我 , 係咪一個學生時代既贏家 ?: 義工篇 Part 1.

「愛情使人忘記時間，時間也使人忘記愛情。」
 
時光飛逝，再次踏入西風落葉的冬季，模擬試後基本上除補課外，便是吃喝玩樂，
幾個寡佬可以每晚在秘密基地內談笑風生直到天光才回家；
 
最親的朋友都寧願拋開自己的女朋友，選擇跟大家相聚一刻，剩下來的時間，當然要好好把握，享受最後的４個月中學生涯，好好玩樂一番，溫書都要放鬆架嘛！
 
說起來，每當在秘密基地內食煙飲酒講粗口，都會談到每個人的未來路向；
 
大多數都選擇大專課程，雖然入讀大學較為勉強，畢竟未曾嘗試又何必放棄，而另方面又選擇工作，結果兩方爭持不下，又說到清晨。


 
 
「有乜幫你唔到丫？」這永遠都是肥豪聽電話的第一句
 
「你間野係邊棟架，我街頭行到街尾都未見到wo」
 
模擬試後的星期六日，肥豪他都會到餐廳上打工，想著想著，Bass已經相當了得，沒想到他竟然能夠又煮得一手齒頰留香的菜餚，在廚房內日積月累，烹飪技術越來越純熟。
 
不過重點係，廚房竟然只有他一個人，而且餐廳內的侍應們全都是穿校服吊帶襪的女生，唔洗講都知係邊類餐廳啦....
 


「係咪豪哥朋友丫？豪哥！！」紥著雙馬尾而且很可愛的女生走過來說
 
「喂奶仔！」肥豪拿著兩杯果汁從吧抬內走出來
 
「嘩屌你！咁多女既喂」彷然大悟觀察周遭環境「但都幾多奇人異士.....」
 
「係咁架啦，呢ｄ地方.....」幹了手上的果汁
 
「咁你叫我黎呢ｄ地方做乜鳩呢？」也幹了手上的果汁
 


「唉...座低先講啦」拉著我走到個空位
 
座下後，他不斷說自己當年的悲痛經歷，說到上天下海，不過我都充耳不聞，

事關場上的女生每個都各有重點，有波大性感，有雙馬尾賣弄可愛，有樣子討好，
每個都在招呼場上的顧客。
 
其中一個好似Kama咁，平陰馬尾，在人群中的一顆亮星。
 
「喂你有無聽我講野架屌你」肥豪怒道
 
「得啦，繼續講啦」隨意回應擺了，再突然提問「喂果條女好正wo，介紹我識丫喂」
 
「介你老母咩，人地讀名校架」肥豪搖頭擺道「咪搞人地啦，乖女黎架」
 


「乖女做呢行，你玩鳩我丫？」我反駁
 
「乖女唔做得呢行架咩，你Short架？」他又反駁
 
最近幾個月，自從分手後都沒看過心儀的女生，亦都跟女生的交流少之又少，不過竟然在這個地方.....
 
「得，唔搞！咁佢幾大架？」這個話題勾起我的興趣，繼續追問
 
「同我地一樣嚕！」毫不猶疑直接回答
 
「唔撚係丫！即係F.6！？」我嚇了一跳，再問「住邊架？」
 
「你問我問棵樹咩，我同佢都係傾得一兩句炸....」肥豪又再搖著頭，一臉無奈
 
「你係咪咁撚廢丫」雖然有點同情肥豪，但佢至少能夠跟她交流下，酸溜溜的道「唉算啦，講返你果單野，點樣」


 
「哦....」
 
「唔係丫...」
 
「你係咪男人黎架....」
 
「哈哈哈哈....失戀的冠軍！！」
 
聊天聊到天暮地暗，我又發現這家餐廳生意跟本不太好，
肥豪他跟我聊過幾小時都跟本無用回到工作位置，
黃金時間一過便空無一人，本身只有我兩談話變到愈來愈女生走過來參一腳，

可惜我看上的女生早已離開.....