《又一城。生存戰》: 第十八章《內奸》
『肥波。』我說，他絕對是一名值得懷疑的人。
『點解你會覺得佢係？』
『佢好神祕同好。。。奇怪。我唔知佢有些咩背景，但係佢同你所講嘅生化人一樣，好打得，仲要係異常咁犀利。不過佢救咗我幾次，正常呢講佢應該係呢殺人而唔係救人，我直覺話比我說佢唔係，但係證據又指向佢。。。』老實說我並不希望他是指揮官，因為他不但至救了我而且也是跟我出生入死的同伴。此外他的性格爽朗，容易配合，我相信遊戲完了之後我們還可以做好朋友或是好兄弟的。但與此同時我另一方面卻希望他是那名指揮官，因為只要找到他便可以逃出這個鬼地方，跟啊欣正正常常的生活下去。我的內心非常矛盾，即使現在我找到了他我也未必會告訴他關於指揮官的事情，我也盡量叫自己相信他不是內奸。
『可能佢救你係因為。。。』啊哥他陰陰的向著我發笑。
『你都痴撚線，你估呢個世界咁撚多hehe咩，加上佢點睇都唔似囉。』我急忙解釋。
『細路。』啊哥說，『hehe無樣睇嫁。』
『總之佢一定唔係啦！』我堅持道。
『講下笑姐，放鬆下啦。不過。。。』他突然收起了笑臉，嚴肅的跟我說。『佢有可能覺得你係有潛質嘅人，所以特登比D機會你，唔想你咁早死。』
『你又講得岩嘅，問題係我都唔知佢去咗邊，佢好似消失咗咁。』在又一城這麼大的地方找一個人如海底撈針，再者我也不知道他是生是死。不過就算希望有多微我也要去嘗試。為了啊欣。。。
『咁你又唔冼咁灰喎，我哋仲有兩日半時間，唔洗急。我堅信我哋一定可以逃出呢度，而且一個都唔可以少。。。』他看著死去了的同僚說道。
『為咗救我而犧牲咗你哋隊友真係好對唔住。』我也不知道用這麼多性命來換取我的生存是否值得。
『咁你就要好好生存落去，唔好辜負佢哋嘅好意。』我也認為這是報答他們的最佳方法，自己也閉上了眼睛替他們默哀。不過其實死了不是還比活著好嗎？起碼每天也不用擔驚受怕，及早來過解脫也未嘗不是件好事。老實說如果啊欣也死了的話我也不知道能否再生存下去，她是我的生存動力，而且我對她的感覺一天比一天重。我恨不得把她永遠的抱緊在懷?，一起發甜美的夢，過住美好的日子。即使是在FF但腦海中出現的畫面卻真實得像曾發生過的一樣，可能是我FF的技術已到達爐火純青的地步吧。FF耐了人也開始累了，反正現在也不能出去倒不如小睡一會兒吧。我坐下來背著牆，閉上眼睛便快速的入睡了。
同樣的我又再次看到自己了，可惜到現在我還不知道這究竟是幻覺，發夢，還是什麼。我看到的是五年前的自己，樣子還是傻呼呼的，地點是在我很熟悉的家，我和啊哥在收拾行李，看來應該是準備出發到外國旅行。到出門口時卻突然被母親阻止了。
『你地真係要去？』她在問我們。
『係。啊媽，我地無得揀，如果唔去妳會死嫁，我一定唔會要啊媽你受苦！』啊哥他用力的捉緊拳頭説道。
『我大不了咪打多幾份工囉。我辛苦D又有咩所謂啊？我都捱慣啦。』啊媽又說道。
『就係因為妳太操勞先會搞成咁，細個果陣啊爸就早死，妳一個人要養大我地兩個已經唔容易，妳仲要供我地讀好嘅學校，搞到自己一個人打幾份工，最後仲要搞到自己病埋。。。』啊哥他一邊說一邊流下眼淚。
『啊媽依家係時候到我地報恩啦，妳好好休息一下啦。妳諗下當我地贏咗比賽之後我地就夠錢醫好妳個病，然之後我地再一齊去英國玩，妳又話英國係妳最想去嘅國家，到時我地去足一個月，妳話好唔好？』
『好。。。好。但係我真係好擔心你同亮仔。。。』
『放心啦，我會好好照顧自己同細路嫁啦，我一定唔會比佢有事嘅。妳就乖乖地坐係度等我地返呢啦。』
『係囉啊媽，妳唔洗擔心我，我大個啦，識自己照顧自己。』自己在説。
『咁。。。咁好啦。但係你地要應承我一定要返呢，一定要帶我去英國。。。』母親也開始流下眼淚了。
『一言為定！』
『一言為定！』自己跟啊哥一起說道。
『哈哈你地兩個真係合拍，你地一定要贏啊！』母親也終於露出笑臉跟我們説。
『我地一定會贏嫁，妳放心啦，媽。』阿哥在說。『咁我地要走啦，妳好好照顧地自己，我唔準妳再打咁多份工。』
『得啦得啦，你要好好睇著你細路啊，你知佢啦佢成日傻下傻下咁。』
『喂啊！』我自己在表示不滿。
『係啦最醒係你啦，啊健你都要好好保重。啊媽會好好好掛住你哋嫁，加油啊你地。』啊媽她用力的抱緊我們，差點讓我喘不過氣來。此刻我們也抱緊了母親，彼此都不想讓大家離開。
『好啦你地夠鐘走啦，記得要返呢啊。』母親依依不捨的放開了我們。
『我地一定會，咁我走啦，拜拜啊媽。』說罷啊哥和自己便轉身離開了屬於我們的家，向外面的世界走去。
『唔知呢次會唔會係我最後一次見妳呢，媽，妳要保重，好好照顧自己啊。』我隱約聽到啊哥在自言自語，而今次的夢境也再次完結了，但疑問也再次增加了一個。
我瞪開眼發現所有人都在休息，唯獨只有啊哥自己還站在門口替我們把守。
『哥。』
『咦你終於醒啦？由細到大你都係成日訓成十粒鐘先識醒。估唔到五年呢你都仲係咁。』
『我有D野想問你。』
『講啦。』
『五年前。。。我究竟有冇參加過果場生存遊戲？』
『吓？你唔係發燒發到傻咗嘛？你梗係無去啦。』
『真係嘅？唔好呃我喎。』
『呃你有撚用咩？』
那又是，我自己有沒有參加難道我也不記得？我記得我在發高燒，母親在旁照顧我，一定是這樣，不可能有錯。
『講開又講，我走咗之後你有無好好睇住啊媽？』
『梗係有啦，我不知幾錫佢。』
『真係嘅？唔好呃我喎。』
『呃你有撚用咩？』我抄了他的答案。
『你有成兩日無返屋企，實擔心死啊媽。』
『你夠有成五年沒返過去啦，我都未話你啊，又唔交低聯絡方法，我仲以為你已經死咗㖭。究竟呢五年你做過D咩啊？又會變咗個反恐精英嘅？唔通你真係贏咗場生存遊戲？』
『有機會嘅話我再同你講啦。』不知為何一提到生存遊戲這四字他便由輕鬆的樣子變成了一臉灰沉，既然他不想説我也無謂勉強他。見時候亦不早，我伸展著手腳準備回到中央室見啊欣。不知道她發現原來我還未死的樣子會是如何呢，我急不及待的想看看。
『去邊？』啊哥問我。
『搵返過朋友姐。』
『佢對你好重要嫁？你好似成日都想見佢咁，新女朋友啊？』
『你可以咁講啦。』沒錯她對我非常重要。
『佢叫咩名啊？』
『講你都唔知啦。』
『你唔講我又點會知道啊，屌。』
『佢叫啊欣，譚曉欣啊。嗱係咪啊，都話你唔識嫁啦。』
『譚曉欣，譚曉欣，譚曉欣。。。個名。。。好熟。』啊哥嘗試在記起她。
『屌你咪扮野啦，你點會識佢啊。行得未啊？』
『隨時ready。』說罷他喚醒了其餘三名的反恐，一場新的生存遊戲也再次展開。
與此同時在一間黑暗的房間中有兩人在看著螢幕，一人在坐著而另一人則站在他旁邊。
『咩情況？』站著的人問道。
『8號進度唔錯，表現幾好。至於3號佢。。。有少少奇怪。』坐著的人回答。
『咁你同我睇實佢，一有唔妥就即刻話我知。』
『明白。』
那人知道了狀況後便轉身離開，但就在他離開前坐著的人叫停了他。
『原來今日1號同2號都同時係度。』
他一聽到這消息後便露出了牙齒，嘴角向上移，做出一個令人感到心寒的笑臉。。。
時間：06:00 AM，距離遊戲結束尚餘52小時10分鐘。
生存人數：861
成員名單：
肥波（不明）
啊富（不明）
啊怡（死亡）
啊輝（死亡）
周杰倫（不明）
文（死亡）
武（健在）
雙（死亡）
全（死亡）
啊欣（不明）
啊bi（不明）
CT(健在)
啊哥（健在）
啊鋒（不明）
喪屍品種：
感染者
狂暴者
自爆牛