我參加了籃毛毛演奏會: 逃走

我輕輕力咁推開十樓既防火門，望一望十樓既環境。
係遠方，有一間辨公室，成層就只有辦公室果一道門，而係果度門既隙罅，隱隱約約有微光。
我沿住牆邊行，愈黎愈接近辨公室，藍毛毛演奏會佢地既歌就愈響亮。

”突特得 得特特 突特得特突...”

我踎係道門後面，望一望入面究竟係點樣。
入面既辦公室改裝成一個小型演奏廳，須則話係小，但都幾大吓，大概係打通咗十一樓。
不過最誇張唔係哩樣，而係我始終都唔敢相信眼前既一切！
藍毛毛演奏會雖然係多毛毛，但係，哩一道絕對係仲誇張個演奏會。




但係，最神奇既唔係哩一樣，而係觀眾席有三個人，究竟，哩三個人係何方神聖？

”睇下佢地幾合拍，不如買返包媽咪麵一齊黎合奏啦！”中央咪傳黎聲音。

負責指揮既藍毛毛擰轉身對住講台吓既三個人講咗聲
”媽咪～～～～～～～～”

由於，燈光太暗既關係，我始終都睇唔到果三個人咩樣。
我拎起對講機，
”從前，有十隻大笨象，佢係河邊吸水”





傳黎既，只有少少雜音，咁我就等一陣，都係冇反應。
係唔係我教得太細聲，所以聽唔到大叔把聲？就係咁，我講多次，
”從前，有十隻大笨象，佢係河邊吸水！”

又冇反應，咩料。今次，我盡量壓低把聲，大大聲咁講
”從前，有十隻大笨象，佢係河邊吸水！吸到就黎乾啦！”

”細路！洗唔洗咁大聲呀，我唔係聾嫁！”大叔終於傳黎講話，
而佢把聲仲要係超大，可能因為我教大左個音量。





既然大叔都收到，我再望返入去睇吓咩情況。
咦？乜都睇唔到既？就好似有啲野遮住咗咁，咁我再望仔細啲，就發覺唔對路啦...
有成十幾隻眼珠係門入面望緊出黎！

唉，肯定係大叔啱啱太大聲，驚動到毛毛佢地。
而家，我手上就有一部對講機，於是我就將計就計！

”神奇隊長謝拉特，射一球世界世界既波，有今生無來世呀啦！呢球波！Wow!
神奇、頂級 、超卓，任你點樣去呢，呢個演譯都係呢，秒絕！”

就係咁，我扮到若無其事聽收音機，仲要扮番黃興桂果段說話，希望過到骨。
我企番起身，慢慢咁轉身，行去走火通道。
突然之間，”澎”一聲，藍毛毛衝哂出黎，我唔再行，而係而光速咁跑！





就係佢地打開大門，光線照射出黎既時候，
牆壁上既字都顯示哂上黎，

”陳家園食品有限公司”。

就到啦！係走火通道，差三步！我絕對唔可以比佢地捉住！
就係我掂到防火門既同時，我感覺到我已經比人捉住咗我隻手臂。
我一擰轉身，諗住擺脫佢捉住我既時候，佢一隻手將我個頭禁落地下。
我連頭都抬唔起，只係feel到好多毛，有啲仲吉親我隻眼，我成口都差唔多係啲毛。
無啦無啦，今次真係死得啦，希望毛毛佢地知我有人性，唔好食我啦...

人係死之前，都會回憶一吓往事，而我就係度諗緊

”對唔住呀怡，陳強，揚惠，允行，我救唔番你地出黎。





大叔，好對你唔住呀，要你一個人作戰。如果我有對講機係手，
我想同你講，「從前，有一個細路...」
正當我真係編排緊個故事既時候，防火門打開了，

”砰，砰，砰”

就係咁，三隻毛毛訓低左，我抬頭一望，係大叔，佢話

”細路，從前既事就唔好再提啦，我地諗將來既事啦”

大叔一手將我從中咗槍既毛毛手中搶返黎，將我拖到黎走火通道，
同時佢都渣住枝槍，藍毛毛佢地都唔敢行過黎。
跟住，佢搵咗個垃圾桶同幾碌棍頂住個門口，試圖唔比佢地入黎。

”哈，睇吓你地班毛毛點樣入黎！”大叔對住佢地舉中指。





正當我回復緊啱啱死過番生既心情既時候，我望一望道門，我戚刻行埋去大叔耳邊靜靜雞講，
”大叔，道門係推嫁...”

”咁又點，佢地都推唔到入黎。”

”佢地唔洗推道門嫁，拉開道門就得嫁啦！”

大叔收番埋隻中指，佢同我講
”冷靜，冷靜少少，比少少獲得勝利既姿態佢地睇，挫一挫佢地銳氣。”

我露出一個好得戚既樣，之後我同大叔就顛咗咁跑去樓上。

而藍毛毛佢地都開始拉開道門追上黎，
”媽咪！！！！！！！！！！！！！！！！”





佢地既叫聲響徹整個走火通道，應該係已經比我同大叔激嬲咗。
我推開十二樓既防火門，喱埋係一間房到，當我抖順條氣之後，我就好緊張咁講，

”大叔呢？”