《我炒咗車之後入廠訓咗四年覺》: 晴晴嘅畫劇
####################
考完試，唔代表晴晴嘅生活節奏可以慢落嚟。
學校嘅劇社將會喺12月參加咗一個單位主辦嘅話劇比賽。
參賽嘅隊伍要自擬劇本，負責劇社嘅Miss Tong交咗比寫故最有idea嘅灝軒。
灝軒平時都有寫網絡小說，呢啲嘢邊會難到佢吖？
####################
####################
星期五，劇社開會。
灝軒：Miss Tong！你之前要我幫手寫果個劇本，我寫好喇！
我︰灝軒，咁快寫好？
灝軒：係啊，我早排個故寫好咗啦嘛。
Miss Tong︰寫開故仔嘅人果然有效率啊吓！
灝軒：咁係咁啱我而家冇故寫啫。
啊鈞：咁可唔可以比我地睇一睇？
灝軒：喔，你地等等。
佢攞出一個印上一架白色巴士車頭嘅文件夾，攞出一疊劇本比大家細讀。
我：啊？有親熱戲？！
灝軒：嗯，我覺得有呢啲場景，個劇會吸引啲。
Miss Tong︰嗯，咁而家揀主角。晴晴你做，有冇問題？
我：ok嘅…
Miss Tong︰咁男主角…
我留意到劇社嘅男同學雙眼放哂光。
Miss Tong︰就啊鈞啦！
啊鈞：我同晴晴？
Miss Tong︰揀男女主角要兩個睇落都合襯。你地兩個，金童玉女，幾襯吖！
啊鈞：啊…我…咁…ok嘅…
Miss Tong︰晴晴呢？你冇問題啊可？
我：啊？我…冇啊。
Miss Tong︰咁就咁定喇！
####################
####################
第一次綵排。
我地試演到中間一段劇情。
背景係機場嘅離境大堂。
我：映雪！唔好走！
我擺出依依不捨嘅樣。
晴晴：對唔住…我唔可以再留喺 度，真係要走喇！
我：點解…你係咪有咩苦衷？？
晴晴：其實…我患咗癌症…
我：啊？！
晴晴：我要去美國做一個手術，不過醫生話成功嘅機會唔大，所以…我唔知仲有冇機會…返到嚟…
我：即係…呢次…可能係我地最後一次嘅…道別？
我努力扮演強忍淚水嘅表情。
晴晴伸出雙手環住我條頸，將嘴唇伸琴我嘴角前面。我合埋眼，按住劇本擺出一副表現得情深款款。兩個嘴唇之間只有一兩毫米距離。
一段時間之後，我地雙雙擘開眼，嘴唇之間嘅距離拉開。
呢個時候我先發覺，晴晴雙眼真係好迷人。
我感受住佢嘅氣息，令到我感受到內心嘅悸動。
我…開始迷上佢嘅眼神、佢嘅五官，佢呢副喺學校傾國傾城嘅面臉貌。
我…迷上咗佢？
晴晴：誒？做咩啊？你冇嘢嗎？
我：啊…！！冇嘢，我冇嘢…
我立即擰轉個頭。
好尷尬啊！！！
"喂！你地搞咩啊？！做咩定哂嘅？"
我：呃，冇嘢…
"咁嚟過啦！"
晴晴：喔…
我地再試多一次呢段劇情。
晴晴再次伸出雙手環住我條頸，將嘴唇伸琴我嘴角前面。我傾情咁擺出一個情深款款嘅樣。
之後我地再一齊擘開眼，拉開嘴唇之間嘅距離。
晴晴：如果真係最後一次，就比呢一吻成為我地告別前嘅最後一個印記啦…
我：映雪…
晴晴鬆返開雙手。
晴晴：我…真係夠鐘要走喇。 忘記我，如果你再遇到一個兩情相悅嘅女仔，唔好比我呢個包袱影響到你。
我：你…要保重啊…
晴晴：你都要保重啊…
晴晴擰轉身，摔一摔眼睛，離場。
"ok！呢幕ok，下一幕！"
我…係比晴晴虜走咗我個心嗎？
####################