我 , 係咪一個學生時代既贏家 ?: 女神篇 Part 5.
「燈鄧登燈.....燈登鄧燈....」放學鐘聲響起
「屌...終於星期五，放假啦屌！！！」狗哥大嗌
「喂岩啦！今晚唱K直落我屋企打麻雀！！」開心走過黎尋歡
「好呀喂，我去！」狗哥,耀文同水貨佬舉手話去
「軒仔去唔去呀？」開心一問
「唔啦....要陪女！」
「屌你......」齊齊屌軒仔重色輕友
「牛奶呢？」
「Er...............今晚....我要跑步....」
「唔撚係呀奶哥？你去跑步？轉死性呀？」
「唉...唔好提...走先」
獨自歸家既我...開始掛住同家琪一齊手拖手返屋企既日子，
「傑傑！不如我地去食格仔餅嚕！」
「哈哈.....食肥你呀肥婆！」
「哼....我肥左你係咪唔要我？」家琪「DO」咀功發作
「你死左我跟埋你一齊死啦！琪姐！」
「嘿～衰人！唔比你咁早死！」
「啜！」接吻聲
跟住就同家琪手拖手...行去小食店買格仔餅，你一淡我一淡，場所如同掉粒閃光彈般發亮，溫馨小情侶，
而家？我屌..............
返到屋企食完晚飯無耐.....
「假使當初可以為了你～忘了愛～所有人............」
鈴聲響起....係Dixon打過黎
「喂，傑哥！公園到等！快Ｄ呀！」
「OK......黎緊.....」
講真，我的確唔想去練，亦都唔想去跑，但為左自己班，屌那媽！頂硬上！！
隨便拎返自己件杜奧巴，著返對封哂塵既波Boot，慢慢地行出屋企。
「吓....吓.....吓....」急速既喘氣聲
「停....一...停..好嘛....吓...吓.....」跑撚到我喘哂氣，烏低身雙手撐住膝頭
「唔係呀嘛傑哥！跑左唔夠半個鐘wo」雙腳仍然有節奏踏地原地跑既Dixon
「喂....真係唔得....休息下先....吓.....」仍然唞大氣中
「好啦好啦.....唞下先啦」
因此我同Dixon行埋一邊石壆，座係到休息，而Dixon仍然原地跑熱身，
心諗「你咁博做乜姐....」，休息左幾分鐘，由於場面太過靜，點會都要搵Ｄ野溝通下
「紫瑩同阿雪呢...？佢地唔練既？」我打破沉默
「呼...佢地去左XX體育館個室內跑步場！」
「哦.......」
「唞夠啦！繼續跑！！！」話未講完，已經跑走左
「喂！！等埋！！」迫住我跑去跟返佢
話哂都係飯後時間，好多路人係到跑步，但大部份都係阿嬸同阿叔，
不過跑跑下.....遠處見到有兩個眉清目秀既女仔，身穿運動Bra，窄身運動長褲向我地既方向慢跑過黎，
佢地露出小蠻腰令係佢身邊跑過既男性都視線不離其人，相當吸睛，
愈跑愈近果陣，其中一個女仔有種似曾相識既感覺.........
心諗「呢條女好似邊到見過既喂....」，愈黎愈近...愈黎愈近.....
接住我地互相擦過，而且有一眼視線交流，
「哎！！！」好似觸電咁，停下腳步，另轉頭望果位女仔
「呀！傑仔！！！」原來係Wandy，
「哈哈，乜咁岩呀！？」我雙眼對對全身掃瞄，心諗「嘩.....同佢家姐有得揮！一樣咁正....腳長幼腰有波路！」
自從我睇完佢家姐全身相之後...我已經將佢家姐既身材Key左落佢到，每次諗起都扯扯地
「同朋友跑步之嘛！...........你做乜係咁望住我#ng# 」
「無無無.....你太靚......Er.....我都係同朋友跑步！哈哈.....」雙手插袋，因為細佬已經想同我Say hi
「今日星期五wo....咁得閒去跑步？唔去玩呀？」
「講起就嬲啦！比阿Sir點左去陸運會參加果個乜春4x100，家陣要練返Ｄ體能姐....」
「哎！係WO！黎緊我都參加你學校陸運會個邀請賽！你無份同我鬥先？」
「Er......唔知啵....」呢個時候，我心諗「唔撚係呀？佢會黎？我輸左仲得了既！？」
「睇你個死款就知無份架啦！不如一路跑一路傾啦！」
「好呀！」女神邀請到既，Dixon都無面比！
「哎...做乜呀？唔好呀！」跟手拉住Dixon隻手，順勢拉返佢過黎
「你咪撚理，跟我跑！！！」
「Er...好既...」Dixon好似比我嚇疾左[sosad]
「哈哈哈，真係架？佢真係踩爛左個尿兜？」Wandy笑果陣真係好甜....
「堅架！條友傻既！發神經踩爛左，第二日我地校長無啦啦Call哂成校落黎操場訓話，叫我地篤返佢出黎！」
「哈哈！咁你有無篤灰！？」
「梗係無啦！老死黎架嘛，雖然佢係戇鳩左小小既.....」
我地有講有笑地跑，身邊既旁人見到我同女神一齊跑，雙眼露出新奇事葡萄.....
而Dixon好似愈跑愈有勁，好鬼快....
當我地跑到去ＯＫ便利店果陣，我都唔知自己跑左去邊
「去買野飲先！卓珊你要唔要呀？」Wandy
「唔洗啦！我有帶水！」
「傑仔你等等呀....哎！你個Friend呢？」
「哎？係wo！？」跑跑下走失又唔記得左Dixon[yipes] ，早知帶返條狗鏈比佢:o)
「唔洗理佢啦，你去買野飲啦！」
場面得返我同Wandy個Friend.....因為三唔識七，好尷尬，
「你...係咪叫傑仔？」條女竟然主動撩我講野[yipes]
「呀....係呀係呀:D ，你呢？點稱呼呀？」
「叫我卓瑩得啦....係呢，你同Wandy好熟架？點識架？」呢條女相當八掛！
「Er.....唔知算唔算熟.....不過係生日果時識既:D 」
「生日果時識？你都係9月4號架？」大佬你問夠未[sosad] ？
「係呀係呀:D 」妙問妙答[slick]
「睇你一身唔似跑開步wo，你踢波架？」
「係呀！我以前踢波既，不過停左成兩年無運動啦，而家開始練返」
「哦...偷偷話你知呀...Wandy鍾意人打籃球多d架...」卓珊雙腳撐高係我耳邊講，當然我無配合烏低身[sosad]
「哎...係咩！？等陣先，做乜咁同我講[sosad] ？」
「一睇你就知想追Wandy啦！提下你炸傻佬！」心諗「嘩！多撚謝ｗｏ」
「哈哈，多謝你先，追到請飲唔洗比人情！」
「追到先啦你，嘿嘿」
「哼！我實追到，打過電話搵返隻跑狗先！」
雖然，呢條女唔知有乜陰謀，但都比左個提示我，我要打籃球！！！！！！！！！！
我拎起部電話，搵左好耐終於搵到Dixon個聯絡人
「Do...DO...DO...喂？去左邊呀喂？」
「唔好問住！你識唔識打波？」
「識...點解唔識！校隊添啦！」
「岩哂，聽日開始教我打波！！！！」