我參加了籃毛毛演奏會: 大叔...

”大叔？發生咗咩事，係度既答吓我！”

我實在係驚恐萬分，點解無端端會有藍毛毛佢地既聲？
於是，我直接咁跑左上去，係哩一刻，我祈求既係千奇，千奇唔好比大叔有事。
由追蹤藍毛毛佢地至到而家既突特得 得特特行動，都係多得大叔，冇咗大叔既話，我都唔知點算。
雖然我扮哂好冷靜咁，但係，眼淚始終都要跑出黎。正當我跑到7樓既時候，

”Surprise!”大叔既聲音再次傳回我既耳邊。

我都唔知應該比咩反應好啦，我就話




”屌...一把年紀玩埋啲低能野，好好玩呀？”

”冇呀，我見我由三十樓行到二十樓都係乜野都冇，悶咪諗住試吓扮藍毛毛佢地叫吓”

我真係比大叔吹脹，不過好彩大叔冇事。
”砰、砰、砰...”對講機傳黎槍聲。
今次，並唔係大叔玩野啦。而我，行到黎九樓，聽到上層傳黎
”突特得 得特特 突特得特突...”

冇錯，係藍毛毛演奏會既歌。即係藍毛毛佢地就會係十樓。





”大叔？咪玩啦，COME ON，叔！”我仲未清楚發生咩事。

對講機傳黎沙沙聲，
”從前...有二十隻...咳咳...算啦。從前，有一位細路...”

就係咁，我坐係九樓同十樓之間聽住大叔既一番話。







「從前，有一位細路，佢夢想能成為社會既出色人士。究竟咩係出色既人士，佢未有答案。
只要努力讀書，考好會考，搵份好工做，人生就係咁簡單。
雖然衰左三次會考，但佢廿四歲終於讀完大學既BBA學位，仲入埋某銀行做ibanker。
但佢二十七歲既時候，中國就發生左六四事件，佢同普遍既香港人一樣，都擔心中國遲早會接管香港，
所以，佢移民左去美國，希望既係有好既生活。係美國其間，佢半工讀，考入MIT，
佢知道讀BBA就好似冇讀過任何野咁，於是佢就入左工程學院，直到三十歲畢業。
三十歲果時，大概係1990年，美國發生左波斯灣戰爭，
佢深知自己都係美國公民，同埋受美國隊長漫畫既影響，所以佢就決定參與戰爭。
但係，經歷過戰爭既佢，就知道咩係人間煉獄，佢唔再留係美國，佢返返黎香港。
係佢34歲時，即係1994年，香港發生左一件廣為人知既劫案，後來，有電影將件事拍成＜皇室堡劫案＞。
係哩件事入面，有一個老豆為左保護佢個仔，而犧牲左自己，而果個仔就成為左一位孤兒。
從新聞得知有位咁可憐既細路，佢就諗住成為細路既養父，而哩位細路就叫做－德仔。
本來既細路都已經成為一位大叔，而哩位大叔佢從未拍過任何拖，佢既情人只有佢隻右手。
同德仔既哩一段時間，佢感受到咩係愛。但係，直至德仔拍媽咪麵廣告，大叔既人生就開始出現轉變，
佢專注於搵德仔，但係都冇任何消息。




2003年沙士爆發，大叔失業，就咁拎綜援過活左兩年。
但係，佢明白咩係人窮志不窮，佢決定搵工，就係咁，佢成為左一名地盤佬。
而大叔一做就做咗8年。」


雖然大叔講既故事好長，但係，我會記住大叔既事蹟。


































此時，大叔又傳來說話，
”話時話，啱啱真係幾驚險，無端端有隻白毛毛出黎，對佢連開幾槍先射得死，
記住，佢地既要害係佢地既紅鼻，我諗我都要走快啲避開佢地，我既位置已經黃左。”

我頂，係咪痴線嫁，講一大番野我仲以為係死之前果啲遺言。
唉，算啦，咪再理大叔啦。
就係咁，我就前往十樓，一探究竟！