《我炒咗車之後入廠訓咗四年覺》: 孤兒生活之始
啊…好光…好殘眼…
周圍都係白光。
頭好痛…呢度好臭…
嗶、嗶、嗶…
呢度究竟係邊度？
一開一合，我對眼適應咗一段時間…
今日係幾月幾號？十一月？十二月？
呢度係一間房，好多床。
床？
床邊有個一個姨姨喺度。我心諗：你好熟面口，你係邊位？
姨姨：咦？你醒咗喇？
哦…記得喇，我個三姨媽。
跟住三姨媽就好緊張咁大叫：醫生！！！
醫生？
呢度係…醫院？
我笑一笑：喂…家下唔係拍TBB劇呀，有召喚掣嫁…
三姨媽忽然攬住我：好囉…你終於醒返囉…
我：喂！喂！你攬得好實啊救救救救救命！！！
不過究竟發生咗咩事搞到我入咗廠呢？
我努力recall返啲記憶…
嗯…
好零碎嘅記憶，好零碎嘅畫面…
不過…隔咗一陣，我開始get到咩事。
====================
4年前，暑假。
深夜12點30分。
老豆將架車揸入東隧。正值單管雙程時段，所有車輛都要使用東行管道左線。
架車到咗隧道最後向左嘅轉彎嗰段。
就喺隧道口，電光火石之際，一架大貨車衝向我架車，撞開雪糕筒！！！
就係我記得嘅片段最尾嗰part, 我睇住啊爸啊媽活生生夾死…
我：啊啊啊！！！！！！
而我，亦都抵受唔住衝擊，喺一下痛楚之後暈咗。
====================
好黑，好暗…
我喺邊度？
盡頭就忽然多咗一點光，成盞燈咁光。之後我睇到好似有條路喺腳下，好似要我行咁喎。
跟住呢生人嘅重要片段，就好似走馬燈咁逐格出現。
差唔多播到結尾，忽然有一個好似天使嘅女仔走出嚟同我講：你返去啦，仲未到你死呀。
佢把聲好溫暖，好溫柔…
不過我聽到之後，成個人反而震咗一震…
吓？
咩話？
死？
我冇聽錯嗎？
我不禁倒抽一口梁氣…呃講錯，係涼氣。
但係，我仲覺得我係實實在在咁喺條路行緊嫁喎…
不過話時話…做咩我輕咗咁多嘅？？
喂！好亂啊！…
究竟發生咩事？？
有冇人可以答我？？
啊天使姐姐，究竟你知道啲乜嘢？
我個腦都未load得切發生咩事，周圍嘅環境就忽然間變得好光，好光…
好殘眼，光到我睇唔到嘢，我合埋咗對眼。
====================
嗶、嗶、嗶…
咦？
之後我慢慢擘大眼…感覺就好似訓咗好耐…
好耐…好耐…
啊…
好光…
好頭痛…
好臭…
原來，我已經"行"咗4年。
我行果度，原來係死後嘅世界。
原來，我差啲冇命。
醒嗰陣，我已經差唔多18歲。
呢段時間，好多謝幾位姨媽嘅照顧。
原來我啊爸啊媽已經…
死咗。
即係話，我已經係孤兒喇。
傷唔傷心？
點會唔傷心？
喺呢個世界，我真係得返自已一個喇！
點會唔傷心？！！
如果架車係前一個車位、後一個車位…
如果嗰晚唔行東隧…
點解？！點解呀！！！
當初，我真係好激動。
不過我記得，啊爸生前話個，人應該向前望…
慢慢我明白，既然一切都已經改變唔到，不如努力繼續過日子…
====================
多謝我幾個姨媽喺我暈咗嘅4年之間，日日輛流嚟照顧我、幫我抹身…
三姨媽話，佢會照顧我嘅生活費、屋企管理費、燈油火蠟乜乜乜…
不過，佢有咁多錢，係因為6年前開始，佢長年都喺外地公作，幾年先返嚟一次。
即係話以後呢，我就要過獨居嘅生活喇…