我參加了籃毛毛演奏會: 主角沒有了光環

我唔明，有好多野都唔明...點解受傷果個...會係我！？
明明我先係受害者，點解會射我嫁！

警察陸陸續續從四方八面衝出黎，好嚴厲地同我講

”立即放低手上面既人質！”

果一粒子彈打穿我既心臟，但係簡直就不痛不癢，
望住心口上面既窿，雖然有血流出黎，但係我隨即就復元，
或者，哩一個就係死親果啲毛毛都係爆頭死既原因...





當警察見到我咁神奇既能力，個個都嘖嘖稱奇，之後又搵槍指住我。
如果我冇估錯，班警察一定當左我係壞人，正正係因為我捉住大嬸。

我放開大嬸，而大嬸就扮到好無辜咁，喊哂口同班警察講

”救...救...救...我..."

唉，慘啦，從我變為毛毛開始，警察已經成為我地既敵人...
就算我地開到口講野，我地講既野都唔會信嫁啦。





哩一樣唔係最大獲，最大獲就係呀怡係哩一個時候醒左，
佢朝住警察既方向畢直地衝，我生怕佢會做傻事，一路走係佢身後邊。
而其中一位警察已經描準住呀怡既頭部，只要佢一接觸警察佢地，就係呀怡既死期！

我從後呼叫呀怡，

”媽咪！（呀怡，你唔好衝過去呀！）”

”媽！（行開！）”





死啦，黎唔切啦！呀怡只不過差幾步就可以將警察撞至腸穿肚爛！
五步！四步！三步！

數到第三步既時候，我做左一個好愚蠢既決定...
我出盡全力跑到呀怡面前，而警察就係哩一刻開槍，我成功為呀怡擋左一槍，
粒子彈深深地射進我既腦內，我會死嗎？

我躺係地上，對周遭既事物開始迷迷糊糊。
我望住呀怡，佢再無任何動作，只係呆左咁望住我，佢係唔係記得番我？
而本身脅持住呀仁既黃毛毛，則跑到我身邊，臉上有一種內疚感，
佢哄埋黎我耳邊，同我講左一句令我意想不到既說話，

”媽咪....（其實我唔係德仔...我...只不過係佢既一位好朋友...）
媽咪媽咪...（真正既德仔，就係呀仁同大嬸所講既黑毛毛。）”





點解黃毛毛要冒認係大叔個仔？真正既德仔係邊？
聽完黃毛毛所講之後，我好唔甘心！大叔同我一路以黎所付出既都係白費...
我好想活下去。

我已經睇唔到任何野啦，只係見到一片白朦朦，同埋感覺到被人抬走。
你話如果電視劇情係真既話係幾咁好，被人爆頭之後變天才，
仲要變不死身，食埋金伊娃，我好想變布布呀！
但係現實還現實，幻想還幻想...
邊有結局可以次次都開開心心BBQ呀，
冇錯，我個結局都係BBQ嫁啦，不過係我被人送去火化爐BBQ。

講起幻想，成件事跟本好似好假咁，
你試下行出街同人講，我參加了藍毛毛演奏會，一定當你痴左線。
最好笑唔係哩樣，係藍毛毛佢地原來係人黎嫁，唔係電影特技。




聽果個人心諗有乜可能呀，仲要扮埋「唔撚係掛」熊個樣。

諗到哩一點，我已經好倦啦。
其實我都好想同人講「我參加了藍毛毛演奏會」，我都好想比人當我係痴線，
我好想見更多人扮果一個「唔撚係化」熊個樣。
只要見到佢地，就係我活著既證據。

如果我可以活下去...
相信一定係奇蹟。