我 , 係咪一個學生時代既贏家 ?: 女神篇 Part 9.

紫瑩=/=卓瑩，兩個人黎 

孤泣講過「女人呢個生物，的確係非常之吸引，由其係窈窕淑女，而且係好值得去哂時間心機，不過去到最後你既目標只想擁有既話，你就同奶屎上身無分別。」
雖然我拍拖既次數唔多，食女一隻手指數得哂，不過我牛奶傑就係有耐性，就係敢於付出！
一個女神側邊梗有D狗屎垃圾係到先會顯得更可遠觀不可褻玩焉，
但女神身邊或許會有個女仔並唔係我上面講果D茄哩啡，而....佢更應該去做一個女神。
我想追既係Wandy呀屌你！

一轉個頭，我同我果班跑羸左學校圍內From 5果批人，雖然得銀牌，詳細我廢事講，因為功勞都唔係我到[sosad] ，全程得Dixon同紫瑩Carry我同阿雪，兩個真係好撚快.....
但至少拎到個聯校比賽入場卷。


「勁wo！XX傑！！」岩岩頒完獎，Wandy走左過黎
「唔好讚！我係黎Carry隊友架嘛！」
「哈～睇唔出wo！一陣輸死你呀！」被發現:~( 
「小姐，你羸到我Ｄ女先啦！」我手指公住紫瑩同阿雪
剎那間，Wandy同紫瑩好似觸電咁，雙方打量大家既身材......

「4x100男女混合聯校接力賽第N次召集...........」朱Sir把聲又幾磁性啵

「黎啦黎啦，陣間見啦傑！」Wandy向我單眼@_@ 
「哦.......」嘩！！！女神向我單眼呀！！！我係咪有機呀！！？？


「牛奶....條女邊個黎...同你咁熟既？」紫瑩以一把較牛既聲問
「Er.....前排識既」
「好勁架？」
「幾索架...呀唔係...幾勁架！」
「我！要！羸！佢！」我第一次見到紫瑩咁氣勢如虹[sosad] 
「哦....加油加油加油:D 」
紫瑩佢呢Ｄ....係咪叫妒忌？女人心，海底針......
雖然身材方面真係同Wandy差幾班既....Wandy家姐...Wandy....Wandy家姐...Wandy
諗起佢地兩個都有少少扯......阿鴨你就好.....



「喂！到我地表現啦......呀～～～」Dixon頭頂上既怒氣值持續上升....
「................」我座左係跑道旁邊熱身望住條Kai子係到發癲真係別有番風味
「阿傑，你跑第一棒啦！等Dixon跑最後果棒！」紫瑩同我講
「唔係呀嘩，我黎跑？Shit梗架wo！」嘩，交重任比我，我驚架！
「我要後追個八婆#fire# 」做乜要話我女神八婆姐！？
「..............」呀紫瑩姐，即係話我廢無分別ｗｏ！
「阿傑！.............嗯！！！」Dixon捉住我雙手，對我好有信心向我大力點頭
「點解要咁姐.......」大佬我岩先跑最後果棒炸！！咁快比攤咁既野我搞
比佢地講一兩句令我毫無反擊之力，就咁比人釘死左係第四棒.....唉......Shit硬

「聽講你跑第一棒WO～嘻嘻～～」無啦啦有人係我背面拍我膊頭，偷聽我地戰術！伊保爾！？
「哦...係呀！不過我咁勁應該羸佢地幾個身位左右啦」原來係卓瑩
「哎...乜你咁多腳毛既？」卓瑩無啦啦望我隻腳[sosad] 
「靚妹係咪玩野呀！邊有男人無腳毛架？我住左係到十幾年度度都有我條腳毛既！」
「哈哈哈哈.......死飛毛腿咸濕仔！」


「又咸濕？信唔信我濕你呀啦！」
「嘿嘿～羸到咪比你濕嚕～～～」輕跳地走開了
「哎也！你個靚妹我呢獲濕硬你架啦！！」
「哦....咸濕仔...哦....咸濕仔...哦....」紫瑩聽到掩住個口偷偷地笑.......
「做咩姐你？」

轉眼間，我地慢慢步出跑道......由地下仰視看台，因為係聯校比賽，所以個個座返上去睇波
「嘩屌.........好撚驚呀...媽！！」
係眾目睽睽之下，我承認自己果陣時係有Ｄ打完飛機腳軟既感覺......
是次對手並唔係圍內識果Ｄ，而係其他學校......
行過卓瑩條跑道果陣，我同佢有眼神交流，同緊大家講，加油！
「WO～～～加油呀～～.............」
「ＸＸＸ加油呀！.............」
「也咩嗲～～哎唔係！加媽嗲先岩！加媽嗲～～..........」
「............................」


嘈雜既打氣聲再看台發出，顯得出呢場將會相當精彩，令人期待！
但我作為一個靚仔，點解無人同我打氣既？

作為第一棒既我，雙腳跪下，雙手掂地，形成一個起跑既姿態，
賽事即將開始......

「呠！！」並唔係我放屁，而係賽事開始