[聽者恥笑，說者流淚] 恥笑吧，娶左個港女返屋企: Chapter 11 兄弟 (上)

我想起了一位可以對世上的女色免疫，對生理控制自如的一位好兄弟，
不是他不喜歡女性，而是他對女色這回事看透了。
 
撥出了一會，他接聽過後微笑的問道，
 
「做咩呀，大佬。」
 
這位好兄弟正是Ken，七兄弟其中一名成員，
中學過後他到過美國就讀金融，現任投資銀行的投資主任，
他一直以來認為，男性結婚等同打仗簽下不平等條約無異。




 
「Ken兄，救命呀！」
 
我立即把事情的始末跟Ken和盤托出，其實我只是吐苦水而已。
 
「Ken兄，我依家慾火焚身呀。」
 
「等等，你慾火焚身打俾我……喂，你想點呀？」
 
「你唔好傻啦，我只係吐下苦水姐。」




 
「咁你仲有一位兄弟名叫左手，咪用你既左手囉。」
 
我語帶無奈的對他說，
 
「左手，點解結左婚仲要用左手呀！點解呀！」
 
而他只是淡淡的答道，應該是在忙著工作，
 
「咁打飛機同打真軍，係兩回事既感覺同感受。」




 
「下？」
 
「打飛機係滿足你個人既FF既幻想，而打真軍你唔會一邊同你老婆扑野一邊諗住啲日本女明星掛。」
 
「你岩既。」
 
「嗯嗯，都叫左你同Vincent唔好咁快結婚嫁啦，你打俾我之前我岩岩至安慰完Vincent！」
 
「……」
 
「喂，唔傾住啦！做野先，要睇住個市！後日係咪一齊去睇波？」
 
這時我才如夢初醒，
 




「後日？」
 
「係呀，講左我地七兄弟一齊睇波。」
 
「去邊度睇呀？」
 
「去酒吧睇。」
 
「下！」
 
「拿，唔好講咁多，約定你嫁啦……」
 
我還未來得及回應，Ken已經把電話掛掉。
 
後天不就是詠宜約了Kelly的日子嗎？




 
唉，難道真的為了兄弟，要讓詠宜應約，
想起了像Kelly這樣的三姑六婆頓時心有不甘。
 
一邊躺在床上思考著的同時，詠宜洗過澡後走回房間對我說，
 
「老公，到你沖涼啦。」
 
「咁我去沖涼啦。」
 
後天跟一眾兄弟的約定，難道要再次當職業特工隊嗎？