無啦啦有兩條女同左我一齊住: 20

20

「阿池響果度呀!阿池!!!」阿白大聲叫我個名
「吓..阿白,智詩...」
阿白同智詩坐埋黎我兩邊既空凳
「阿池,唔好意思,我同智詩去左買裙同埋set頭搞耐左,搞到我地冇得一齊入黎」
「唔.唔緊要」
「最衰都係阿白囉,拉完我去買裙又話要set頭」
「你地做乜冇啦啦去set頭?」
「想靚d丫嘛,冇乜幾何有呢d機會架啦」




「阿白你同我揀既呢條裙係咪低胸得濟呀?搞到我周身唔聚財」

阿白d頭髮曲左少少,著番果日俾我地睇果條白色蛋糕裙,加對白色冇露腳趾既高踭腳
我已經分唔清,阿白對腳白d定條裙白d

至於智詩,d頭髮就梳左去右邊,好似依家扮abc果d港女咁
著條黑色禮服裙,戴左條頸鍊,同阿白一樣都係著番對黑色高踭腳
條裙有d低胸,仲show左少少d cup出黎

我抬頭一望,全場既人,都係望住我地三個




彷佛成個宴會廳,就只係得我地三個係活生生咁

Jacky回番神:「er..er...係,呢個時候呢,酒店已經準備好champagne同buffet架啦,各位可以慢用,而抽獎呢.....」

子晉個樣嚇到成幅「吶喊」咁:「嘩阿池,唔怪之得你唔去yo女啦,原來你一早有著落」
我:「朋友黎咋,佢兩個又係讀LingU social science,咁咪黎玩下囉」
子晉個女伴:「咦阿白同智詩做乜都黎既」
阿白:「係呀,katie..我地見好似幾得意咁,咪黎囉,咁岩阿池又有參加」原來條女叫katie

Xavier向我打左個眼色,叫我去廁所




我心諗唔係想爆我後花園下話
不過我都鼓起勇氣
「我去一去洗手間先,一陣同你兩個去拎野食呀吓」
Xavier:「我又去喎,阿池一齊丫」

行緊既途中
Xavier笑住講:「頂你,之前問你帶唔帶果2條女你話唔帶,原來佢地係LingU既」
「咁..咁唔通果陣直接同你講佢地都有參加咩」
「放心啦,我唔會同你爭既,我有target啦」
「target?邊個呀?」
「隔黎枱著紅色褸屌裙果條女呀,不過頭先比人截左糊,一陣一定要搭到嗲」
「咁..祝你好運啦」

返到黎,見到兩個女仔同緊阿白智詩吹水
「阿白,你今晚條裙好靚呀」




「係咩..多謝呀betty」betty正係頭先Xavier睇中既紅裙女
katie:「不過智詩都唔差丫,好少見你咁女仔feel架」
「唔係我想咁著架,係阿白逼我咋」
「係喎,查實你地兩個識頭先果個男仔既咩?」
阿白:「你講阿池呀?我地同佢係以前響補習班識架」

智詩留意到我:「喂,阿池,去個廁所都咁耐架,快d去拎野食啦」講完呢句就準備起行
「哦..好丫」
我仲見到智詩起身果下,條事業線show哂出黎
智詩細細聲響我耳邊講:「咸濕仔,又昅我對波,我以後唔獎你架」痴線,有冇咁勁呀,次次都feel到
阿白見到我地2個:「好肚餓呀,我地去拎野食丫」

行去拎野食時,阿白同智詩分別響我左右兩邊
搞到我好似d有錢佬左擁右抱咁
有d沾沾自喜,又有d淆底




阿白:「不如我地三個自拍一張先啦!」
智詩:「駛乜呀?好撚肚餓呀」
「好耐冇試過著得咁靚嘛,黎啦阿池,智詩,1,2,3笑」
最後我地又自拍左幾張,阿白真係好鐘意幾條友咁自拍

拎野食既時候,我見到周圍既人,無論係同我hi bye過下既poly撚,定係識阿白同智詩既lingu撚
都係望住我地三個,搞到我周身唔聚財咁
「阿池,食唔食牛扒呀,我幫你排丫」
「好丫..唔該阿白」
「喂阿池,你後日仲要打比賽架,今晚唔好食咁多肥膩野野啦」智詩成個魔鬼教練咁
「喂我比左錢架喎」
智詩係咁夾野食:「控制體重呀要!」
「你呢,係咁食小心變肥妹呀!」
「我就食極唔肥既,你吹咩?」





Jacky兩手拎住野食走埋黎:「阿池,原來上次黎睇波果個係你女朋友黎,都幾靚女喎」
智詩聽到即刻話:「閘住!我冇d踢波咁廢既男朋友囉!」
「唔係丫,阿池都踢得幾好丫...唔阻你兩個啦,你地慢慢啦」

呢個時候阿白已經拎住兩碟牛扒返黎
「阿池,智詩,幫你地拎左牛扒呀」
我接過碟:「咁你呢阿白?」
「哦,我依家再夾野食咪得囉」

返到枱放低d野,已經見到子晉同vincent同緊各自既女伴吹水,睇黎都有機會出pool
而Xavier就唔知去左邊,希望佢都成功啦

食下又傾下咁,去到大約8點半

我:「咦,你地2個飲唔飲香檳呀?我幫你地拎丫」




「好呀,唔該阿池」
「你on9架,你兩隻手點拎三個杯呀?」
「我有話我飲咩?」
「你唔係未飲過下話?」
「咩未飲過呀...」
阿白又做和事佬:「好啦,我地三個一齊去拎咪得囉」

嘩屌,飲左幾啖已經有d慶慶地(其實我未飲過,不過智詩串我,點都要同佢鬥下氣)
智詩見我紅都面哂,就話:「咁快紅哂,你唔係咁唔飲得下話」
「咩唔得呀,緊係飲得啦」
就係咁,我都飲左幾杯

Jacky同女mc再度上台
「嗱大家今晚玩得咁開心,不如唔好比佢停啦好嘛」
「依家我地就會舉行今晚既壓鈾環節:大抽獎啦」

「喂阿池,抽獎啦,大獎有macbook呀」
我同智詩食到飽飽滯滯,攤左響張凳度
我:「呢d抽獎,抽一世都唔會中架啦」

呢個時候,只見有幾個來自其他n展department既mk仔走過黎yo阿白同智詩
「你好丫...你叫咩名?」
「咦,我叫mario呀,你叫咩名呀?」
「不如我地傾下計丫」
「你飲唔飲champagne呀?我幫你拎丫」
成班狗公瘋狂進攻,都癲過pierre

正當我諗住還擊保護兩位,免受狗公攻擊既時候
阿白同智詩,竟然
兩個人兩隻手
左右兩邊蹺住我
智詩:「唔好意思呀,我地今晚剩係陪阿池架咋」
阿白:「阿池,不如我地再拎d香檳丫」
我地三個人,連體嬰咁企起身,逃出呢個狗公陣
留低既,係一班呆撚哂既狗公

智詩批一批我:「你下次早d出手嘛..搞到我同阿白依家要蹺足你成晚」
「so..sorry囉」
「唔緊要啦,咁...都幾warm丫」講到呢度,阿白蹺得更實
佢地兩個係咁狂隊香檳,我就自己知自己事,唔飲太多
其實..左右逢源既感覺的確幾正
右手仲可以批到智詩對波

10點,呢個晚宴都就黎完
點解我講到自己咁委屈?
因為我已經feel到周圍既殺氣,應該係來自其他department既mk仔
佢地或者心諗:「屌你個死毒撚,一食就食兩件靚貨」
大佬,其實我都唔想咁招搖架
下個禮拜返到去,我應該大撚獲

Xavier已經r到頭先果個betty
「喂,阿池,我地成班ee撚有下場喎,你去唔去呀?」
「吓?咩下場呀?」
「去港晶唱通宵k呀」
「唔..唔駛啦..」
「都岩既,你仲要送埋兩個返屋企」

智詩加把嘴:「邊個要你送返屋企喎,我自己都識返啦」
「仲有呀,你叫Xavier呀呵?你打中堅係ok既,不過咪撚再鳩猜啦,好撚悶呀!」
「你..你都識睇波既咩?我以為你地2個係黎陪阿池既姐...」
「緊係識啦!」
之後佢地個傾左一陣波,原來Xavier都係皇迷黎

最後我地三個同Xavier佢地成堆人講左byebye就行番去火車站
上到西鐵,我地三個亦成為左焦點
丫,唔係,應該係佢地兩個成為左焦點
阿白:「阿池,今晚好開心呀」
「唔..d野都好食既」
智詩:「真係估唔到,你d同學個樣仲毒過你喎」
「都唔算好毒姐..起碼肯打扮下丫,其實..」
「其實咩呀?」
「你同阿白係咪飲醉左?」我見到佢地兩個塊面都紅紅地,應該有少少醉
「醉乜春呀?返去再飲過tim呀」

搭完西鐵再轉巴士,佢地兩個仲有d腳步浮浮
最後返到屋企,又見到pierre

「hey..點解你兩個好似醉醉地咁既」
智詩仲算清醒:「on9,飲左酒咪醉囉」
「阿白,駛唔駛我扶你入去呀?」pierre既面皮真係好撚厚
我:「唔駛啦,我扶返佢得啦」
「唔該哂..阿池」聽阿白把聲都知佢醉啦
而智詩就冇咁醉

入到去,阿白就即刻衝左去梳化度訓
智詩入左廚房唔知搵咩:「喂,阿池,你扶阿白入房啦」
「吓..你地又話唔比我入你地間房?」
「冇所謂啦!」
「哦」

我行埋去,諗住扶起阿白
「喂阿白,我陪你入房先」我慢慢扶佢起身
「我要抱抱!」
阿白一跳,成個人抱住我,應該係話夾住我
屌,比阿白跳一跳上黎,差d成個人失平衡

我用剩低既手打開佢地既房門
「我好大波呀!!!」阿白開始發酒瘟

嘩屌,原來佢地間房都幾大下,仲有陣香味
張化妝枱放左好多野,化妝枱塊大鏡上面仲貼左d相
我行近d睇,係我地幾個d自拍黎,估唔到佢地仲會特登去曬返出黎
當然,令我意外既係,佢地d bra係周圍亂放的

我轉頭睇,原來阿白已經訓左
我幫佢除番對高踭腳,仲摸到佢腳板同腳指,真係好滑,搞到我...又扯左
雖然我好想....不過我唔可以借醉行兇既
「喂,阿池,出黎呀!」出面傳出智詩把聲
我幫阿白蓋番張被:「阿白,早抖啦」

出到黎,只見智詩響飯枱隊緊嘉士伯
「喂,阿池,陪我飲埋佢!」我望望,屌有成十幾罐,應該係佢響雪櫃拎的
「你醉啦,我扶你入房啦」我想拉起智詩
「我冇醉呀!你陪我飲我就訓!」
「你唔陪我飲,我就爆上次我扮你條女單野比阿白聽!以後仲唔會比波..餅你食!」

聽到呢句,我嚇左一跳
雖然我唔知阿白點睇,但係我都驚咁件事比佢知道既話,會破壞我地三個既關係
睇黎我..唯有屈服
「好..我飲!」我拎起一罐啤酒狂隊
「丫...咁就乖啦」
我都開始wingwing地:「咁..夠未呀?」
「唔夠呀,起碼飲哂佢啦..今晚不醉無歸呀」

就係咁,我同智詩係咁飲係咁飲
我慢慢,就失去左智覺


當我醒返果陣,第一樣望到既係
我間房既天花板
我拎起放響枕頭右邊既鬧鐘
係8點34分

我努力咁回想返起尋晚既事
同智詩飲酒,飲飲下開始講返自己以前d野
之後就唔記得了

見有d急尿,諗住起身去屙個尿
我右手用力撐起自己,諗住起身搵搵條褲
摸一摸,做乜鳩張床單個質地變左既?
我望一望,哇屌做乜床單變左黑色既?

屌唔係喎,黑色果忽野拎得起架喎
我拎高佢,咁撚長既

係智詩尋晚穿既果條黑色禮服裙
我呆撚左,嚇撚到成頭汗

我轉頭望下左邊
係智詩
佢上半身赤裸咁訓左響我張床上面,對d cup大波更加係表露無遺
下半身就只係著左條粒紅色哩士內褲

今次仆街啦!我唔係同智詩,扑左野下話.....