無啦啦有兩條女同左我一齊住: 11

11.

當晚我大約6點10個字到左花園餐廳,都係著smart casual啦,恤衫牛仔褲
當然都係散發住毒氣 

大約七點零二分,麗娜終於行到黎
又係著返同星期日差唔多既look啦 
染啡左既頭髮響街燈既照射下變得特別顯眼

麗娜:「阿池,唔好意思呀,遲左少少 」




雖然我好憎人遲到 ,不過都照講:「唔緊要,我都係岩岩到姐 」

入到去,因為我七點,仲要閒日,所以我都唔book定位
我同麗娜都各叫左個扒餐
麗娜:「阿池,你記唔記得呀..果陣我地第一次約埋出黎睇表演賽,又係食呢間花園餐廳架」
「吓?咩表演賽?」
「南華對熱刺喎,你唔記得啦咩」
「果場南華仲贏左二比零,好勁呀」

「哦..我記得啦,09年響大球場果次嘛...」




「之後你帶左我黎呢單花園餐廳食扒..你仲記唔記得呀?」
「記..記.得既」老老實實,其實我唔記得

「係呢,你仲有冇踢波呀?」
「冇..冇啦,我自從四強之後就冇再踢啦」
「點解呀?你果陣踢左翼明明幾勁架喎,逢人過人,果陣真係冇人mark得住你架喎」
「唉,總之....唔想踢啦」

鐵板牛扒黎到,隨即jarjar聲
麗娜又嘗試打開話題:「係呢,你呢幾年做過咩黎呀」




「你去左英國之後咪考a level囉,考完唔掂之後就retake dse,成功入返poly」呢d野我d親戚問左十鳩幾次,識背咁濟
「咁你都好叻丫...retake成功都好難架」
「係呀...又冇人理,仲要比人恥笑」
其實呢句我係有d責怪麗娜

唔知麗娜feel唔feel到啦:「阿池,對..對唔住呀」
「我響英國果陣咁岩換左電話,所以先冇搵過你」
「唔緊要,你響果邊讀書始終都忙嘛」

麗娜食住牛扒,問:「阿池呀,上次同你一齊果兩個叫阿白同智詩既女仔....」
「佢地?做咩呀?...」
「其中一個....係咪你女朋友黎?」
「朋友黎姐,最近識架...」
麗娜放低刀叉:「憑我既直感,你地三個既關係,唔簡單囉」
仆街,d女人直覺真係準過計數機





「點唔簡單法先?」唔通直接話「我依家同呢2條女一齊住,仲有波餅食,吹咩」
「你地感覺上,好似係果d日日會見既fd」
「但係又唔會丫,n展又未必有咁靚既女仔,仲要有2個,仲要同你fd喎」
我吞左一條薯條:「咁你覺得,我同果兩個女仔係咩關係先?」
「你地既感覺,似係同居囉」
「又陪人買衫又濟咁」
我又呆撚左,屌讀心神探咩家陣

「哈哈講笑咋,點會冇啦啦同果兩個女仔一齊住呀..,你自己都有屋企啦」麗娜大笑起上黎,同阿白一樣都係失去哂理智
我亦鬆一口氣,飲返啖水再問:「係呢,點解你好地地會返番黎香港既?」
「呢層..因為我始終覺得香港舒服d嘛!英國果邊又凍又悶!果邊又唔係好多新識既朋友..」
「所以我咪報番non jupas,又好好彩咁比cu收返咋」
「讀左一個禮拜,覺得點?」
「都開心呀,好耐冇試過聽到咁多中文啦」




「pre o又好好玩,成班人一齊dem beat,好high呀」
「組爸sky好好人架...」
「d組mate又....」

老實講,我對ocamp冇話有咩反感,只不過shitty hunt真係好撚嘈,同d蝗一樣阻住人搭車
不過我望住眼前既麗娜,佢興高彩烈咁講佢pre o果陣既野
又令我諗返起以前一d無關痛癢既事



麗娜間唔中都會黎睇我地足球隊練波,佢會坐響波地側面d凳
每次佢一黎到,隊長都會同我講:「喂,阿池,麗娜黎左啦喎,過去理下人啦」
「唔駛啦,都未練完波」

有次練波我俾個on9隊友剷低,果下都幾撚痛




麗娜即刻衝過黎:「阿池你點呀?你冇野呀嘛」
「冇..冇事,你唔駛咁緊張」

有時踢friendly,我八十幾分鐘入左球世界波絕殺,麗娜開心左好耐
周圍r fd問人有冇錄低果球
佢仲話:「我要永遠記住阿池你呢球世界波....」



「喂,喂!阿池呀!你有冇聽我講野架!」
「吓..有..有呀」
「我話呀,你幾時先肯踢返波呀?」
「唔.唔知呀,咁耐冇踢都唔識踢啦」
「點會唔識踢架?果陣全隊都仲係靠你入2球先入到8強咋」
屌,點解個撚個都想我踢返波




「點解你咁想我踢返波?」

「因為,我鐘意一個有自信既你,響球場上過人助攻既你先係最有型最自信架,你知道嗎?」
「唔...」
「遲下我地cu既school of pharmacy會同你地poly engine,仲有其他u會搞d盃賽架,我返去send detail俾你丫」有冇咁岩呀
「唔...我諗下先啦」
「仲諗?過幾日截止啦,你想踢就問你地d莊員啦」

過左冇幾耐,我地就食完餐飯
呢間花園餐廳既牛扒的確幾好味,下次出開旺角可以帶阿白同智詩黎試下
「我行去火車站搭返去hall呀,阿池你呢?」
「我返屋企呀,搭西鐵」
「你唔係都係住荃灣咩?」屌,仆街口快快講多左tim
「丫唔係..講錯姐,搭地鐵」
好彩佢都冇懷疑:「咁好啦,我走啦拜拜,我出完camp再搵你丫」
同麗娜道別之後,我坐上地鐵,再去美孚轉閪鐵

到底我對麗娜仲係唔係鐘意果種feel呢?而佢又係點睇我呢?
唉,女人,真係麻煩..都係同子晉搞gay算

我上到地鐵,check一check手機,發現有三個message
第一個係麗娜:「黎緊我地school of pharmacy將會聯同poly既faculty of engineering,以及其他大學6個學系舉辦joint u cup,詳情......」有張圖,有detail咁啦,10月先踢既
第二個係我個department既group:「我地工程學院將會響9月25日至30日舉辦工程杯,詳情.....」又係有張圖啦
屌有冇咁岩啊,唔通個天真係唔鐘意我呀?
唉唔好逼我啦,唔想踢就唔想踢,我唔想再炒罰球

第三個message,係智詩
「喂,同麗娜食飯點呀?有冇下場?有冇機溝到先?」
「仲有呀,你好快d踢返波啦吓」

睇到智詩呢句,我就諗
唔通,我真係唔應該放棄踢波?

當我返到屋企既時候,都九點幾啦
阿白響梳化睇番之前d達哥,見到我,講左句:「hi阿池」都係有d冷淡
智詩見到我,有d吃驚:「喂,你on9架?咁早返黎?」
「吓?做咩呀?」
「on9仔,你唔送人返去?唔食糖水?請食糖水加送人返去實加分架!」
一返黎就俾智詩屌,真係慘