於這個Wtsapp群組中輸入名字，他就死路一條: 其之三十一
其之三十一)
阿空面對陳仔的一眾黨羽，不甚樂觀。
「好啦，阿空小姐，請你停步，麻煩你放低同除低身上所有嘅嘢，衫褲鞋襪都係。因為你太危險啦。」男聲說。
阿空當然不賣帳：「衫都想我除埋，仲話貴賓？我係黎同你哋合作，唔係做人質喎。」
男聲也有些堅定：「咁有心合作，點解要查我哋嘅所在地？點解唔跟返個時間，要特登走上嚟？衫就免啦，隨身物品留低。」
阿空理虧在先，也沒再多話。
我猜想樂平也預計到這情況，未太慌張。
這時男聲再傳出：「喂，等等。煙我哋都有，你放返低。」
從對話中知道阿空在放下隨身物品時，刻意點一口煙，需知她的可是迷煙。
樂平跟我說她煙盒中的煙只有兩支是「加料」，其他都是普通香煙。阿空想養成一邊討論一邊吸煙的景象，到看見手機時再拿出「加料香煙」將他們弄暈。
可惜對方非常謹慎，「香煙」一計霎眼就報銷。
「你哋成間房5個麻甩佬！使咩驚我一個女仔呀！自己食下煙仔都唔得？」阿空力挽狂瀾。
同時我們知道房內人數。
「哈哈，市面好多次貨，我哋依啲一定係好嘢，既然食梗係食好嘢。」男的輕鬆帶過。
阿空吃了一記悶棍，她也不能說「喂！點知你啲煙有無問題」之類的話，因為自己的煙也做了手腳。對方既為黑道，說正道未必熟，但旁門必精。
她唯有放下香煙，連電話都被關掉，所有物品都放在一旁。
幸而，她還有一個偷聽器是藏於耳環內。
突破間傳來一陣嘈雜聲。
「陳...陳仔！！」是阿空的怒吼。
看來目標出現了。
「呀。。呀。。唔關我事架！！我唔知會搞成咁架。」是陳仔的聲音。
「依家坐埋一條船，唔好嘈啦。」這把男聲當上了「和事佬」。
阿空也無懼：「合作之前！你究竟係邊個？好好交代一下！我都無理由再叫你阿偉呀！」
這男聲說：「司，叫我司就得。阿偉係我之前嘅拍擋，放火單嘢係佢意思，我只係幫手執行啫。」
『司』，多麼簡潔的名字。
阿空再問：「你一路都知《亡選》嘅事？」
司吸一口氣，憶述七日前的事。
在七日前，偉與司仍然生活與常，他說當黑的，都是跟著社會走，賣的是膽，賺的是錢。偉是近年冒升極快的新人，不是他「打得」，而是思想「陰險」，利字當頭不手軟。當日起知《亡選》一事時，與司作商量。
他們很快就決定挑選一個人作操控，這人就是陳仔。其實與陳仔第一次見面的人也是司，所以司這個替身是由第一天就飾演。
而阿偉由第一日開始，心中只有一個想法，就是獨吞《亡選》的決定權，因為他想借助《亡選》去剷除外敵，作為私怨的報仇機器。可是群內有我們，而我們顯然不同意這種做法，所以他千方百計地制定一些「不問原由的殺人名單」。希望不知不覺間利用《亡選》完成自己的野心。
（節錄自十五章：
「所以，我哋每人都需要交出一啲保險嘅死亡名單，依個就係義務。而權利就係，你俾依推名單入面，需要陳述選擇理由嘅比例係50/50。即係你要殺A，需要話俾大家知點解，佢有咩咁抵死。當大家通過之後，你想殺B，就唔需要俾理由，大家無權過問，只要你決定殺佢，我哋就殺佢。」）
阿偉說過，如果我們乖乖做傀儡，各自將《亡選》達成自己私利的話，並不需致我們於死地。司與偉利用陳仔，在群內作煽動，造就第一次見面。
可惜結果梁一懿帶頭反對，作為替身的司唯有啟動Plan B，決意殺死我們。
最後大家都很清楚。
我們三人逃脫，阿偉計錯一步，成了《亡選》的犧牲品。
而阿偉在離開之際，被梁一懿輸入姓名，當場死亡，隨後趕到的陳仔拾起眾人的電話，不知所措。在後頭的司與其他共犯見狀將他抓起來，加以軟禁。
為了避免警方的調查，阿偉的屍體早被處理。
基本上與樂平推算的有九成相似。
司比相象中好相處，本應是好事，但對我們來說卻相反。
因為這增加了阿空背叛我們的機會。
「咁你都係主謀呀，仲話唔係你意思？同埋…阿偉死咗...點解你講得咁平靜？」阿空追問。
司的聲音依舊淡然：「的確，我同意佢用《亡選》達成自利，但我唔同意要將群組嘅人殺清光…咁點解我要幫手執行呢？又點解最後佢死咗我都無感覺呢？」
「呀，應該唔係無感覺，而係輕鬆咗。」司再補充。
待了一會，繼續傳來司的聲音：
「《亡選》真係會顯露一個人嘅本性，會將佢表露無遺…第一日阿偉當我係戰友，第二日佢都會同我講《亡選》發生嘅事。我一早知阿偉係咩人，但覺得佢會害全世界都好，都唔會害我。只係我估得自己太高。到第三日開始，情況有啲改變，一個人嘅性情變咗，好顯眼。佢開始後悔俾我知太多嘢。第四日我同佢睇法有分歧，佢無同我商量，只係叫我執行。我知道佢動咗殺機，無錯，我感覺到如果我唔合作，下一個死嘅就係我。所謂《亡選》，唔係指你哋有得揀，而係被輸入名字嗰個無得揀。」
「同佢出生入死咁多年，《亡選》出現短短幾日，我已經成為咗佢其中一個想殺嘅對象。」
「阿偉嘅世界存在一個神明，就係佢自己。而其他人，都係佢嘅食糧。《亡選》無扭曲佢，只係突顯每個人嘅本性。」
「咁你明白，點解我一直要幫佢，亦應該了解點解佢死咗，我會無感覺。」
司的觀點與我們不同，因為他不是選擇者，而是一直擔驚受怕的「準被選者」。
《亡選》的魔力，它的目的，開始慢慢呈現
PS.下一章於星期四深夜更新！！！