我 , 係咪一個學生時代既贏家 ?: 女神篇 Part 13.

「喂Ｄ蠔好正呀！試下！」啜緊隻蠔同時遞隻蠔比卓瑩
「唔要呀！好核突呀！」推開我隻手
「隻蠔咁正都唔要？」我口中既蠔口感清淡，味道鮮甜，可以媲美豆腐火腩氯...簡直係男人既浪漫.....
「點解你咁重口味....睇下佢白色一舊，好核突呀！！」心諗你比人射果陣咪又係白色一撻野.....
「你D女人識條鐵咩，呢Ｄ先叫正！」
再經過一大輪既口水戰兼瘋狂食蠔之後....埋單！

「呢餐ok何？下次我地再黎呀:D 」
「唔錯唔錯.....下次再黎嚕！」你就真係唔錯啦，食左我成４舊水.......
「幫我拎住先！」遞左佢個籃球鞋袋比我，我順便即下孭，條繩好緊[sosad] 


「因住整爛呀！整爛左倍返個比我呀:-[ 」
卓瑩突然之間企左係到，我無留意撞左埋去[sosad] 
「咩事呀喂？無整爛wo」
「Wandy wo....」卓瑩望住某個方向
「係咩！？邊到！？」我亦跟住卓瑩所望既方面望
「講笑炸...走啦！」卓瑩笑得好免強...而且大力拉住我向門口方面走，但我仍搵緊Wandy既蹤影
但拉到出門口果陣，我終於係間放題既外面搵到Wandy既側影...以及望到佢同一個男仔食飯，而果位男仔係咁摸Wandy隻手，但Wandy又無反抗
不過果個男仔好熟口面.....無錯，你估岩左，係食家阿鴨............

我見到成個人登撚哂陸太陽，比個柒頭搶撚左個機會仲要摸黎摸去，抽水都有個限度啦，屌你老味Wandy做乜唔反抗呀！？佢食過你家姐架屌你老母！！！！



當我望到之後正想衝去打柒阿鴨之際，卓瑩拉住我；

「喂屌唔好拉住我！！！」火撚爆正想Fing甩卓瑩
「唔好呀XX傑.....」卓瑩Cool住我手臂
「放手啦八婆！！！」失去理智，諗返起自己果陣都幾撚嬲[sosad] 
「佢既事關你咩事呀！！！」「啪！」呢一巴...好響，我比卓瑩衾左一巴，其他路人望住我地
「你...做乜..？」我摸住自己塊面望住卓瑩，個腦空白一片
「點解你唔諗下我WO......」卓瑩雙眼充滿淚水抬頭望住我
「呀？」我仍然未了解到佢岩先果句，企左係到思考左廿幾秒先醒返


係呢廿秒，應該係我人生最長既廿秒
雙眼看著對方，在彼此視線交合中，我睇得出卓瑩既心情；

心諗「唔通佢...鍾意我？」
呢個時候好耐無出場既惡魔同天使終於出黎啦
惡魔：「上啦牛奶傑！擺到明唔係唔食呀話？」
天使：「人地關心你...唔代表鍾意你！」
惡魔：「關心你唔代表鍾意你傻撚左呀？」
天使：「咁你老母關心你係咪代表鍾意你呀？」
惡魔：「..............................」
天使：「講笑姐...牛奶，上啦！！」

「................嗚」卓瑩轉身跑走左...小姐你個袋仲係我到呀喂～
不過我並無及時既反應捉住佢....仍然企係到望住佢跑走
「追啦後生仔.....唔好哂左人地一番心意」天使惡魔同時拍我膊頭，仿佛好似水貨佬同我講道理咁...


無錯...已經失去左兩個，無理由再失去多個！

「我不知道你～原來從那天起已在鄰近～
我不知道～有個人暗中～做我守護神～
有人知～沒人知～你仍在那雲上看～替這個平凡人費心～」
「不知幾多個～相戀好季侯～無人來提示我～你一言驚醒～才知統統錯過～
那幾年春天～原本可跟你過～」

我再度以羅賓雲佩斯既速度追上去.......
「卓瑩既方向...應該係向公園仔果邊走」我既第六感話比我知
「等我呀....」
「係邊呀你....」
「搵到啦！！」卓瑩座左係長凳掩面痛哭中....
我慢慢行過去卓瑩到，座左係佢隔離



「梳rry呀....我唔知你....」
「嗚........嗚.....嗚......嗚.....」仍然痛哭中...
「唔好喊啦...係我錯係我衰係我柒」我攬住卓瑩
「嗚........嗚.....嗚......嗚......嗚....」而佢亦都無掩臉而反係我件衫到喊[yipes] 
「大喊包唔好喊啦.....喊得多唔靚架啦」Fuck！你喊完未姐！？
「....你...到底....有無鍾意過我...？」剛剛以淚洗臉既卓瑩終於抬起頭望住我
「....................」我望住佢，無答任何野，但我諗緊一樣野

不過我做左一樣野代替回答；

「和情人深深一吻～來代替講話～好嗎
這訊號以無聲仿有聲～領略時未需解碼
和情人緊緊擁抱～來代替講話～好嗎
妳快樂～眼淚想灑了～而不准你灑
我在旁～請不要害怕～」



我，鍚左落卓瑩到.......
我同佢既情侶關係就咁開始左

「我....會唔會傷到佢？我好撚驚......」