於這個Wtsapp群組中輸入名字，他就死路一條: 其之二十六

其之二十六)
 
在病床之內，躺著的是一個皮膚白皙的少女，年齡與我相苦。她啡色的長髮看上去很柔順，雖沒沾上任何脂粉，卻是散發出一種清純的氣質。
 
只見護士抓住樂平的衫尾再三叮囑：「喂呀！你望一陣好啦！俾人知道我好難做架！」
 
而樂平則露出招牌微笑：「唔會令你難做嘅，咁夜邊有其他人呢，哈哈。」
護士將音量儘量調低：「仲有呀...你呀，得閒要搵下人架嘛...」
 
原來是樂平微笑下的犠牲品，讓我們聽見這些對話，他也向我們打了一個尷尬的眼色。




 
回望這個毫無生氣的少女，面對她那安詳的表情，我甚至以為自己走錯路到了靈堂。只是她身旁用以維持生命的儀器告訴我她依然活著，但靈魂卻不知被《亡選》勾到那裡罷了。
 
看著護士關門離開，阿空冷冷說了一句：「醫生好多風流債喎。」
樂平傻笑一下：「唔氹下佢，我點可以係度自出自入呢？哈哈，我都係為大家服務啫。」
 
「嘿，原來kiNg係女仔黎架？」梁一懿天真的問。
樂平搖搖手指：「佢個名唔係King，而係Ki Ng。中文名係吳芯琪，今年高階學府畢業，大好青年。」
 
我凝望望著這個女生，心中泛起一陣憐憫。




「樂平，佢由幾時開始昏迷？」我忍不住問。
「就係《亡選》將我哋繳入群嗰晚開始，佢就失去意識，直到依家。聽佢嘅主診醫生講，佢係突然昏迷，家人發現之後送入醫院，之後一直就保持依個狀態。吳芯琪嘅Case院方刻意低調處理，不過佢係近期醫學界好關注嘅病例。唔同國家嘅醫生近日都飛梗過黎睇佢。」樂平的資料非常詳細。
 
我將問題再伸延：「即係《亡選》害咗佢...？我哋有無辦法可以救返佢？」
這種無止境的昏迷就是作為「退群」的懲罰？實在猜不透當中有何意思，但kiNg離群的時間，Admin還沒有開始說話，所以kiNg所謂毫不知情，正所謂「不知者不罪」，怎可以如此就判刑？
 
樂平嘗試平復我的心情：「我就係知道Ki Ng嘅情況，先擔心你同阿空會俾人強制離群...不過我之前都講過，Ki並唔係死咗，亦唔係植物人。植物人多數原因係腦部創傷所致，總之令大腦失去功能。Ki明顯完好，就係唔醒...加上新陳代謝變得異常地慢...所以先話佢發梗一個夢。你都見到佢表情好安詳...所以我覺得或者《亡選》唔係懲罰佢，而係俾佢接收梗一啲嘢...佢會係解開所有謎團嘅關鍵人物。」
 
阿空輕嘆：「不過佢可能一年之後先醒、或者十年，甚至永遠。」
樂平沒有回答，算是默認了。他一直的如意算盤就是隱匿在暗處，靜靜守在吳芯琪的身邊，直至她醒來為止。可惜《亡選》中的人不到幾星期已經「鬼打鬼」，令樂平被逼現身幫助我們。




 
吳芯琪的醒覺是一個長期戰爭，這樣我們現在應該著眼的自然是...
 
「情況我哋都明啦，係時候要奪回自己嘅手機。」我說。
阿空說：「但係佢哋知道唔係當事人會無效...會唔會即時Quit Group架！同埋最後連懷禮都無死到！佢哋會點做？」
 
此時我靈機一觸：「錯...依一刻，佢哋應該假設...我係死咗架啦...你知我無死，係因為我生勾勾企響你面前...而佢哋根據表面證供，一定以為我已經死咗。」
 
樂平輕聲離開吳芯琪的病房，補充一句：「無錯，喺佢哋發現懷禮未死之前，我哋就有優勢，因為我同懷禮都在暗，佢哋在明。」
「我有一個諗法，不過就要辛苦阿空。」
 
阿空有點茫然：「你想？」
樂平說：「我想你深入敵陣。」
 
 




PS.Sorry大家！！因為工作量突然激增下,,依一話作唔到太長,,同昨晚唔小心訓著咗,,所以遲咗出文!!!JJ插沙謝罪!!!!! 下一章於星期二晚深夜更新！！