《我可以做你的樹洞嗎?》: 18.好好休息

此時此刻既嘉渝，彈指可破既臉蛋白裡透紅，而我居然此刻先發現佢既瞳孔係藍色，定係戴左con? 嘉渝楚楚可憐咁用鴨子坐姿坐在地上，憂傷既眼神如泣如訴。

此時此境，令我不禁吞下一口口水。

「你係咪好想知道我既秘密？」嘉渝憂傷既眼神，突然轉變得有啲挑逗。

「想知就烘埋黎。」嘉渝用指尖挑逗著我既下巴，再用氣音講：「我細細聲講你知。」

我一方面知道要控制自己，另一方面卻不能自拔咁烘埋去。





愈來愈近。

愈來愈近。

我吞了一口口水，望向嘉渝果對四十二寸既美腿，同曉凝相比有過之而無不及。

係，我仲有曉凝。

我用力打左自己一巴掌，希望可以清醒返啲。





「唔可以咁做......」

但雙眼似乎擋唔住引誘，我望左落嘉渝美好既身材上。

「呼呼呼......」嘉渝雙眼合埋，似乎訓著左。

訓著左既嘉渝，有另一番韻味。就好似訓緊覺既貓一樣，可愛得黎又有令人想憐惜既感覺。

「唔可以咁做......」





我又用力打左自己一巴掌，大概變成五分清醒。

「喂！返屋企先訓啦！」我搖一搖頭，嘗試扶起嘉渝，卻發現佢訓到唔應人。

於是我咩起佢。

一路走，我就一路問佢呢家住邊。印象中佢臨走前講過佢搬左，但冇講搬左去邊。

可惜既係，嘉渝全程都訓著左。

唯有將佢帶返去我屋企。

因為阿媽去左同朋友旅行，所以屋企只係剩得我一個，同埋嘉渝。

「睇黎今晚我要訓梳化。」我自言自語。





我將嘉渝放到床上，再幫佢擒好被。

「好好訓一覺啦。」我摸一摸嘉渝個頭，希望佢一覺訓醒之後就冇事。

點知，嘉渝扯住我隻手唔俾我走。