《男人只係想做妳身邊的一隻小丑》: 第九章
柔柔因為唔舒服要offline，熊貓哥哥又唔理我，我又開始眼訓啦…點算呢？
要快d搵人同我傾計！！！
為了在這漫長的第待中和睡魔對抗，我再次在whatsapp 中搜尋可以聊天的人。之前提及過，在我個朋友名單入面有兩個永遠ready傾計的人，其中一個人叫—熊貓，而另一個人，其實就是我的前男友—阿衛。
有人講過，如果分手之後刻意斷絕來往，係代表你未放得低。
反而，掌心有根刺但你再無覺得刺痛，代表你同佢既舊情已如煙。
唔知呢句說話係咪真架呢？
我和子牽剛剛一起的時候，我再沒有找過阿衛，而阿衛亦有一段很長很長的時間沒有再找我，可能他想給我空間，又或者其實他對我很生氣。我猜似乎後者的機會比較大，因為在那陣子，他在facebook不斷貼上這些歌：「背叛」、「我愛的人」、「你瞞我瞞」、「你當我什麼」。他的怨氣已經透過網絡完全傳播。
見到他的狀態如此，我沒有一絲內疚，反而有點心涼，因為他在難過，而我覺得他難過歸根究底是因為他曾經愛過我。我無沒控制我們的愛情最後能開花結果，但求我倆真的相愛過，而且有愛一個上一課，已經無憾。要是沒有離別的痛，又怎會讓我們學懂去珍惜眼前人？
時光過了一年，他的名字再次在我手機螢幕上浮現。
*********
半年前…
我望著來電者的名字，懷勉了一下。以往阿衛經常在我腦海裡出現，每一次手機鈴聲響起，我都好希望在螢幕上看的是他的名字，可惜經常事與願為。我發現，過去他的感覺纏繞不放，但至從子牽出現之後，我已然慢慢把對阿衛的依戀放低，原來我很久沒有再記起他。
「你最近好嗎？」電話傳來阿衛的聲音，他說話時感覺好像比以前沉實了。
「幾好呀。」我說。
「我睇你FB知道…你有男朋友啦喎。」
「係呀。」
其實都已經一年前既事啦…你既開場白都有dd牽強…我心想。
「同男朋友發展成點？」
「都幾好呀，我同子牽好夾，同佢一齊好開心。」
他停頓了一下，逐說：「我而家咁搵你唔會阻住你地拍拖丫嘛？」
「唔會…佢仲返緊工。」
「咁夜？」
「係架，佢好夜先放工，我等到佢返黎已經係第二日。」
「咁你咁等佢唔會好悶咩？」
和他聊到這一刻，我突然有點感慨，雙眼有點發熱。因為以前拍拖的時候，聊電話時通常只有我找他，問他「o係邊？」、「做緊乜？」、「幾時返屋企」，然後佢答我「MK」、「飲o野」、「盡快」，我們的對話就結束。阿衛並不會主動關心我，還要連續問我三條問題簡直是皇帝恩賜。
看來我已經慢慢感受到離開他有多好。
「等既時間都會悶既，不過無理由唔等佢番黎既。」
「有個會等自己既女人真係幸福。」
看來他也終於察覺到，離開了他的我有多好。
「緊係啦！子牽真係幾幸福架！」
「哈哈…」
「係呢，幾時到你搵到你既女人呀 」
其實我很想知道，怎樣的女人能令一個超級愛自由的人考慮安定下來。
「唔知呢…」
「不過睇怕都難d架啦，你應該中意自由自在既生活多d！」
「又唔係喎...其實我好耐無去旅行啦。」
「係？」
「一隻雀仔飛太耐，都會想搵個位置棲息既。我想去既地方已經去晒，而家既我只係想留o係香港。」
咁又係，都過左一年，我估呢一年，佢都已經征復左世界好多地方(或者好多個女仔)，都應該夠啦。
「咁你留o係香港有咩搞呀？」
我只是隨心一問。
「你咪我既目標囉！」
「下？」
點知比佢嚇一跳！
「你唔好誤會，我既意思係，我想好似你咁，搵份穩定既工作，搵個穩定既女朋友。」
「哦…要加油呀！」
嚇得我…講笑咪搵呢d黎講丫嘛…我心想。
「多謝。係呢，如果你平日覺得悶，可以隨時搵我傾計呀！」阿衛說。
「哦…好呀，thanks！」
「咁遲d再同你傾過啦！」
「好呀~拜拜~」
掛線之後，我臉上不禁露出了一個微笑，我在想：我覺得…而家同阿衛好似知己朋友咁相處，咪幾好。我仲記得，想當年，我每次搵佢，佢一定會對我好冷漠對番我，我做幾多野，都未必會換到佢既回覆。但而家咁對等既角色，起碼你會多謝我，我又會唔該番你，客客氣氣，互相尊重，都幾舒服丫，可能普通朋友既身份更適合我地呢，好在我決定離開你ja!
就由這趟電話開始，我和阿衛便破了冰，再次成為朋友。每次當可頌沒空回應我，我都會找阿衛聊天。始終我和阿衛以前是因為情投意合才會走在一起，所以現在用朋友身份聊天，過程也談得很投契，而且我和他經歷過兩年相處，他一定比其他人了解我，所以我很放心把心事告訴他，讓他安慰我。
有人會問，同前度男友應唔應該做好朋友？呢一刻我會答，始終前度曾經同自己好親密，如果要同佢斷絕來往，就好似將自己成長記憶既一部份強制刪除，好似身體無左一忽肉咁好奇怪。既然而家同佢相處得咁舒服，不如繼續？
我相信我會同阿衛做到好朋友，甚至紅顏知己。仲有，如果將來佢搵到女朋友，我一定會衷心祝福佢地長長久久，永遠快樂。
感恩，分手讓我更成熟。