無啦啦有兩條女同左我一齊住: 10
10.
whatsapp聲音又響起
「我星期5要入camp啦,得星期一至四ok,你想邊日丫?」
智詩:「我幫你決定啦,星期四啦」
過多陣,麗娜覆左我:「咁好啦,星期四七點,豉油街花園餐廳等丫,到時見!」
智詩嘻嘻兩聲:「嗱!又成功幫你約左女啦..多謝我啦」
「多..多謝囉」
其實我都唔清楚自己係咪真係想約麗娜.....
「約到女神喎,仲苦口苦面既?」
「冇..冇野」
「笑下啦好撚心」
「哈-哈-哈-」我夾硬做個笑樣俾佢
智詩問:「喂,你咁夜都唔訓既?聽日唔駛返咩」
「睇波嘛..今晚兩點幾馬德里打比喎」
「屌你,我都係喎..我買定D薯片就係諗住今晚睇皇馬炒鳩班茅西呀」
「喂,你唔係鐘意正義車既咩」
「你on9架,fifa用過就鐘意?上次我驚我用皇馬會炒到你以後唔敢打fifa咋」
同智詩睇波既時候,先知佢係鐘意皇馬同拉莫斯,好彩佢唔係魚拉突或者疤姐,唔係實同佢開拖
佢仲話自己細個已經睇皇馬六條煙,仲最憎巴塞
今年皇馬贏歐聯佢仲鳩叫到俾人投訴
「喂,屌你加比咁撚茅架,食屎啦!」
「十二碼!!!!!吹啦屌!!!!!」
「屌你卡斯拿斯又派膠!!!!食撚左屎呀!!!!屌你老母甩手!!!!!!」
「on9沾屎!!!你估你識自動導航咩?!!!!」
「頂得好呀BB,打反擊呀!!!!」
「GOAL!!!!!!!!!!benbenbenbenbenzema!!!!!!」
坐呢條女隔黎睇波,真係好撚慘
如果智詩可以同潘源良同場講波,一定好嘈
「入左!!!!!!!!!!一定入左!!!!!!!!!!!」
「俾拉莫斯啦!!!!!!!!!!!上啦拉莫斯!!!!!!!!!!!!!」
「智詩,你平時睇波都係咁架?」
智詩掛住望個mon:「係呀,睇波都唔high d,咁幾時high呀」
「你呀,睇波都睇到咁靜,去圖書館睇啦屌」
其實我只係驚,聽朝俾樓上李生投訴
智詩睇住愛隊皇馬似乎非常緊張,加上係夏天,流哂汗
件白色背心都透哂,令我可能睇到佢個bra咩顏色
係黑色
「喂,你望咩呀?」仆街次次都俾佢發現
「你件背心濕到透啦」我小心翼翼咁
「哦...小事姐,臨訓前先換囉」佢又冇乜野咁,成個鬼妹仔性格咁
「喂,阿池,你有冇踢波架?」
「咪講過中學有踢a grade囉」
「依家呢?」
「你問咁多做乜呀?」
「因為,我覺得,識踢波既男仔好型」講到呢度,智詩成個氣場都唔同哂
「你答左我先啦,你仲有冇踢架?」
「冇啦,a grade四強之後就冇再踢過」
聽到呢度,智詩冇再理電視既馬德里打比
捉住我,推我落梳化
屌佢,做乜撚野呀
佢騎住我咁款,我訓響梳化度,仲可以睇到佢對吊鐘
就咁睇既話,原來智詩對波唔止c
應該都有d cup
香港地竟然仲有呢d大波妹
雖然我並唔太咸濕,但面對呢個情況,我都忍唔住..扯左旗....
我地面對面咁,佢上我下
外人見到呢個場面,可能會以為我地扑緊野
好似審犯咁:「做咩,你唔再踢波?」
「我唔講..」
佢用雙手吱我腰側面,哇屌好撚癢
「哇..屌你,好撚癢呀師父」
「講唔講!!!???」
「好啦好啦..我講啦」
「係咁既,我中六,a grade四強果陣輸緊一球,隊長響補時搏到一個罰球,廿碼倒啦」
「佢俾左我射,而我最後差d就入到,可惜中眉」聽到呢度,智詩似乎冇岩岩咁癲
「雖然隊友都冇怪我,因為佢地都知罰球唔係咁易射,而且只係代表我地冇運」
「但係我始終都係過唔到自己果關,覺得係我累左全隊」
「完左場之後麗娜有黎安慰我,不過我同左佢講,我以後都唔會再踢波」
「咁即係話,麗娜叫你踢返波你先肯踢返?」
「...唔一定既,我都唔知點樣先肯踢返」
「咁點先令你呢個大少踢返波呀?」智詩有d唔耐煩
「..」我答唔出
「一係咁啦,你地department呀faculty呀,都會有d乜乜乜杯架嘛,你肯踢返,我以後讓部ps4你」
屌,佢根本唔明,呢d係信心問題,我唔想再令其他人失望
智詩見我唔答佢,塊面又再挨到勁埋,差唔多嘴對嘴
「一係我將獎品加碼啦」
「你講乜呀?」
「你係咪處男黎?」屌,做乜鳩
「係...係呀!」
「你贏到個faculty杯既,咪幫你..囉」
咩..咩話?!
上次都係扮我條女姐,今次唔係...黎真下話?
呢2秒,世界好似停左咁
我個腦已經幻想我同智詩響床上面翻雲覆雨既情況
「c朗推入大位,推過桑法蘭,直接抽射,入波!!!2比1!!!!!」
點知智詩一野摑埋你:「哈哈傻仔,食懵你呀?我係話幫你介紹下d好女仔俾你呀..睇你果樣,實係以為我俾你屌,幫你破處呢?」
屌,我呢2秒所有既幻想都破滅哂
有智詩呢種有樣又有身材既女仔挨到耳邊同你講上面果句:「咪幫你..囉 」,我包保陽痿都醫得返,仲要即刻扯到直一直
「我點會咁易俾你屌呀..我又唔係蘭桂坊d女」佢都幾直接架喎
「屌你上次咪又係照扮我條女」
「喂大佬,上次係扮姐,最多咪嘴下你,今次係扑野喎」咁又係,佢咁隨便你仲驚佢有咩病
「仲有呀,你俾我騎下就扯旗,你都幾咸濕架喎」
「屌!咁你都feel到?!」
「不過,我都希望你可以踢返波」
「點解你..咁想我踢返波?」
智詩起返身:「唔知呀,直覺囉...我覺得你,唔應該放棄」
嗶!嗶!嗶!!!!!!!!!
馬德里打比終於完結,皇馬贏2比1
「yeah,好彩執返三分,唔係實屌死卡斯拿斯」
「我訓啦,阿池早抖啦,咁夜唔好打飛機啦」屌,好耐冇打啦
正當佢諗住行入去訓既時候
智詩竟然特登挨左落我度,我塊面食哂佢波餅
智詩對波好軟,仲有陣女仔體香加沐浴露香味
我即刻又扯左
「哇屌你,你做乜鳩呀」我把口都係講左呢句,當然潛意識唔係啦
「咪..咪當鼓勵下你囉」
就咁睇,智詩對波,應該真係有D cup
加個黑色bra,真係頂唔順啦
「嗱,今次當賣大包你啦,你一定要踢返波呀」
到底呢條女,做乜鳩呀..
我真係估佢唔到呀......
踢返波就免啦
不過,食波餅,都ok既
呢幾日,阿白對我好似冷淡左,d對答都係一句起兩句止
雖然都會三個一齊睇達哥,但佢既笑容明顯冇平時咁多
「阿白呀,今晚食咩呀?」「肉同菜囉」
「阿白,你聽日駛唔駛工呀?」「唔駛」
「阿白,你呢幾日唔舒服呀?」「冇野」
我都諗緊自己係咪做錯左d咩
照計又冇呀,我都係好似平時咁對佢姐
相反,智詩就煩左好多,日日都係咁問
「阿池,報左department比賽未呀?」
「阿池,報左faculty比賽未呀?」
屌,都未開始報,問黎把鬼
呢段日子,少打左ps4,少左上網
原來d生活都幾優閒
轉頭間,就去到星期四,我約左麗娜既日子