無啦啦有兩條女同左我一齊住: 8

8.

轉眼間,又黎到星期六
其實每日既生活都好平常
返學,放學,煮飯,同佢地睇達哥

阿白同岩岩識佢果陣一樣,都係咁nice
「阿池,今晚想食咩呀?」「阿池,睇唔睇達哥呀?」
阿白唯一既缺點,就係每朝每晚都會霸住廁所起碼半粒鐘敷mask,保濕之類咁
不過算啦,女仔始終都貪靚,何況阿白仲咁靚女




如果霸住廁所既係暗瘡肥婆既話我肯定一野踢佢出去
而且阿白煮野咁好食,基於我視覺同味覺既享受,佢霸成粒鐘都得啦

至於智詩,開頭岩岩識佢既時候佢真係好抗拒我,又當我變態佬咁
「你打fifa好撚廢呀」「你咁撚蠢架,乜都唔識」
比起阿白,智詩真係幾爛口,打fifa又好撚勁(屌,靠佢對波之嘛)
不過,佢都算幾夠義氣丫,上次reu又肯扮我條女
就連錫呀攬呀都肯,呢種女仔世間都少有架啦

星期一果陣,我仲問老母點解要玩鳩我,換哂d鎖..自己就去左旅行,要我去姑丈度住




呢五日過左去,其實都唔錯丫
雖然洗衫曬衫煮飯,乜都要自己打理,ps4又俾智詩霸埋
不過可以同兩位靚女一齊住,一齊打機一齊睇達哥
打少左機,上少左網..個人又真係好似冇毒
都算係幾美好既生活
真係多謝哂老母俾呢個機會我啦

你地可能會問我:阿白同智詩你想溝邊個呀
咁..咁我又未諗到咁遠,話哂都識左五日姐
阿白就靚女,白淨(個人唔鐘意黑gal),又好人,又識煮野食,會有d似女神feel




智詩就比較爽朗d,大波d,把口就好硬,但係內心其實都會幫朋友幫到底,有兄弟,仲要幫過我一大忙
真係要揀既話都唔知點算....


今日,禮拜日
我同阿白,智詩兩個食完野就出左去旺角行街
唔好話我狗公,其實任何男人都會願意擔當'陪女仔行街'既工作

阿白似乎係一個fashion狂,但係又有選擇困難症
「阿池,呢條裙好唔好睇呀?」「阿池,你鐘意邊件呀?」「智詩,呢兩件鐘意邊間呀?」
阿白逐間逐間咁睇衫同試衫,我同智詩就逐間逐間咁鳩坐

我拍拍智詩,細細聲問:「喂,阿白佢..仲要試幾耐」
智詩係咁玩緊手機,話:「阿白係咁架啦,佢係好鐘意買新衫」
「不過佢另一方面有好慳家,所以佢先係咁揀衫姐,因為佢唔想買完返黎又話唔好睇唔岩著,佢話好哂錢」




「阿白每次響學校都係差d平既飯就算,佢話要儲定d錢驚第時有用」
我望住阿白既背影,真係估唔到佢都係一個慳妹黎

最後,阿白都只係買左一套連身裙同一件短鬆身tee,夾埋都四舊幾水
我拎出銀包:「阿白...我俾錢丫」就算阿白收兵,我都甘心做隻忠心既兵長啦....
阿白:「唔駛啦,我都有錢啦」阿白冇理我既阻止,快手遞左五百蚊俾收銀
對著係其他港女,實會好自然咁Q埋雙手等我俾錢
阿白呢種女仔,應該係香港既瀕危物種黎

「唉..你咪當我買定生日禮物俾你囉」
「唔駛啦,自己野自己俾錢嘛..何況我8月生左日啦」

正當我地三個行出呢間時裝店,準備走既時候(我同智詩都心諗:甩難啦)
見到迎面行黎既,係2個女仔





「咦,你咪阿池?好耐冇見啦!」
呢句野真係嚇窒我,你邊位呀

我望清楚前面條女,高過阿白少少,啡色長頭髮右邊留海,著背心長裙,拎住白色手袋
熟口熟面咁,又好熟,但係又唔係好記得

「係我呀,麗娜呀」

「麗娜」呢個名,即刻勾起返哂我中學既回憶,以及呢幾晚發既夢
佢就係林麗娜,我中學同學,我前幾晚個夢既女主角

我回返神:「丫..好耐冇見啦麗娜」
比起中學既時候,麗娜明顯識打扮左,亦多左一分女神味
佢隔黎果個fd我應該唔識,不過都幾肥下,當我冇講過





「你..岩岩返黎呀?」
「我non jupas返番黎cu讀pharmacy呀,前晚先落機」原來係咁....
「咦,阿池你呢?我走左之後同你就冇乜聯絡啦,你最近點呀」
「唔..都係咁啦,retake完之後響poly讀n展咁囉」

麗娜指住阿白同智詩,笑住問「呢兩位..係?」
屌仆街,唔通直接同麗娜講我俾我老母穿針引線,同左呢兩條女住咩?講都冇人會信啦
又唔通話其中一個係我條女咩?咁肯定會令佢兩個反感
更重要既係,呢度係女裝鋪頭,實在太難交代啦!!!!

「係朋友黎姐,咁岩佢去信和,咪陪埋我地黎囉」丫又係智詩幫我兜,我都即刻鬆一口氣
「哦..你兩位點稱呼呀?」麗娜繼續問
阿白親切咁自我介紹:「你好丫,我叫阿白」
「我叫游智詩」
麗娜同兩個握個手:「你地好呀,我叫林麗娜,係阿池既中學同學,多多指教」




「阿池,我同我朋友走先啦,返去whatsapp聯絡啦,拜拜」
「拜拜」

屌,今個九月做乜鳩呀...連麗娜都返埋黎