯都想加入追蹤大家庭呀？我既私隱何在？
「等陣幫你搞。」啊情笑一笑，好似覺得佢既管理男友既方法受人肯定咁。
問題係我唔覺得有咩咁好，至少無一個男人會想比人管。
我都費時理啲咁既野，問返啲重要野先。
「哦，原來係咁，咁啊雯又點解識功夫呢？」
「無呀，呀爸呀媽逼我學，依家抬拳道黑帶。」啊雯就望住我。
哇，一個妹妹仔又打機勁又識功夫，真係一個怪人，
做女仔唔應該咁，不過我又中意佢，真係比佢吹漲。
我問啊雯:「咁我袋野呢？」
「比柔姐姐同情姐姐睇哂啦。」
唔係掛！咁情人節禮物咪無咩驚喜，唉！咁真係買黎托。
「咁咪搞到一啲都唔驚喜囉。」我就話。
「唔係呀，岩岩第一眼睇幾有驚喜，啊龍你都識買啲水晶果類野，你知唔知你從來都唔買禮物嫁？」啊柔就笑一笑，笑起黎真係由個心到甜出黎。
「係咩？可能我突然間想情人節搞得驚喜啲掛，不過依家都無咩驚喜。」我講。
講到呢度，又望一望啊雯，一到諗情人節又要陪多件，做乜鬼咁多女朋友呀......
我突然諗起諗諗個夢，佢話我將會有五個女仔中意我，會唔會係真？最大問題係點可能一齊到。
古語有雲，一山不能藏二虎，更可況係五隻老虎乸。
我又望一望啊柔，我相信啊柔唔介意我同咁多個一齊，一定有啲野，
可能係過去既野有關，一定要查查佢。
之後我地傾左好耐計(雖然大部份都唔係我傾)，醫生就話我出得院。
我心諗痛到咁都出得院？係唔係搞錯左呀？
可能醫院唔夠床位，所以逼我出院，算啦，都係屋企舒服啲。