我 , 係咪一個學生時代既贏家 ?: 女神篇 Part 8.

當比卓瑩拉住，一剎那間個感覺好奇怪...雖然佢唔係拖住我，
但有係一種似曾相識，好似曾經經歷過，我唔係太識形容....或許可能令我諗起～家琪，
我望住佢拉住我既背影，經過無數人，佢唔介意周邊所有人既目光，
一個著住其他學校又有藍色間既PE衫，拉住一個唔係自己學校既男仔，而果位男仔又真係幾靚仔既
雖然我都係藍社，但著住唔同校章既PE衫，究竟佢有D咩感覺？我好想知.............

「喂牛奶！新女呀？」岩岩好比去完廁所既水貨佬見到，但我仍然比卓瑩好似拖拉機咁拉住走
「............」由於拉得快，我比唔到任何表情，但送左個中指比佢，示意屌你
「屌...牛奶屌我呀...嗚～～」水貨佬係到扮小朋友喊



「瑩姐呀，可唔可以唔好拉得咁緊呢？」講真，估唔到佢咁大力
「點知你會唔會走左去！哼～」終於到小食部
「我已經企係你面前點會走佬姐」
「我要飲呢個！」卓瑩指向某支飲品
「好啦好啦....無啦啦呃左我八個幾」「阿姐，比兩支黎！」
「我要飲筒....邊有呃你姐！你唔嚇親我咪唔洗請我嚕！」
「嘩～呃完野飲仲咁大口氣？你仲細佬仔咩！支裝野飲用飲筒[sosad] 」我手指指住卓瑩
「嗯...........」卓瑩渣住咬住支飲筒好滿足，無理到我

「喂～卓瑩～～」遠處有人揮著手叫


「呀！Wandy～～」卓瑩亦都向住Wandy揮手
當Wandy一步步地行近我地....嘩！絕對唔係遠睇誇啦啦，近睇吹喇叭，比同Wandy跑步果陣吸引好多！
「XX傑你又係到既！做緊乜呀？」
「阿傑佢請我飲野呀！」拎住支野飲比Wandy睇
「哦～～～請卓瑩唔請我嚕！」Wandy係咪妒忌#hehe# 
「唉，既然你咁講，幫我出一出火先請你啦...講笑！！」「阿姐黎多支！」又比人呃多八個幾.....
「出咩嘩？」好采佢聽唔到[sosad] 
「無無無......嘻嘻」我真係好想你快D幫我出火呀仆街！你家姐好撚正呀！！！你都好撚正呀！！！
「古古惑惑.....」Wandy疑神疑鬼咁[sosad] 
「哎也！」


原來卓瑩無啦啦ME我隻手，而且一臉憤怒....
心諗「做咩姐你？」

「係呢！阿傑，果個男仔邊個黎？」Wandy指向一個比我較型棍既男仔
佢....係阿鴨:~( ，Wandy唔係鍾意佢呀嘩？點解唔鍾意我呀喂？我好差咩！？
「Er.....唔識！」為左食女神，我可以出賣朋友，出賣Homie:D
「哦....唔緊要啦，我要返去熱身啦！卓瑩快D返黎呀！ByeBye～」Wandy轉身走左...
我心入面唱左首「不要走～大鐘即使響起你別放開手:~(.............. 」 

哎....我好似唔記得左D野！無錯，係卓瑩[sosad] 
「HI！小姐，乜咁岩呀！」扮死狗O:-) 
「死咸濕仔......」卓瑩既表情睇得出，佢好嬲，憤怒既眼神帶點火光，巧京京哦！ 
「噢～做乜咁認真姐，搞下笑姐，哈哈」
「哼，個個男人都係咁咸濕！特別係你！」
「Ｏ～X小姐(X=姓)！如果我咸濕神早咸濕左你啦！係咪先？耶～唔好嬲啦～講下笑姐～又唔係搵你出....」


「................」屌我講完仲撚嬲，心諗「家陣Ｄ女仔接受唔到咸濕笑話架咩[sosad]」
「唔好嬲啦～比你幫我出火啦！！」
「..................」憤怒指數上升中.........
「梳嚕[sosad] ，請你食雪糕啦」
「.......................」好似有些少心軟
「Ｍ記啦！」
「............」想笑啦想笑啦
「放題啦！！！」
「........」係到扮嬲忍笑[sosad] 
「放題都唔得呀？咁我走嚕～算數～」正打算轉身走人之時
「喂呀！人地都無話唔得！你又話你唔會走既！」
「拿，笑返咪靚嚕！呢次我真係走啦！我要返上訓過！你好去熱身啦啵，一陣抽根無人會救你架！哈哈....」我已經轉身走人
「咁餐放題點呀？」卓瑩拉住我件PE衫
「食肥你呀肥婆！！」
「死啦你！」「啪！」背脊好痛....亦都好耐都試過比人打背脊...嗯....正！



我上返看台繼續同周公情緣果陣....
又有把死人聲係我耳邊講...
「你永遠都唔夠我架FC鬥..鬥...鬥...鬥..鬥..」
「呀狗哥，你又想點呢？」
「哦無！得過講字姐！」
「屌你......」