《男人只係想做妳身邊的一隻小丑》: 第十六章
週五晚上，子牽放工之後沒有立即回家。
唔洗陪女朋友，今晚去Relax下先！子牽心想。
子牽帶著疲倦的軀殼和興奮的心情，前往一個兩年都沒有再去過的地方。
那是一間酒吧。
兩年前的情人節，子牽在這間酒吧巧遇阿衛和他的朋友。經過那一晚，子牽確認一直與銀銀糾纏的那人是個糟透的男人。
這間酒吧，環境沒有太大改變，但此刻子牽的心情已經跟當時截然不同。子牽回想起他和銀銀的這段愛情故事，自己就像阿拉伯王子及時在沙漠中拯救了一個迷失沙洲、飢寒交逼的女子。
假若當時王子沒有出現，這個女子最後又會怎樣呢？
子牽感歎，這位曾經失落沙洲的女子，最後竟成為了自己的女人，感覺很奇妙。
還差一步，銀銀就可以真真正正成為阿拉伯公主。
還差一步…
一步…
究竟能否順利踏出這一步呢？
******
子牽在酒吧場內搜索，終於找到他。
「喂，唔等我。」子牽拍一拍熊貓的肩膀，
此刻的熊貓伏在桌上，臉上露出一副鬱鬱不得志的表情。
「你咪當桶啤酒好似女咁攬住先得架！」子牽說，從酒桶拿出一枝啤酒。
「嗯…」熊貓依然一動也不動。
子牽看過銀銀傳來的短訊，大概知道到熊貓受了甚麼刺激。
從熊貓憔悴的樣子看得出，這一刻他百般滋味在心頭，但兩個男人要談感情煩惱，實在不知道從何說起。
無理由而家講Ｉ know that feel bro 架？搞gag咩？ 子牽心想。
「唔係咁快lum下嘛…？我預我地今晚有排坐架喎！提起精神飲杯先啦！」子牽說。
熊貓敷衍地舉起酒瓶跟子牽碰杯，又頹然伏下。
唔係要我望住隻垂死既熊貓坐成晚下嘛？漁護署電話幾號？子牽心想。
大概二十分鐘，重節拍的流行音樂跟二人靜默的氣氛形成一個對比。不過對於男人們，寂靜無語並非等於冷漠，反而一切盡在不言中。
去左去右 將身體融入呢個節奏
無人會怕醜喺飲醉之後
如果覺得熱即管解開鈕扣
當DJ播放喜愛夜蒲的主題曲—"Wonderland" 時，場內所有人隨即起哄，氣氛被推到高潮 。
這個節奏似乎也刺激到熊貓的神經，他終於吐出一句：「乜x野歌黎架？」
「em...首歌幾抵死丫。」子牽一邊說身體一邊隨著節奏搖擺，「WOW！d beat勁到完全諗唔到野，剩係諗到連詩雅o係面前跳舞！」
「連詩雅…我超！」
「有d上火喎兄弟…」
「先唔好講條女，呢d歌歌詞完全無內容…『手心又濕個心又急…你跳舞跳到身濕』…我都唔知佢up緊乜…」
「你講野抑晒韻wor，又未醉得晒。」子牽笑說。
「邊個話我醉？痴x線！」
「係既！有邊個醉左會認自己醉丫？」
你我繼續繼續跳舞
兩個身軀感應得到
你看我而我亦有數
開心 應該趁早
共你墮進夜與霧
播完"Wonderland"，酒吧內掌聲如雷。
過一會兒，舞池上的男男女女慢慢散去。
射燈照到台上，一個二十出頭的女仔揹著一支木結他慢慢地走上台，她對著咪高風說：「大家好，我今日想同大家分享一首歌，係Keira Knightley既 "Lost Stars"，希望所有失落既星星都可以搵到屬於佢既太陽，可以再一次發光發亮。」
熊貓拍一拍子牽，指一指台上的女仔，說：「拿，識聽一定聽呢d。」
https://www.youtube.com/watch?v=dAjJm8foMEg
Please don't see just a girl caught up in dreams and fantasies
請別只把我看作 沉迷於夢境和虛幻的男孩
Please see me reaching out for someone I can't see
請你把我當作 向看不見的朋友 伸出我友誼的雙手的人
Take my hand let's see where we wake up tomorrow
牽起我 一起見識 明日甦醒之地
Best laid plans sometimes are just a one night stand
有時候 最好的計畫 就是春宵一晚吧
I'd be damned Cupid's demanding back his arrow
邱比特你真該死! 為何收回了愛之箭呢?
So let's get drunk on our tears and
所以 讓淚水隨著醉意去吧 而且
God, tell us the reason youth is wasted on the young
神啊 告訴我 為什麼年輕人總是虛度光陰呢?
It's hunting season and the lambs are on the run
現在 是狩獵旺季 小羊四處竄逃
Searching for meaning
而我 在尋求自己的意義
But are we all lost stars, trying to light up the dark?
我們是 祈望點亮黑暗 流離失所的繁星嗎?
**********
「多謝。」女仔向台下觀眾鞠躬，台下傳來一陣零碎的掌聲，跟剛才DJ播"Wonderland" 的觀眾反應完全不一樣。
「唉…好野無人識欣賞…」熊貓歎一口氣。
當場內的掌聲散去，熊貓突然大叫一聲：「好！！！」
他這樣一叫，十足一個看中了小妹妹的咸濕伯父，隨即惹來旁人側目。
我明…好明顯，柔柔就係歌入面果隻小羊，而熊貓就係果粒失落既星星。但係…頂…我呢一刻真係好想扮搭枱。子牽心想。
不過…如果而家彈開既話正契弟。
「近期有咩大作呀？師兄。」子牽問，
量久，熊貓哼起了一句歌：「投降吧我沒有辦法…無能力讓你歡顏… 如為你我就退下去 別再拖好嗎…明日我一個去面對風吹雨打…縱使枯萎也不牽掛…」
「嗯…幾得呀首歌！」子牽對於填詞技巧，例如字數、平仄、押韻的講究一竅不通，但從這幾句，子牽聽得出填詞人內心的糾結。
「又係諗住柔柔既時候寫既？」
「好明顯丫可？」
子牽點頭。
「無奈既係佢連一句都未聽過…」
「乜你想佢聽到咩？我以為係你叫銀銀幫你守秘密。」
「佢如果聽過首歌，可能唔會跟阿俊走…」
終於講重點啦你…子牽心想。
「嗯…」子牽知道這一刻不需說太多，只需要熊貓讓發洩一下。
「頂…我扮乜x野偉大？退出真係會令佢幸福咩？
家下佢連餡都有埋啦…一個女人仔點算呀？」熊貓說。
「阿俊有無諗住同柔柔結婚？」子牽多口一問，怎料這一問卻令熊貓萬箭穿心。
「大學岩岩畢業，d debt仲有排未還清，打工唔夠三年就去working holiday，條9公有鬼錢結婚咩？」熊貓激動地說，
世上最遠既距離，應該係佢o係我個心入面，但係第個男人既bb o係佢個肚入面。
「點解我會放佢走…」熊貓聲線顫抖，靜靜地流下一滴男兒淚。
有人話，男人流淚比流血更痛，熊貓流呢滴淚應該比切J更痛。
「唔好怪自己啦兄弟，當初我同銀銀都有份支持佢去working holiday…大家都無諗過會係咁…
唉，呢兩姊妹，都唔知係咪天生咁蠢架呢？」子牽說。
「銀銀唔同，佢都仲識揀個好人。」
「可能，銀銀最後都會揀錯呢…邊個知呀？」子牽似乎有所暗示。
「你又咁灰？」熊貓好奇問。
「係呢，銀銀上個禮拜日有無打過電話比你？」
「無喎，我都無心機聽佢電話，佢whatsapp問我野我剩係覆佢兩個字。」
「果然係咁。」
「做乜野？」
「我知銀銀同佢前男友仲有聯絡，而且個感覺唔似普通傾計咁簡單。」
「即係點？」
「佢前男友好似想追番佢。有一次銀銀收到電話，個反應同我追緊佢果時佢無端端收到前男友電話一樣。」
「真唔真呀？」
「我肯肯定，如果連呢d野都留意唔到，我真係枉為佢男朋友。」子牽說。
「咁你問下佢嘛，唔好估估下。」
「問左啦，然後佢講左大話，話係打比你。」
「噢…」
「你話，我應唔應該放手？」
「下…銀銀都算係我半個阿妹，佢咁幸運識到你，我緊係唔會叫你放手啦…除非係…你自己想放棄啦。」
「講真丫，當佢開始同我講大話既時候，我真係唔太知道應該點同佢走落去。
特別係呢幾日，我地好似一個係太陽、一個係月亮，我地唔再一齊住，我同佢好似分開左兩個世界。」
其實男人都有感性的一面，都有需要安全感，只不過為了保持大男人的氣概，平日他們不會把這些話掛在嘴邊 。
「佢唔o係我身邊，我直情會諗佢會唔會走左去搵阿衛…」子牽逐說。
「唔會既…」熊貓想為銀銀辯護，但這幾天返工時見到銀銀經常機不離手，他又聽kiki講，銀銀收工時又急著離開。
「阿衛離開銀銀咁多年，依然咁能夠影響銀銀，可能佢先係銀銀既真命天子。而銀銀對我既唔係感情，只係感恩。如果阿衛能令佢開心既話，我會祝福佢地。」
「你同我都係男人，你都知道，男人有d嗜好唔係話改就改架。我唔覺得佢會令銀銀開心囉！有邊次，銀銀見完佢之後唔係喊住收場？
但我就好記得，銀銀識左你之後，佢個人開心左好多。
請假，留多d時間陪下銀銀囉…」
「唔得！番少d工就搵少d…咁我有排先娶到銀銀架啦！你知佢由細到大幾恨嫁架啦…」
「你睇下你！依頭講完想放手，果頭仲諗緊同佢結婚！問心丫！阿拉伯王子，你捨得放手咩？」
子牽頓然時無言以對。
女人容易被男人哄騙，因為女人為了愛的人可以不惜一切。愛上了一個壞人，無論身邊的人怎樣勸她、警告她，女人都會爭辨是其他人誤會了那男人。就算男人真的有所虧欠，女人信男人是逼於無奈，信他有日知錯能改，自己亦有天守得雲開見月明。
一切只因愛是女人的所有。當女人成為世上唯一明白他的人，那才夠獨特；當女人排除萬難仍然堅持，那才夠壯烈！
說到底，愛上一個壞人，是一場噁心的自我陶醉。
女人心甘命抵地犧牲，男人當然樂意跟隨她編寫的劇本，好好去演這個長不大的角色，還要一邊賭你有沒有能耐演到最後。
女人靠著男人偶爾施舍的半點愛不斷堅持，彷如沙漠中筋疲力竭的旅行者，以為自己看見前方有一片湖水，但事實上，那片湖水只屬海市蜃樓。
她困在死胡同，以為出口就在前方，卻一直看不穿「此路不通」；又或者，她一早就知道前面是懸崖 ，只是回頭需要更大勇氣。
女人永遠看不透男人的心。
能識破男人的把戲，只有同性生物。
「唔捨得。其實我一直好想可以o係迪士尼度同佢求婚同結婚架。」子牽說。
「唔好放去一段應該屬於自己既幸福。」熊貓用堅定的眼神看著子牽，「況且，你根本唔知果個阿衛真係有決心比幸福銀銀，定係隨口up。信我，有d野你放左手，真係會後悔一世，可能後悔既唔只係你，仲有佢。」
「但係…」
「放心，有機會，我一定會幫手對付阿衛。」
「好！好兄弟。」
「無論幾艱難，為左愛既人，都唔好咁易放棄。」
男孩是越怕做 越要做 未卻步 未怕受罪亦未懼趺倒
別怨總會冷落你 但這一切是為你去做
男孩若論態度 是冷傲 樂與怒 負了重任默默待你好
為愛心血也盡耗 但你怎會看不到
https://youtu.be/yC8WKijvB4M