【微甜】點解有五條女同我一齊?: 17-再次夢見-「修正版」
啊柔又望一望我就話:「依，你仲係度既？仲唔快啲追返啊情？快啦！」
我比啊柔句野嚇左一嚇，我望左一望佢地，
唔知點解特別感受到有種好放心比啊柔睇住啊雯既感覺，所以我就啦啦聲放低左袋野比啊雯。
之後就衝左過去搵啊情。
我不停追去啊情岩岩去既果個方向一路跑，我望到沿途既人都望一望我，可能係覺得我好on9掛。
但係我知道我唔跑去追返啊情返黎既話，將會係我人生中最on9既事。
我不停跑，希望睇到啊情既身影，就算一粒點都好。
我跑到咁上下，開始無咩人流，我都開始攰，心裏就想起放棄既諗頭。
但係直覺話我知，其實啊情就係街口轉左，唔係太遠，所以我繼續跑。
一轉左之後，就見到啊情，啊情塊面濕哂，估計係喊到成面都係。
「點解你唔一直跑？」啊情就問。
「因為....因為我覺得你....你係呢度囉。」我就喘哂氣咁答。
「點解你有我同啊柔都唔夠，仲要搵第三個？」啊情再問。
我無答佢，我選擇沉默。
因為我當時真係好心痛，因為我傷害左一個我好中意既人。
我好恨自己，點解會仲中意其他人。
明明有兩個好正好索既女仔肯做我女友，我應該滿足至啱，但點解我會......
我開始喊出黎，流下一滴滴既男兒淚。
我諗左一諗，既然你妒忌心咁重，你都會想我同啊柔一齊。
「咁點解....點解只係想我地三個一齊？」我就問。
我夠竟講緊咩呀？係呢個時候問啲咁既野？我一定係傻撚左。
啊情無講野，我估佢唔明，所以我講白啲。
「點解我同啊柔一齊你無所謂。」
啊情好似喊得仲勁，好似鈎起佢啲傷心事咁，所以我無再問佢。
我決定唔再講大話，橫掂都係岩岩開始，無理由搞到啊情咁唔開心，唯有之後同啊雯講當無事發生。
「其實岩岩我同啊雯都唔算係咩關係，況且都未開始，如果我識拒絕佢，咁你就唔會咁啦。」
我見啊情都係無講野，我就繼續講:「如果結果會係咁，我另願做一個單身既毒撚好過。」
我講到呢度，我真係想咩女人都唔要。
因為我本身就係一個只會傷害女人既衰人，唔應該有任何女朋友。
「點解？點解我會中意你呢個衰人呀？點解唔係我識你先呀？」啊情望左一望我就問。
識我先？由此推段，啊柔係識我先，而啊情係識在後。
要符合以上呢個句，就姐係話一開始係啊柔同我一齊，
之後先出現啊情，因為某啲事情令到我地互相中意，
然後因為識先做大既關係，所以啊情無出聲，我估大概係咁。
我一句都無出聲，就攬左去啊情度，啊情亦都無反抗，反而攬實我。
「對唔住呀，我唔配做你男朋友，我唔想再傷害你，不如....不如我地分手啦。我已經唔知憑咩去留住你。」我就細細聲咁講。
我真係一個懦弱既人，當有問題好困擾既時候，因為為左唔傷害身邊既女人，
所以我寧願選擇放棄，因為愛情係可以用時間去沖淡。
我講完呢句就放手打算走，但係啊情就攬到實一實，好似想唔比我走咁。
我就拉開左佢對手，然後我含淚離開。
喺我走左唔夠五六步，就聽到啊情大嗌。
「放手呀，你地想點呀!」
「人地都唔要你咯，等哥哥何返。」我聽到有個陌生既聲。
我就另轉面睇下咩事，一睇之下發現，原來啊情比班MK仔撩緊。
係果刻我唔知自己係啊情既果個，係ex又好，男朋友都好。
總之我就唔知啊情有事，我所以又點可以唔出手。
但係佢地人多，所以打算喝下佢地，博一博。
「喂，你地做咩呀？」我大聲喝佢地。
班mk仔見到我單人匹馬，就當然唔撚驚。
「無呀，我見你搞到條女唔開心，咪帶佢去啲開心既地方囉。佢依家又唔係你條女，關你撚事呀！」有一個疑似老大既就話。
個老大仲係度郁手郁腳，再望望啊情。
佢個難受樣就知唔中意佢，我唔可以唔幫佢解圍。
我就衝左過去拉住啊情既手，打算拉佢走。
點知mk老大就捉住我隻手，仲要睥撚住我。
我諗都無諗一拳打左落佢塊面度，mk老大即場訓底。
mk老大見出左羞當然唔放過我。
「屌，搵人做底佢。」mk老大大叫。
係果時我真係葉問上身，打算一打十個，會好撚型。
但係結果唔撚係，因為無料就係無料，係扮唔到四條。
所以我食左幾拳，比人打到訓底。
係訓底之際，我望住啊情，啲人真係無性嫁，打打下連啊情都埋，
我當然9衝過去擋住啦，結果背脊又食左幾拳。
比人打左幾拳，突然有個人真係好似葉問咁一打十個。
我望一望個樣好熟口面，原來係啊雯，我當時都呆左係度，唔講唔知啊雯係勁好野。
啊雯隔離係啊柔，啊柔行左過黎話:「你地無事呀嗎？」
我當時痛到完全講唔到野，但係我係勁想講一句，咁似大台啲劇情，
但係我講都未講就失去左知覺，我暈撚左。
=============夢世界=============
我見到上次果個黑髮白衣既女仔行向我呢度.....
「你依家覺得點呀？」
「咩點？」我就反問。
「有咁多個女仔中意你喎？」
「數埋都係三個。」
黑髮白衣搖左一下頭就話:「之後仲有兩個呀。」
我嚇左一跳。
黑髮白衣女笑左一笑並無回答。
「但係點解你會係度既？」我問黑髮白衣女。
「我係黎幫你。」
「幫我？咁你幫我返去原本果度呀。」
「你係度唔開心咩？」
「係幾開心。」
我耷低頭就繼續講:「但係我......好似掛住一個人。」
係果刻我諗起我前女友，可能係唔習慣無左佢。
就算係過左一個月都好都唔知點解周時會諗起佢。
「你都係忘記佢啦。」黑髮白衣女望住我。
「我想，但係做唔到。」
係，我的確係想，但係我真係控制唔到。
「時間都差唔多啦，你醒左之後岩岩件事就告一段落。」黑髮白衣女望一望個天。
黑髮白衣女另轉頭笑左一笑就消失左。
係黑髮白衣女消失果刻，我發現呢個笑容有啲面善。
係啦，呢個笑容係前女友架，咁姐係話？