【微甜】點解有五條女同我一齊?: 2-二人後宮- 「修正版」
首先我要冷靜，我要搞清楚樣野先，岩岩果個係啊柔，咁啊情又咩回事？
如無意外啊柔同啊情會係我女朋友，但係問題係佢地兩個知唔知呢？
而且如果成件事係真既，咁黑髮白衣女仔講話之後會越黎越多，咁係咪代表我唔只兩個，會係更多？
突然「嘟嘟嘟」既聲發出，經過我既細心聆聽之下，發現係skype有人搵我。
我唔係熄左機咩？呢啲情況唔理得咁多，睇左先再算啦。
我開左skype，禁左接聽，點知一通話，啊強就爆左句粗:「屌你呀？」
介紹一下啊強先，佢係我中二識既第一個朋友。
依家都算係老死咁，咩都傾一餐，打機一定預埋我，份人幾好架，係做人仆街啲。
話返轉頭，啊強咩料呀？無啦啦屌人。
「今日你唔係話約左啊柔架咩？做乜會係屋企架？」啊強繼續講。
「下？你又知啊柔...」我正想講你又知啊柔係邊個既時候。
「無呀，我八卦問下唔得呀？前兩日問先知你約左佢姐。」啊強唔知係咪以為我盤問佢令佢嚇親，不打自招。
突然whatsapp有人搵我，我就睇一睇手機。
「等等我，我好快返黎。」我同啊強講。
一睇發現係岩岩打過比我，係我電話名單度叫「啊情」既人whatsapp搵我......
啊情:你見點呀？
啊情:不如我上黎睇下你呀？
我:唔洗上黎啦，休息一日無野。
呢個啊情又邊個？唔通係第二個女友？雖然唔知，但係以現時既情況要阻住佢上黎先得。
不過我諗諗下覺得唔對路，我唔係同啊柔講唔舒服架咩？呢個叫啊情既人又知？
依家呢個叫啊情既人同我既關係得兩個可能，第一就係朋友，呢件事係純關心，但係點解搞到要上屋企關心呀？所以睇黎唔多似。
第二就係我第二個女朋友，但問題係唔會兩個女朋友都互相知道對方同我有咁既關係？如果咁講？佢地又點相處呢？
呢個神秘既啊情令我更加唔明白依家既狀況。
唔通呢個啊情係sp係偷情，係啊柔面前扮朋友？所以啊柔就同佢講？
似乎呢個可能性最大，但係亦無咩線索可能肯定我諗既野係岩。
所以我用左大台唔知邊套劇既搵線索技巧，有個唔知邊個角色講過「每樣野離開，重會留底另外一樣野」。
如果真係有兩個女朋友既話，手機！手機入面一定有證據。
我即刻打開電話既相簿，發現咩相都無。
唔係掛？一張相都無既？點做情侶呀？連合照都無幅。
再搵一搵電腦，跟返前度既邏輯，女仔好中意點心儀既男仔部電腦。
一開發現原來仲同緊啊強傾緊skype，我就同佢講左兩句話唔得閒就打發左佢。
搵左一陣間，無任何可疑既線索。
我不斷諗仲有咩地方有線索，突然又有一個whatsapp。
啊情:我到左你樓下啦😁!
我一睇到呢句，心入面「屌」左句。
依家係唔係玩撚我呀，我連依家咩狀況都未知就一個個上黎。
我望住個電話，係度諗，會唔會係咁呀？
姐係我已經返唔到轉頭？無啦啦又去左個鬼地方，個心真係小鹿亂撞。
一邊諗緊對呢個世界一無所知而驚，會唔會出左啲咩事？話唔定第二日又同我講話我會搞基，咁真係死左佢好過啦。
一邊又諗緊如果如黑髮白衣女仔講既咁，我會越黎越多女，我又會覺得幾正，但係都係講姐，我夠可以話我聽日中六合彩啦，又唔見我中，所以心情都非常複雜。
之後我就諗，岩岩起身無耐，牙都未刷，衫又無換，儀容上咩都未汁點見人呀？
我就狗衝去廁所，正當想攞杯，門口出面已經出現「啪!啪!啪!啪!」既聲音。
唔撚係呀，咁快？早知whatsapp叫佢唔好咁快上黎住啦，我唯有開左門先再算。
我開門之後，見到一個普通偏靚，算係中上啦，白白地皮膚，個胸應該有d cup，身材玲瓏浮凸既女仔。
我諗我眼前呢個女仔應該就係啊情，我當時扯撚哂旗。
狗公上身咁，上下打量下啊情，真係好撚索。
法官大人，我屌呀。
啊情睇到我咁撚狗公，一句車埋黎。
「屌，平時睇唔夠咩，比你搞埋好冇?」
「好呀！」呢句話當然無講啦，講左我諗真係嚇親佢。
做乜鳩呀我？要冷靜啲先，唔好咁狗公。
我就即刻燈左一聲。
「我覺得你今日特別靚。」我笑笑口講。
「開門啦，口花花咁。」佢有少少紅面同怕羞。
「唔係嘞，我平時都係咁。」我就一路開個岸鳩死人鐵閘。
佢一聽完呢句個樣變撚哂，我心諗咩事呀？我做錯野？
「你熱氣定無刷牙呀，個口咁臭既？」啊情揞住口。
之後佢望下我個死人樣就話:「你啱啱起身呀？快啲刷牙啦，個口好臭呀。」
我就衝左入廁所，企左一陣，諗左一個計劃....
如果佢係我女朋友既話，如果我咁做，佢應該就無咩野既。
如果唔係既話，佢自然會識推開我架啦。
我依計行事咁衝左出黎，睇到閂住閘既啊情。
啊情另左轉頭望住我講：「你唔係去刷牙咩？」
我走到佢面前，咩都無講，合埋左對眼，之後大家都明啦。
我將塊面不斷移向啊情度，佢好似知我想點。
啊情開頭好似用手想推開我咁，但又放低左手，好似想又唔想之間咁。
「你刷左牙先啦。」啊情面都紅哂細細聲咁講。
我見個勢似係男女朋友，但係又想確認一下係咪，所以對住啊情另哂頭。
最後啊情都屈服係我淫威之下，但係就皺哂眉咁咀左落我左邊面上。
咁姐係代表啊情就係我第二個女朋友，但係問題又出現啦，啊柔同啊情點相處呢？
唔理得咁多，享受完比索女咀既感覺先再算啦。
嘴完之後，啊情講：「好嘞，去刷牙啦。」
我當時個樣爽到，好似上左天國咁，第一次比索女嘴喎，好似只有天上有咁。
之後我就低能咁跳下跳下咁去廁所刷牙。
我刷完牙之後，望住啊情佢坐左係個梳發度禁電話。
佢一見到我就停左手，望往我。
我不禁有啲難為情，所以都唔咁直接望住佢。
諗真啲，唔會掛，唔會係發夢呀？呢個啊情真係我條女？會唔會咁索呀。
一個咁索既女仔，點解會揀我做佢男朋友？仲要同其他人分男朋友呢？