深缺: 深缺-Part12

星期三， 一個又熱又濕嘅下雨天。

由於公司位於銅鑼灣嘅關係， 一到返工時間， 要係狹窄的街道閃避步履衝衝嘅行人; 互不相讓嘅汽車。。。

仲要拎住把遮！ 心情不其然煩躁起黎。

一輪衝鋒陷陣之後， 終於返到公司。

係茶水間遇到Mimi, 寒暄幾句。





"喂， 星期五中環有個Cocktail Party, 你去唔去？" Mimi 問我道。

"我唔得吖， 要同安仔John少上攝影班" 我回應說。

"噢， 咁好啦， 下次先~ 係呢， 你地個班上成點？"

就係我準備開口答Mimi嘅時候， April姐走左入黎。

"有無搞錯吖， 想做死人咩。" April貌似發緊脾氣， 實質就係特登講說話比我同Mimi聽---等我地開口問佢， 而April就可以借機會發洩一下。。。





"點吖， April 姐， 好忙咩？" 醒目嘅Mimi已經搶先係我之前問April。

"緊忙啦， 佳儀已經第三日無返工， 老細叫我做住佢D野先。 咁我自己嘅野點算， 我大把野做架ma！" April 姐連珠爆發來渲洩佢嘅不滿。

"佢又唔見影吖" Mimi 好似仲想火上再加油。

知道內情嘅我當然唔方便將佳儀嘅私隱講出黎， 最終用一句" 可能人地屋企有事呢， 唔好埋人咁多, 返埋位做野啦。" 黎完成左我地今次呢段對話。

"佳儀， 你要好好保重同照顧自己， 有乜需要就同我講。" 我發左一個whatsapp 比佢， 希望佢從新振作同唔好走去鑽牛角尖。





同時， 我見到佢最後上線時間係兩日前凌晨三點四十分。。。