《又一城。生存戰》: 第十七章《希望》

 啊哥怎會出現在我眼前，他怎會是反恐的一員，他何時變得這麼厲害。一下子有大量的疑問走進了我腦海中。話說起來也有很長的時間沒有見他，在約五年前他跟我和母親説要參加一場甚麼的生存遊戲，之後就沒有再回來了。至於詳細內容我亦不記得了，因為剛好在那時我在發高燒，令部分記憶失去了。但怎也想不到他反而變成了個反恐精英，有他的幫助我成功生存的機會又再次上升了。

  『你。。。點解會係度嘅？』我率先發問。

  『我奉命呢救你地同埋阻止班恐怖組織，但係睇呢我哋失敗咗，低估咗佢哋擁有嘅生化武器。不過仲有希望嘅。。。』他說。

  『咩希望啊？』那怕希望有多微我也想知道。

  『情報顯示恐怖組織派咗個指揮官入呢又一城，目的係做到裡應外合嘅效果。只要搵到佢。。。』





  『就可以挾持佢然後迫遊戲主辦單位放我啲走，我講得有冇錯。』我搶答。

  『好醒目，而且個指揮官係佢地辛苦製造出呢嘅實驗品，唔會比佢死。』

  『實驗品？』

  『係。簡單啲呢講佢係一個生化人。佢有狂暴者嘅體格，盔甲牛嘅體質，絕佳的格鬥術同喪屍嘅殘暴。佢。。。無堅不摧，係一個完美嘅戰士。』

  『咁。。。』聽他這樣說要找到並打敗那名指揮官的機會真的很微。





  『咁你又唔洗咁灰喎。有我同啊鋒佢未必係我哋對手。』啊鋒是我的表哥，我們自少就是好兄弟。五年前他也同時間的消失了，至於原因我當然也不記得了。但以我的性格即使病了也會跟著他們，說起來我也感到奇怪。想不到他也是反恐的一員。究竟這五年發生了什麼事我很想知道，但現在並不是適當的時候。

  『不過話時話啊鋒都唔知死咗去邊，佢竟然話要自己一個人打晒成班黑衣人，真係痴撚線。』

  『佢會唔會。。。』黑衣人也不是善男順女，獨闖也未免太少看了他們。

  『肯定唔會。啊鋒可以以一敵百，邊有咁易死。佢依家一定係自己去咗搵個指揮官，條仆街仔成日都唔撚聽人講野。』啊哥他開始動燥了。

  『係呢你又會呢又一城嘅？』啊哥問我。





  『我同女朋友呢。。。』

  『唔洗講啦，明嘅。』他拍拍我的心口表示理解。對了！差點忘記了啊欣。我摸摸褲袋發現電話不見了，應該是剛剛逃走時掉了在地上，我需要找她。

  『喂你想去邊啊？』啊哥卻叫停了我。

  『我。。。我要去搵人。』

  『出面太多喪屍啦，等一陣唔得啊？我唔想啊媽無仔送終，我有負責照顧好你。』典型啊哥會說的東西。但他也有道理的，現在出去實在太危險了，很辛苦才能避過一死，如果現在出去送死會是個低能的決定。

  『亮，你有冇察覺到啲野？』他問我。

  『唔明。』

  『跟我呢。』他示意我跟著他走。





  我們沿著走火通道一直行，發現喪屍都離奇的死去，有的在痛苦的呻吟著。啊哥用手把水裝起然後灑上還未死的喪屍，他們一碰到水立刻嘩嘩大叫。我下意識的把嘴角向上移動，露出了一副奸笑的樣子。抬頭一看發現有大批的喪屍站在門口卻不敢進來，只能用兇狠的眼神看著我們。他們真的怕水嗎？很大可能是。

  『仲有你有冇發覺一到夜晚佢地就好似痴咗線咁，勁抽咗好多。』說來也是，剛剛我們需要三人合力才能推倒一隻喪屍，他們的體質及速度也明顯的加快了，看來一到晚上他們的能量也會大增。這兩項情報對我來說極為重要，以後對付他們也容易得多了。

  『話時話你有冇識啲生還者神神秘秘咁，依家邊個都有可能係果個指揮官。』啊哥問我。我隨即想起的那人相信我也不用多說了，答案呼之欲出。

  『肥波。』

  時間：09:15 PM，距離遊戲結束尚餘60小時55分鐘。

生存人數：992

成員名單：
肥波（不明）




啊富（不明）
啊怡（死亡）
啊輝（死亡）
周杰倫（不明）
文（死亡）
武（健在）
雙（死亡）
全（死亡）
啊欣（不明）
啊bi（不明)
CT(健在)

喪屍品種：
感染者
狂暴者




自爆牛