《我炒咗車之後入廠訓咗四年覺》: 病得嚴重
呼啊~~！！！
終於考完啦！！
結衣：你面色有啲差喎…冇事嘛？
咁啱坐喺我隔嚟嘅結衣一臉擔憂，定晴望住我。
我：冇事啊…有心喇。
結衣：咁我行先喇。我約咗屋企人，走先。
我：嗯，拜拜！
難得有一日早放之後可以四圍玩，咁我就算幾病都唔理喇！
試考嘅節目原本已經篇排咗，都係影吓車啦、遊吓車河啦等等。
近排仲要有種車型過幾日就退役，仲唔嗱嗱林影就可能十世都冇得影…
更加引起我出去嘅意欲。
但係…個頭真係愈嚟愈痛…愈嚟愈…痛…
唉！唔理喇！頂硬上！
一路諗住啱啱啲嘢，一路行出課室。晴晴喺門口等緊我。
我：咦？晴晴？你地咁鬼快嘅？
晴晴：係你地慢啫。
咁又係，我地監考果個啊sir係老屎忽嚟。講嘢又慢，派卷又慢，收卷又慢，數卷又慢。呢啲老屎忽啊sir我真係頂唔順！
晴晴：點啊你？頂唔頂得順啊？
我：個頭愈嚟愈痛囉！
晴晴：比我摸吓？…哇！你發燒啊！
我：都估到係發燒嫁喇…
晴晴：返去先啦…
我：嗯。
====================
好快架車就返到屋邨。
我閂好車門打算返屋企果陣，晴晴就忽然間走過嚟，用手鈎住我手臂帶我走。
我：喂喂喂！你又拉我去邊啊？！！
晴晴：睇醫生啊！你又發埋燒，唔睇醫生點得啊！！
我：我仲有地方要…
晴晴：你顧唔掂自已身體嘅話，仲有邊可以去到啊？！
我：晴晴，我…
晴晴：行啊！
晴晴用水汪汪嘅眼睛望住我，手已經由鈎住變咗係拖住，搞到我又有果種感覺。
我：喔…
====================
到咗診所，好快咁登記咗同探熱…
姑娘：咦？你高燒喎…
我：高燒？
姑娘：嗱。
佢比我睇一睇支探熱針。
我：嘩！
103度！
姑娘：詳細你都係比醫生佢睇睇先啦。
我：哦…
====================
醫生：你呢排休息得夠唔夠啊？有冇夜訓？
我：有啊，考試吖嘛…
醫生：咁你應該係抵抗力唔夠再遇着感冒菌嘞，今次你啲感冒菌比較勁。多啲休息，夜晚早啲訓啦，儘量唔好出街喇。
我：吓…哦…
吓…又冇得出街啊…？
大好半日假期咁就凍過水喇。唉…
####################
攞完藥，我地一齊步出診所。
我：返到去食過飯同藥就好訓喇。
貓仔：唉…
佢全程都低住頭咁行。
我：做咩啊？唉唉聲咁嘅？
貓仔： 大好半日假期咁就冇咗喇，仲諗住今日放咗可以出去玩…
我：唔好咁啦，最多我全日陪住你照顧你啦。
我出伸手翹住貓仔，好想佢知道佢仍然有我會陪住佢。
貓仔：嗯…
我見到佢嘴角向上微微翹起一下。
####################
晴晴：你抖一陣先啦，我而家去買餸煲粥啊。
我：哦…
喺睡眠不足嘅影響之下，我好快就去咗揾周公。
…
"哎吔！！"
我比一吓震撼性嘅聲音嘈醒，發現呢吓聲係由廚房傳嚟嘅。
我：啊！冇事嘛？！
晴晴：好痛啊…
原來係晴晴切緊瘦肉果陣唔小心切親隻手指。
我：唉…咁論盡嫁…你等等我喇！
好彩我學過急救啫。我戴好口罩，之後妥善幫佢消毒傷口，揾紗布幫佢包好。
晴晴：唔駛包成咁樣啊？
我：你隻手指咁切法，唔包好啲容乜易受感染啊！
晴晴：喔…
我：呢餐，都係等我整啦…