我 , 係咪一個學生時代既贏家 ?: 義工篇 Part 2.

最近我從鋪滿塵粒的書櫃上找到一本相集，裹面每一張相都充滿我小時候的回憶，有的開始泛黃，有的出現摺角位，細心一看甚至有鬼影！當然這都是老子的錯覺。
 
忽然在某頁夾住一張彩色鮮艷，未行開封又90%新的，似是近年來的照片；
 
裹面有我、水貨佬、家琪、軒仔....等等，相中沒有華麗的背景，但有我們最純真的笑容，亦看到在這六年間大家的變化，雖然只是一張普普通通的照片，但卻將時間倒流下來。
 
就像回到剛入學的時間，一班老友聚首一堂瘋瘋癲癲；
 
沒有最差的倒後鏡片段，只有最好的快樂回憶。
 


想起想起，我淚光亦開始乏起，想起如果我年老後，與相中某位仍然在世的老友共賞此，又會變成最深刻的回憶，死而無憾，因為我有一班好友及一個美滿的小家庭。
 
嘿....因此小事而受感觸，我不愧為傻小子。
 
中學生涯最後半年時間。
 
「呢次唔合格既放學補課！！」朱Sir怒髮沖冠的道，便帶著不滿的心情離開房間，沒想到平時笑嘻嘻的朱Sir竟然激怒得像撒亞人.....
 
「邊個唔合格既自己招左佢啦」狗哥踩上椅子舉起自己剛好合格的成績單
 


「座返低啦含家產！」
「收皮啦收皮啦」
「好撚威丫屌你」
 
卻換來一眾批評的聲音，怒指689的，好明顯呢班叫囂既朋友不滿狗哥的負碌。
 
「喂奶哥～～」軒仔走過來稍微看看，道「哎唷唷唷唷，你要留堂丫？」
 
「關你撚事」我一臉惱怒的模樣執拾好背包便離開
 


我之前都講過，我做人有個宗旨，就係「流血不留堂」，準時放學就係我每日既目標，萬估唔到，駒駒一個細Test仔要老子去留堂，真失敗。
 
加上，今日係放11點半架屌你老味！
 
死死氣般走到精英班的課室，跟十餘個同學座在一起，每個人的樣子就似「死老豆」的，放學時間被推遲了兩個鍾，在樓頂看著地下的同學們每個人都笑逐顏開，中哂六合彩咁......
 
而且該補課的阿Sir好似含住撚咁講野，又要痴脷根，又要跟書讀，或許我講可能仲好過佢，除了浪費生命之外，都沒有其他解釋。
 
「叩叩」突然敲門聲響起，門亦隨之打開
 
「Er...唔好意思阿Sir，我想搵個學生」便轉個頭對著我道「ＸＸ傑，麻煩出一出黎」
 
原本頹然地座得舒舒服服，竟然在老子快要睡著之時才叫上門，阻人訓教要燒春袋架你知唔知丫周Sir！？
 
一場魔戒五軍戰爭即將展開


 
「XX傑，我地睇完你份志願書啦」周Sir的腐屍性口氣以及腐蝕性口水向著我的方向全面進攻
 
「係...係...係...」我不禁稍微退後兩步，使長槍兵擺出防禦姿態，心想「嘩屌你丫，你個口永遠都係咁撚臭既」
 
「其實你志願寫得唔錯，社工呢條路以你既成績應該無問題」死軍全面向我軍擴展中，再道「未來呢幾個月學校會派你去幾間社福機構做下義工既」
 
腐蝕性液體已經濺到我臉上
 
「係...嗯...係....」我盡量閃避開周Sir既腐蝕性攻擊之時
 
「下？義工！？」恍然大悟，不敢相信自己的耳朵