開花結果: 第十四章 （Kelly - Lunch)
第十四章 (Kelly - Lunch)
處理了一些較急的工作，已經差不多十一點了，小唯應該已經上班。
我 sms 給她。個時 06/07 年，未有 iPhone 同 what's app. Iphone 好似 07 年先出。
?：(有冇食左早餐先返工？）
沒有回應。
?：（哥特登早 D 起身落去買比你食架。）
沒有回應。
?：（小唯乖啦，哥應承你，就算拍左拖都一樣咁錫你架。）
沒有回應。
?：（哥得你一個妹妹，點會唔錫你？）
沒有回應。
?：（你成日都問哥點解咁耐都唔再拍拖，而家識左女朋友，你又唔開心。）
依然沒有回應，睇黎佢仲嬲緊。
我開始 SMS Kelly 。
?：(Good morning honey.)
?：早晨
?：（返左工未？）
?：返左啦，不過咁早未有客。
?：（咁咪仲好，可以抖下。小唯返左未？）
?：返左，不過今日佢心情好似麻麻。
?：（我尋晚同佢講左我地既野。）
?：......
?：（我話比佢知我地一齊左者，冇同佢講我地咩左。）
?：佢有咩反應 ？
?：（個傻妹驚我以後淨係理你唔理佢。）
?：唔怪得知佢今日唔多彩我。
?：（你幫我氹下佢。）
?：佢識呷醋我夠識 .
?：（。。。個傻妹一向都好黐我，而家分左個阿哥比人，緊係會唔開心啦，你唔好咁啦好唔好？）
?：...
?：（有冇聽過愛屋及烏？你都唔想第時個姑仔唔彩你架？）
?：邊個話嫁比你 :p
?：（我地尋日咁親密，你唔嫁我嫁邊個？)
?：你又咸濕，唔彩你。 > <
?：（你一陣 Lunch 食幾點？我過黎陪你食？）
?：你行得開？今日小唯食兩點，我食三點。
?：（我有個客係你個邊，我約早少少見完，就同你食飯，3:05 Timesquare 下面 food court 等。）
?： ok ：D
我先打比個客，約了兩點鐘上他公司。然後就用 Lunch 的時間趕完手上的文件，差不多 1:30，連忙拿起公事包及一些貨辦就出發過海。
未夠兩點就已到達客人公司了，我個客亦早已回來。於是乎我急口般將文件及貨辦講解，將會議極速完成.
落到樓下，經過一間 M 字頭的名店，記得之前同小唯經過，佢睇中左個黃色手袋。
本來諗住下個月生日就送比佢，反正經過，不如提早送比佢氹下佢啦。
走進店內，就跟店員說我想睇下個黃色手袋。靚女店員就拎左比我，一臉笑容的站在一旁。
打開入面睇下個價錢牌，嘩，成萬三。心諗洗唔洗咁貴，我買個 Gregory 都係千四之嘛，仲袋得多野過佢。
不過小唯鍾意冇法啦。
「小姐唔該比個新既我丫。」
「麻煩你等一等，我去拎個新既比你。」女店員態度好好咁微笑著說。
她走開之後，我就醒起而家已經有女朋友，如果淨係買比小唯， 咪輪到 Kelly 呷醋？
此時女店員已經拿著新的包包回來，我就跟她說：「小姐唔好意思，我想要多個一模一樣，藍色既。」
她好奇的望住我，臉上透出了一絲鄙視。
我諗佢一定以為我買比小三，於是我笑道：「一個送比我女朋友，另一個送比我妹妹。」
她晃然大悟的笑笑：「你妹妹真係幸福，有個哥哥咁錫佢。」臉上又堆滿了笑容的轉身入倉。
我四處望望，見到一個黃色的長銀包，小唯應該會鍾意。反正都出血，不如個袋當 Kelly 送比小唯，個銀包當我送。小唯一次過收到兩份禮物，應該會開心返。
最後我叫店員分開三袋，埋單總數3萬2。睇黎呢兩個月都要捱杯麵了。
手機 收到 SMS。
?：到左未？
?：Sorry, 等多我 5 分鐘，好快到。
?：ok, 我係王將拉麵攞左位。
?：好快。
我拿著兩大一細，三個紙袋加埋自己個公事包，跑住咁走去 Timesquare.
去到見到 Kelly 坐著四處張望。灰黑色的套裝，黑色絲襪加高跟鞋，佢上班時候既制服比平時既打扮更加女性化。唔得，我要佢多 D 著裙著絲襪先得。
「唔好意思，等左好耐？拉麵餃子？我出去買。」我將手上的東西放在椅上， Kelly 看看幾個紙袋，疑惑的望望我。
我怕佢唔夠時間食飯，於是急急我走去買野食，返黎再同佢講。
「點解咁多野既？」她好奇地問。
我從袋中取出藍色的手袋給好：「送比你架。」
「嘩，好靚呀，你點知我鍾意架？不過好貴架喎。」她興奮地說。
你地女仔個個鍾意埋既野都你一樣架啦，唔洗實用，最緊要係個牌子。
我當然冇講出口：「鍾意就好，證明我同你既 taste 一樣。」
「點解無啦啦送咁貴既野比我？係咪因為我尋日同你咩完...你想補償....？」她懷疑地問。
「傻妹，送野比女朋友要理由架咩？關我地攪野咩事，如果我地個個禮拜攪，咁我咪買袋都買到破產？唔好亂諗。」
她臉紅紅的說：「邊個同你個個禮拜攪！」
我指一指另一個黃色手袋：「小唯下個月生日，不如呢個袋當你送比佢？當收買你未來姑仔。」
Kelly ：「你一次過買兩個咪好貴？小唯生日你買比佢就得啦，唔洗買比我啦，咁嘥錢。」
「唔得，一陣你話我偏心嬲我點算！」我當講笑咁講，但其實我係真心驚的。
「我邊有咁小氣。」
「同你講笑者，不如你一陣放工送比小唯？話你買左覺得好靚，所以買多一個比佢做生日禮物。記得當你送，唔好話係我送。」