《又一城。生存戰》: 第十五章《等待》
『既然依家已經有返訊號咁我地就直接係度傾啦，況且我呢度出面都有唔少喪屍，你們地上呢都幾危險吓。』CT説。
『咁我地依家應該點做。』啊bi問。
『CT以你依家嘅能力可以控制到啲咩？』我問
『我幾乎可以控制晒要用電嘅野，簡單呢講你可以話我係呢度嘅。。。神！』
『周杰倫有太多人守住，硬闖基本上無可能，一定要用啲方法引開佢地先得，CT你有咩見意？』我問道。
『hmmm，我可以暫時熄啲燈嘅，咁應該可以分散佢地嘅注意力。』
『熄燈係有用但係唔足以造成混亂，加上有月光嘅幫助視線只會降低七成至八成，而且佢地有槍，就算唔係太清楚亦可以瘋狂掃射，中流彈死嘅機會好大。』我對他說。
『咁即係話一定要令佢地完全失去視野？』啊欣開口問。
『沒錯，或者一啲可以吸引到佢地嘅野，仲要係吸引晒所有人。』我跟她説。
『好吸引嘅野啊。。。』她用心想東西的樣子實在太可愛及漂亮了，不自覺的吸引了我的眼球過去。
『做咩望實我啊？你唔係諗住揾我去做餌吓話？我知我好吸引人但係都唔洗咁做。。。』她顯然的不滿這個建議。
『係啊妳咁靚女，啲男人一見到妳即刻流晒口水啦，到時我地再從後偷襲佢地哋，個計劃簡直係完美，你哋話係咪正先？』我假裝一本正經的跟她說。
『唔制啊！萬一你哋失手咪。。。』
『妳唔係對我哋咁無信心嘛？信我啦。呢個計劃一定掂！』我在嘗試的遊說她。
『咁。。。』她依然不滿這個計劃。
『好囉妳唔信我哋就算啦，我諗過第二個方法啦。』我故意的用激將法。
『得啦，我去啦，好未？』成功了!但我又怎忍心讓她冒這般大的險呢。
『講下笑啫，估唔到妳咁易被人激親㗎喎，哈哈。』
『你。。。』
『我點會比妳冒咁大個險啊，傻女。』
『司馬瑜亮你個衰人！』她大力的打了我肩頭一下。
司馬瑜亮？那是我的全名，但記憶中我只曾跟她説過我的名字叫啊亮，她為什麼知道我的全名？莫非。。。
『你個名都幾型喎啊亮。』CT在說。很明顯今天之前只有啊欣知道我的全名，但我有向她提過嗎？我不記得了，也許有吧，可能只是我一時大意忘記了，而且這也不是當前該想的東西，所以我並沒有過於理會。
『喂返反正題啦。』看來啊bi不屑我跟啊欣在打情罵悄，在他面前這樣做也不太好吧。
『最衰我哋又無嗰啲煙霧彈同催淚彈啦，得反恐啲人先有，唉。。。』CT在嘆氣。
白煙。。。有了！腦袋突然給了我一個大提示。
『你哋覺得麵粉有冇得諗？如果我哋再加少少水就會更加好，一痴著係佢地塊臉到都幾難係知時間內抹甩，同煙霧彈有異曲同工之妙，應該可以完全摭晒護衛嘅視線，失去視野嘅佢地亦唔會夠擔開槍，始終都有打中自己人嘅風險。』我提出了建議。
『絕對同意，但係你地要把握時間，佢地一有返視力你地就要走。』CT道。
『呢點當然，CT你可唔可以幫我睇下邊到有鋪頭大機會會有麵粉拎到？』
『無問題，你等我一陣。』
『你好叻啊。』啊欣用口型對我說。她應該是在避免啊bi再度呷醋吧。
『梗係啦。』我也用口型回答了她。
『啊亮搵到啦，地下有間《奇華餅家》，嗰到應該有唔少。』
『perfect，唔該晒。咁有邊個跟我去？』
『我！』好動的啊欣當然會去。
『啊bi你可唔可以留係中央室？有啲野我想你幫我做。啊亮你同啊欣兩個去有冇問題？』CT說。
『當然無啦。』沒有了啊bi在這裡礙手礙腳更加好，有時我在想CT是否故意給我機會跟啊欣在一起，難道他知道我愛上了啊欣？不過這也是個很明顯的事實，局外人並不難察覺到，CT他還頗‘識做’的。
『咁我地行啦。』我跟啊欣說。
『嗯！』
踏出中央室後看到喪屍還堆在二樓，我們便快腳走到《奇華餅家》去，過程一直都很順利。進入餅家後我們走到廚房裏，食物當然旳全被拿走，但可幸的是麵粉還在這裡，而且數量非常足夠，比我預期中的多。我們隨即拿出筒子把麵粉裝起來，見無聊我也隨便找了些話題。
『其實妳同啊bi同埋CT係咩關係㗎？』順便知道一下情敵的背景也不錯。
『佢哋都係我同學囉，不過我平時好少同CT講野，你知啦佢份人好古怪，同埋好毒。。。不過佢成績好勁㗎，有人話佢並唔係普通人喎。』
『有冇咁誇張啊？』
『超！你咪唔好信囉。』
『信！妳講咩我都信。』
『救命啊，好肉麻啊，死開啦你。』
『咁係咪佢地救咗妳？』
『梗係唔係啦，係我救佢地至啱。我逃走嗰陣經過蘋果店見到佢地兩個，出面有六七隻喪屍到啦，咁我見佢地唔夠打咪幫下佢地曪，之後就加入埋佢地啦。』
『妳一個打七個？係咪真啊？』
『你唔信啊？』
『妳連我都未必打得贏。。。』說完贏的0.1秒後一個拳頭出現在我眼前，距離不足一亳米，出拳的力度也讓我感到有一陣風在我臉上吹過。只能用兩個字來形容：屈機。
『我信啦我信。』
『算你啦，嘿嘿。』
『咁你覺得啊bi同CT點啊？』知己知彼，百戰百勝。
『佢地？咪好朋友兩個囉。我反而覺得啊bi有啲似我細佬，成日要我保護佢同教佢做野，嘿嘿。』
『咁我呢？妳覺得我點？』我很想知道自己在她心目中佔什麼位置，但她卻沒有回答。
『算啦妳當我無講過。』
『你。。。我覺得你好特別，你比到我一種親切感，就好似我一早就識你咁。而且你個樣好面善，好熟口面，但係無理由啊，我無可能識你㗎。不過如果唔係我對你有好感我都唔會係溜冰場救你啦，你估我真係咩人都救咩。』好感。。。究竟代表什麼？是喜歡我嗎？親切感又是什麼？很亂，亂得我也不想去思考。
『終於裝好晒啦，嘿嘿。』差不多所有的麵粉也被我們拿去了。
『咁走囉？』
『嗯！』
我們再次走回中央室，雖然距離晚上還有很多時間，但我實在太需要休息了，頭一秒比一秒的痛，若再不休息的話恐怕我會暈倒。再者對上一次充足的睡眠已經是昨天早上在廁所裏跟肥波一起。肥波。。。你究竟死了去哪，我必定會把你找回來！想著想著我已開始入睡了。
『啊健，小心你六點鐘方向！』我看到自己在大喊。
『鋒，小心前面啊！』我在自言自語。除了自己之外還有兩人在我身旁作戰，而且在我們周圍的是上千的喪屍。我們在一個像競技場的地方，同樣是身穿著軍服，那兩人的樣貌很模湖，但他們卻很好打，每人都能以一敵百應該是軍人之類的，此時我看到自己身後走出了一隻喪屍，
『小心啊！』我提醒自己但自己當然聽不到。
『呯！』自己被喪屍壓倒在地上，喪屍發了瘋的在自己身上狂咬，就在這時自己拿出了手搶對準了自己的太陽穴。
『呯！』我再次被驚醒了，但那槍聲眀顯是真的，我再看看手錶上的時間，6:30分，是物資戰的時間，這也解釋了搶聲的由來。頭繼續是痛得很，我不知道能否再捱下去了。身邊的啊欣及啊bi也在熟睡，我把他們叫醒了因為行動也差不多要開始，把電話撥通了給CT後我説，
『我地會係九點開始，中央室呢度好好彩有繩同鈎，我地一陣會係超市上面遊繩落去，咁佢地好難發現我地。到時我同啊bi會負責打暈佢地，啊欣妳入去拎野食，記得拎啲高能量嘅食物。CT你係九點準時熄燈，OK？』
『無問題。』
時間過到很快，現在已經是8:45分，把麵粉加水後我們便出發了。中央室外面出乎意外的沒有喪屍，可能是被引到去溜冰場吧，我們很快就到了超市的上層。把繩子套緊了扶手欄杆後來我們便挎過它，此刻我們身處在超市上方，只要把繩子一鬆我們便會直接落在超市正門前。因為護衛都站在門入面，所以無可能發現我們。把裝著麵粉的筒子都扣了在腰帶後所有東西已經準備就緒。此刻所需要做的就只有等待。這不禁令我想起一天前的物資戰，希望沒有人會死吧。順帶一提《百老滙》?竟然空無一人，難道反恐被全滅了嗎？我並沒有想太多，我在祈禱求神祝福我們成功。
『呯！』周邊環境變成了全黑.
『Party time！』開始吧！
時間：09:00 PM，距離遊戲結束尚餘61小時10分鐘。
生存人數：1101
成員名單：
肥波（不明）
啊富（不明）
啊怡（死亡）
啊輝（死亡）
周杰倫（健在）
文（死亡）
武（健在）
雙（死亡）
全（死亡）
啊欣（健在）
啊bi(健在)
CT(健在)
喪屍品種：
感染者
狂暴者
自爆牛