無啦啦有兩條女同左我一齊住: 19

19

聽日係10月2號,星期四
呢日亦係原本係high table dinner,之後轉左搞ball既日子
本身我星期四係上1130至1630既
不過今日係10月1,加上聽晚呢場大壇野,基本上會返既人係少之有少
我都唔例外啦,尤其今晚仲有歐聯睇,我同智詩都係睇埋先訓

我一口薯片,問智詩:「喂,聽日ball喎,你仲唔早d訓,到時有黑眼圈呀」
智詩:「驚乜春呀,我又唔係去食仔仔,何況係你班n展毒撚」講到呢度佢已經笑緊我




「屌,n展撚又純情,又捱得,你識條春咩」
「係呢,你揀好聽晚著咩裙未呀?」
「關你咩事先?我又唔係你條女」好巴閉咩
「屌..懶神秘咁」
「咁阿池你呢?」
「求撚其去G二千買左啦..你係我條仔咩,又響度問?」
「我..我驚你著到迅雷頭咁去,柒足全場咋」

仆街,眼前既利物浦響52分鐘輸緊1比0
「阿池,你隊猁狗連巴素利都輸,返去踢歐霸算撚數啦」




「屌..」我呢刻真係反駁唔到,猁狗冇左so7廢左始終係事實
「做乜你會陪我睇猁狗架?唔睇皇馬?」
「你都on9,贏撚硬睇乜撚姐?」雖然呢個係事實
睇多陣都完場,猁狗又離出局邁進一大步
智詩打左個喊露:「喂我訓先啦,早抖啦」
「早抖啦」








第二朝我大約12點先起身,睇夜波加埋走堂既話差唔多啦
但係起身果陣發現,阿白同智詩都唔響度
冇理由架,一陣都去ball啦,仲去第二度玩?

我開一開手機,whatsapp都幾條友搵我
Xavier:「今晚7點開始呀,我地成班EE撚會6點半響紅磡站D出口等再一齊入,你join就黎啦」
子晉:「毒撚池,一陣一唔一齊跟大隊入去呀」
阿白:「我同智詩今晚會遲少少先到架,你到時入去先啦」

既然阿白同智詩會遲到,咁我又冇理由單拖入去咁串啦,又唔係靚仔,只會俾人恥笑
我答返Xavier同子晉:「ok」
雖然我都好想知阿白同智詩去左邊,不過問又好似太八卦,所以都係算,今晚先問

我開著自己部ps4,發現好耐都冇試過自己單機打ps4
加上上個禮拜同智詩夾左錢買fifa 15




開黎玩玩先
check下ut,嘩屌
原來智詩之前抽包,中撚左尼馬
我次次抽pack都冇好野,估唔到佢抽幾抽就抽到尼馬
真係多謝哂佢

打下fifa,又哂左人生入面既幾個鐘
亦開始熟習番個system
我諗起第一次同智詩鬥fifa佢講過
「你入到我一粒,我除一件衫囉」
真係諗起都充滿期待
下次起碼要入佢一粒!

睇睇下個鐘,嘩屌原來都五點幾,拿拿聲換返件老西先
白色恤衫,黑色褲,西裝褸,打條呔,求撚其gel個頭




果陣grad din都係咁著架啦,唔通真係整個迅雷頭出去咩

臨出門口,又見到pierre同另外兩個男仔friend返黎,心諗又唔駛返學咩
pierre:「hey,阿..池,著到咁靚仔既,去飲呀?」
屌,又想串鳩我:「去ball呀今晚」
「喂,阿白呢,佢去左邊呀?」
「出左街」心諗:關你撚事咩?
講完我都廢事理鳩佢,無視佢算

大約一個鐘之後,我就到左紅磡站
出閘既時候,就已經見到成堆人著哂西裝
「喂,毒撚池!咁撚耐架」呢友咁撚熟口熟面既..
屌原來係子晉黎

眼前既子晉,一改以往頹毒LOOK,剪個泡菜仔頭,著銀色西裝




「嘩你搞乜呀子晉」
「咩呀,剪個新髮型,買件新西裝姐」
「個頭....」
「係呀,剪左八舊水,型唔型先」人地水鳩你咋柒頭子晉
仲要懶係有自信咁,真係頂佢唔順

Xavier走黎:「喂,阿池,做乜今晚去溝女都唔著靚仔d呀?」
眼見Xavier,全身既西裝,呔,皮帶,都應該係貴野黎
「我好唔靚仔咩?」
「大佬呀,今晚呢個ball可能成堆n展撚出pool既最大機會黎,打死都執靚仔d啦...你睇下raymond同danny,平時留埋個毒撚頭,今日都拿拿臨剪個mk頭執靚個look啦」

再等多陣就齊哂人,大概成科EE撚都響哂度
大家都唔敢單拖入去

行左陣,終於去到Hotel icon




我地成班廿幾人著哂老西行入去,本身就應該好有霸氣,不過我地係毒撚,人地見到只會恥笑

上到一樓果個Silverbox宴會廳個門口
就已經見到Jacky同Johnson響度幫人mark番名(唔mark名,人人都黎得啦)
Jacky一見到我:「喂,阿池hello!」
「Hi Jacky」
「joint u cup 8強後日打啦,今晚唔好掛住食女食到冇精神呀」
Xavier:「Jacky做咩要響度做mark名咁慘呀?」
「冇計啦,我一陣要做mc呀」不過Jacky已經有個讀design既女朋友,對佢黎講冇所謂啦

全班mark完名,就入去個宴會廳
嘩屌,原來個場都好大
環境佈置亦幾high class
除左我地ee之外,其他既department都齊哂人咁濟
毒撚同mk都盡力打扮自己,希望自己可以突出自己,成功識到女仔

就咁睇,都已經有好多LingU既女仔響哂度
我都好耐冇見過咁好女性動物既場合
佢地個個都悉心打扮過,質素亦唔錯

「嘩阿池,好撚多女呀!」子晉已經流哂口水
「係..係喎」
「上啦阿池,一陣七點就埋位架啦」
「吓..上咩呀」
「仲駛講既,去r條囡囡先嘛,唔通一陣仲同你坐咩」丫屌咁冇義氣既
講完子晉同Xavier一班人就狗衝左去宴會廳左邊既果堆LingU囡囡度

眼見其他n展撚都響度盡力識囡囡,至少希望r到一陣同佢坐
我望望手機,6點50分
我竟然有種擔心既感覺
腦入面傳黎一把聲「如果阿白同智詩唔黎,咁我咪成晚自己一個?實會比人笑啦..走埋去盡力yo返個先啦」
正當我想走過去人堆時,個腦又諗:「唔得,我唔可以拋低阿白既!」
「佢地唔黎你咪大撚獲?」
「屌你對唔對得住阿白呀?」

內心交戰左成分鐘,人地見到我成碌木咁定左響度,實會以為我short撚左
我回過神來,只見子晉佢地都成功yo到女,仲傾得好開心下
我再望下自己,屌

時間一分一秒過去,我都仲係冇去yo女,最後我都係坐返埋位
子晉拖住條LingU囡囡走埋黎:「喂阿池你唔係掛,你拿拿聲去yo條女啦!」
我眼見子晉拖住果條女,樣都ok丫,幾斯文咁,希望佢成功出pool啦,咁就唔駛日日聽佢叫春
「唉..唔駛啦」
「你比500蚊就係...」

呢個時候,大台上既Jacky拎住咪開始講野,隔黎仲有個應該係LingU既女mc
「大家好,歡迎各位來自理工大學工程學院以及嶺南大學社會科學學院既來賓出席我地今晚呢個『程繫社工』聯合晚宴」
「我地既晚宴現在正式開始,請各位來賓就坐」
宴會廳既大門亦隨即關上

子晉同Xavier佢地個個都拖住女坐黎我呢枱
「唉阿池,你頭先快d出手嘛,依家冇機會啦!」子晉係咁屌鳩我,不過有囡囡響佢身邊,佢唔敢講粗口
同枱既vincent亦屌:「阿池,你睇下我地呢枱,得你一個單拖咋」
Xavier:「冇所謂啦..阿池都志不在此啦」
vincent同子晉都問:「吓咩志不在此呀?」
「冇野..Xavier亂up姐」

台上既Jacky再度出聲:「今晚呢,好難得呀,係我地理工工程學院,第一次同其他大學合作搞晚宴」
女mc:「而今晚呢,除左有buffet之外,仲會提供香檳....」
我成個望夫石咁望住大門,唉...估唔到佢地真係飛起我
又話叫我唔好拋低佢,最後咪又係拋低我,屌!
我轉番向枱,呆望住枱上面既其他人

砰!!!!!
後面傳黎一聲巨響,全場既人靜哂,望哂去果個方向
「喂呀,智詩,走快d啦,夠哂鐘啦」
「得啦仲催,著住對死人高踭鞋,想行得快都難啦」
「咦...阿池響果度呀!阿池!!!」