我 , 係咪一個學生時代既贏家 ?: 女神篇 Part 6.

自從上過星期五之後跑完步，我一直都有Keep住跑，但都約唔到Wandy一齊跑，
終於，今日我約到啦～～

星期六既下午，無聊又無野做既我，係到禁緊電話，
「洛克人！資料傳送！！！」拎起電話Wts中既我，無錯，我同緊Wandy Wts緊！
－－－－－－－－－－－－－－－－－－－－－Ｗｔｓ－－－－－－－－－－－－－－－－－－－－－－
「睇緊Wade～」16:30
呢個時候，我係到諗，邊撚個叫Wade呀！？Willian我就識！醒目既我即刻Google，原來係熱火既韋迪....
「哈哈！死高登仔！」16:33
「好呀！我今晚都約左卓珊！一齊啦！８點有無問題？」16:35


「口花花啦！衰鬼！」16:37
「上次間便利店門口啦！」16:37
－－－－－－－－－－－－－－－－－－－－－－－－－－－－－－－－－－－－－－－－－－－－－－

「不愧係牛奶仔！要約女完全無障礙！哈哈哈哈哈...................」沾沾自喜中....
「阿仔呀，你笑乜春呀？比老豆睇下？」我老豆行左入黎我間房
「戇鳩！」
「嘻嘻....係咪女仔黎？幾時帶返黎比我地兩老見下？」
「你都戇鳩既，帶返黎又比老母巢過呀？」
「我地幫你姐～～～～～」老豆轉身走人



「帶女朋友返屋企...？哼...哈哈哈哈...往事不愧只能回味！」攤左係張床既我....自言自語中
第一次帶女朋友返屋企，就係破處之夜，回想返我老母點搞點巢家琪，回想我老豆點用迷魂鎖鎖撚到我驚，
不過攤左係到，亦都諗返，我點同家琪做第一次.......
的確，我敢於承認，我仍然掛住家琪；

「你 最近還好嗎 尚愛看少女漫畫嗎」
最近 近乎沒露面 你有新對象嗎」

轉眼間，就到左夜晚７點幾左右，


「阿仔呀，唔好食咁快呀！」老母鬧我食得太快
「得啦！一陣我約左人，唔遲得到呀！！」
「又去跑步呀？呢排做乜鳩，咁鍾意運動既？」
「你咪理啦！食飽啦！」立即起身衝返房換衫...
「未飲湯呀～～～～～」

好耐都未試過咁有衝勁，再唔係慢慢行出去，而係跑出去，
「拍...拍...拍...拍..拍」有節奏既跑步聲，屬於既跑步聲
跑到去便利店既遠處，我見到一個女仔企左響側旁
「呢邊呀！！！」果位女仔向我揮手
「咁早呀，嘻」並唔係Wandy，而係卓瑩
「哎....Wandy呢？」見到得佢一個，梗係要問下
「佢話黎緊WO」
「哦......咁我地等下先嚕」我挨左係便利店既外牆，期待Wandy既到來
「係呢！你好鍾意Wandy咩？」卓珊又問:~( 


「Er.....算係一見鍾情啦.....」
「咁你鍾意佢D乜呀？」心諗「嘩小姐，你呢個問題問得相當好！」
「Ea........................................................」
「嘿嘿，答唔到呢！」的確，我真係唔知鍾意佢ｄ乜！
「呀小姐！鍾意一個人需要理由架咩？」
「唔知呀～我都未試過比人鍾意過～仲有唔好叫我小姐！叫返我卓瑩！哼～」
「OKOK，卓瑩姐，你....未比人鍾意過？唔好玩啦，以你既質素，溝死仔啦！」
「........................................」卓瑩突然之間唔講野，雙眼望地下
「哎....做乜唔講野？」
「........................................」仍然沉默
「HI～在嗎？喂～～～卓瑩～～～喂～～」我特登烏低身望下佢個樣
「你地D男仔...係咪玩完就唔要...？唔理人地感受？」剎時間好認真咁問
「哎...做乜咁問？」
「你答我先.....」
「睇下邊D人嚕...我就肯定唔會既！」


「真係？」
「真！不過其他人我就唔敢保證啦！」
「咁你有無見過女仔追男仔？」
「Er.....睇電影就見得多既.....現實就暫時未見過....」
「嗯......」

「When you're gone～The pieces of my heart are missing you....」
並唔係我電話響，而係卓瑩...........

「喂，Wandy？」
「嗯？....係」
「哦....咁好啦.......ByeBye」

因為一個電話，打破左沉重既氣紛



「Wandy佢點？」好奇一問
「Wandy佢話黎唔到呀.....」聽完呢句，我好似仲沉重wo小姐！！！！
「咁....點？」
「我地兩個跑嚕....好唔好？」睇得出卓瑩好似好想我陪佢跑，畢竟一個女仔跑步都幾危險
「好呀！無問題！」
跟住我地兩個就開始起步，但呢個時間，我係到諗....點解Wandy黎唔到？佢去左邊？佢........
跑步既過程中，我同卓瑩無任何既言語交流，但我亦有偷偷望下佢，睇得出佢好認真咁跑，
「身材幾好呀....有些少波路，皮膚幾好，樣又生得又唔太差，只不過係唔矮左少少姐，點解咁講無人鍾意過佢呢...？」
可惜，當時我無理得咁多，因為我想追既，只有女神－Wandy，跑呀跑呀跑呀！！！！！！！
黎緊陸運會仲有兩個星期，衝呀！！！！！！！

呢個時候，仆街！！！身體開始有些少問題出現，
或許我食飯食完無耐，一食完就出黎跑餐勁既，開始愈跑愈唔對路，開始有些少反胃既感覺.............
不過我都頂硬上，繼續同卓瑩不停咁跑，愈跑愈開始感覺到前路望唔清，暈暈地，
而卓瑩好似留意到我愈跑愈慢，面色蒼白，


「喂！你得唔得呀？你好似唔多妥ｗｏ」
「無問題！繼續！！！」
跑左約幾分鐘........
最終，我頂唔住，跑跑下停左係一邊嘔，一次過嘔返哂我岩先夜晚食果餐ｄ野出黎，諗返起都核突xx( 
「嘩....你唔得就唔好咁夾硬黎啦！拿！」卓瑩遞左張紙巾比我
「哎.....無計啦...」嘔完，終於講到野
「咁駁做乜姐！？」卓瑩扶住我搵左個石壆，用紙巾幫我抹
「黎緊陸運會，Wandy會黎比賽.....唔輸得架嘛...」挨住個石壆
「哎？係咩！？我都會去wo！」
「哦.....加油！」
「你好似好唔想我去既:-[ 」
「唔係唔係.....仲有些少暈暈地姐...」
「拿，訓係到啦休息下啦」卓瑩拉低我
呢到西利啦，卓瑩一野拉低我，並唔係要我攤係石壆，而係訓係佢大腿！
「哎....咁樣好似唔係太好wo....」雖然我已經訓左係佢大腰，但暈暈地既我，見到咁既情況梗係清醒小小
「唔緊要啦！你咁駁命追女仔，呢下係激勵你既！」
「多謝哂wo.....」
我已經合埋雙眼，訓左係卓瑩大腿休息，好舒服....比家琪既更舒服..........