《我炒咗車之後入廠訓咗四年覺》: 水上嘅時光

我將遊艇泊好喺長洲至中環航道附近嘅水域，就行出室外。 

我見到結衣同幾個女仔喺船邊釣魚。 

我：結衣，有冇收獲啊？ 

結衣：仲未有啊…轉頭有果陣攞嚟比你地吖！ 

我：好啊！ 





之後我走上上層揾主席佢地。 

我：喂你地…清嘢食都清得好快喎！ 

女A︰冇食哂你果份咪得囉！ 

我又叉咗幾粒丸去燒。 

"YEAH！！" 





結衣攞住一個桶行上嚟。 

結衣：我釣到喇！ 

我：喔？我睇過… 

魚嘅種類我真係冇研究，不過呢條應該陣間可以攞嚟消嘅。 

我：叻啊結衣！轉頭攞嚟燒吖！ 





結衣之後坐咗喺隔嚟張櫈，一直望住我嘅芝心丸。 

我：喔？想食？ 

結衣：喔？ 

我見粒丸都夠熟喇。 

我：想食咪出聲囉…嗱。 

結衣：啊？比我？ 

我：嗯。 

結衣：吓…咁… 





我：食啦… 

我遞粒丸比佢。 

結衣：咁…我唔客氣喇！呀… 

呃…好似唔記得咗啲嘢。


我：啊！咪住！ 

我立即縮返開支叉。 

結衣：啊？ 





我幫佢吹凍啲粒丸。 

我：你咁樣睇住"辣"親個口啊！ 

結衣：吓？喔…唔該。 

我：入面仲係好熱，你咬咗一忽仔先…好唔好味啊？ 

結衣：嗯！好味！ 

呢個情景就比其他一齊燒嘢食嘅同學睇住哂。 

男D︰喂~~好閃啊！ 





男E︰傑傑~我又要~~ 

女A︰嘩！HEHE！！ 

男D(傑傑)︰妖！死開啦基佬！ 

我：妖！又抽我地水！ 

男F︰喂chilam！其實你地係咪拍緊拖啫？ 

男E︰係囉係囉！係咪啫？ 

女B︰咦喂！花生花生！ 

呃，唔想答。 





我：食嘢啦你地！ 

女A︰喂！回應吓啦！ 

我：喂係喎！你又話想追隔嚟班嘅康仔嘅？追成點啊？ 

女B︰喂！唔好轉移話題喎！ 

呃…呢招失敗咗添！

結衣：其實我地都冇經過表白，點叫拍拖喎！ 

男E︰未經過表白，即係有嘢啦！ 

我：有咩？ 

男F：你地嘅動作好曖昧喎！仲唔係有嘢？！ 

我：呃！口癢想飲啖酒添！青島啱唔啱？ 

女A︰呃！我唔飲酒喇… 

男D︰三罐！唔該！ 

女B：可樂！有冇？ 

我：有！等等！ 

結衣：喂！飲咗酒點揸船啊？ 

我：吖！係喎，唔記得咗添！ 

呼…終於成功擺脫！ 


===================


我落咗去雪櫃攞啤酒同可樂。呢個時候開櫃見到先記得，原來我仲買咗一支清酒。 

嘩正！等我今晚解決咗佢先！ 

上返去果陣，我發現結衣又去咗釣魚。 

我：結衣？做咩唔繼續燒？一粒丸就夠飽嗱？ 

結衣：唔係…只係… 

我：嗯？ 

結衣：佢地班人係咁講是非，好煩。 

我：其實…我都覺。

結衣：嗯… 

我：呃！我返上去先。 

上到去，我繼續燒嘢食。 

我除咗食之外，都係另外揾個碗裝。 

男E︰做咩啫！你當宵夜啊？ 

佢指住我另一隻碗，未食過嘅食物。 

我：誒…你當係啦！ 

我講完就攞住果啲食物落返去。 

我：仲未釣到？ 

結衣：未啊 

我：你釣唔釣到都好，食咗嘢先啦！ 

結衣：吓呢啲… 

我：你食啦，我特登留比你嘅。 

結衣：喔…多謝… 

我：魚杆擱喺度先啦！