深缺: 深缺-Part4

同亞Cat 講完個電話之後, 我就行返去安仔個位度繼續努力。到左十點鬆D, 終於將個PowerPoint搞掂。 

"不如去食D野？"安仔提議去公司附近打邊爐。 

"我無所謂，有野落肚就得"我都無乜異議。 "我都無所謂，不過最好email左個PowerPoint 比佳儀先，copy 埋老細。吖！Print 理個hardcopy, 擺埋係佳儀枱面，咁就一定無問題啦。"Mimi 好似話中有話咁講。 

我同安仔有D無奈咁對望左一下"哈哈，Mimi 姐，你話點就點啦。快手D搞掂就得la, 我好肚餓呀~" 

所以話呢，女人一般都係小氣嘅。。。 





之後我地一行三人飛的落左西環英記打邊爐。入到去，見到老伙計泉叔，泉叔一見我地就笑騎騎走過黎。"安哥仔，今日幾位吖？"   

安仔係英記個常客，好似由佢join 而家依間公司前已經成日黎。由於我都同安仔都黎過幾次， 同經安仔介紹下，泉叔都叫做認得我，有時晚飯時間都可以唔駛等位~ 

食完晚飯，Sorry, 應該叫做宵夜，因為都差唔多一點半。 

"點撘車吖？"安仔問。   ＂

照舊啦，你的士返天水圍， 中間drop 底 Mimi 係美孚，我自己返鑽石山。＂決定好快就有，我先比佢地上車先，我跟手上左第二架的士。  





上到車，同司機講左要去邊之後，我就打個電話比亞Cat。

 "喂喂，亞Cat?" "yes~"佢好快就聽左電話， 應該係等緊我打去。

 "我啱啱上左的士， 而家回家中＂我道   

＂好野， 你聽日係咪上黎lunch? 我叫媽咪煮埋你飯~" 亞Cat 問我  

"ok, 預我＂我好快就應承左。  





＂好， 咁你係的士休息下， 返到whatsapp話我知， 我訓先啦"  

係亞Cat 收線後，我係的士上閉上眼，踏上歸途。 

漸漸地， 這種重覆著嘅生活模式已經成為我每天的寫照。平淡， 我卻享受非常。 

而係果一刻我又點會諗到， 這種好似湖水一樣淡淡然嘅人生會泛起波濤； 又點會諗到， 上天比我遇上佢....Amy。 



「平淡不一定是最好， 但如果你的生命承受不起沖擊， 那就請你樂於平淡。」