《又一城。生存戰》: 第十四章《不明》

『啊亮！』在我眼前的是啊欣。
 
『我應承過妳我會返呢，我又點會咁無口齒呢？』我看到自己在說。我的靈魂像走了出來，我走到自己身前但自己卻不能看見我。而且有一點非常奇怪，那就是自己和啊欣都穿著軍服，而中央室也變成了一個家，究竟怎麼了，我出現幻覺了嗎？但感覺卻很真實。

  『啊亮？你無事呀嘛？』啊欣很擔心的問我。我也從幻覺返回了現實，但頭還是痛得很。

  『無。。。無野，我有啲累姐，坐陣抖下就無事咖啦，唔洗擔心。』真的是太累所以出現幻覺嗎？還是別的原因？我很想知道。

  在我眼前的啊bi在跟從CT所指示的指領拿取密碼，不過見他手忙腳亂似的應該遇到不少麻煩吧。也好，我很需要時間休息，畢竟我後腦的傷也還沒有完全的復原好。我把眼皮合上，很快便入睡了。





  『啊欣走啊！捉實我隻手啊！』我又看到自己和啊欣，我們在逃跑，時間應該是零晨，天很黑，後面有很多拿著槍的人追住我們。突然前方草叢裏出現了一人，他向著我頭部開了一槍，

  『呯！』

  『唔好呀！』我大叫了一聲，也流了不少汗。

  『做咩呀？』啊欣走了過來，我又再次回到現實，頭也更加痛。

  『無。。。發惡夢姐，無野，唔洗擔心我。』我分不清那究竟是夢還是什麼，因為我感覺太真實了，我開始懷疑自己是否瘋了，當然在此刻的又一城患有精神病實屬正常。





  『咁又係嘅，依家真係人人都痴晒線，呢度真係好恐怖。』啊欣道出了我的心聲。

  『係呢點解妳會呢又一城嘅？』我不想有冷埸出現，所以隨便找了些問題問她。

  『其實我係同我爺爺呢睇鞋㗎，因為佢就呢生日啦，所以想買禮物送比佢盡下孝心嘛。不過自從啲喪屍走出呢之後我同佢就失散咗啦，我連佢係生係死我都唔知。。。』

  『咁佢叫咩名啊？我幫下妳啦。』

  『我爺爺叫啊輝啊，六十幾歳到，你有冇見過佢呀？』她很緊張的問我。





  『小姐啊，好多啊伯都係六十幾歳到，你叫我點搵啊？』該不會是那麼湊巧是那個被我殺死輝伯吧。

  『佢呢。。。啊我記得啦！佢呢商場嗰陣係著藍色衫同戴金色眼鏡咖，你有冇見過佢呀？』外表跟衣著完全敏合，看來我真的殺死了她爺爺，今次仆街了。。。

  『點姐？我問你有冇見過啊？』她再次問我。我大可以告訴她她的爺爺已經變成了喪屍，但我卻不想這樣做。有時善意的大話是非常有幫助的，

  『我見過一個類似嘅人，妳放心啦佢仲係人，妳爺爺一定可以吉人天相，成功避過啲喪屍嘅，唔好擔心啦。』當你有希望時那怕那只有很微的機會你也會甘願的嘗試，愛迪生就是個典型的成功例子。

  『咁你會唔會陪我去搵我爺爺啊？』她聽到她爺爺還生存的消息後感到非常開心，果然我的選擇並無做錯。

  『梗係會啦。』

  『真嘅？勾手指尾？』

  『我幾時有講過大話？』我勾實了她的手指。





  『好野，嘿嘿。』

  『話時話你覺唔覺得整呢個遊戲嗰啲人好衰同好變態啊？』她問我。

  『點解咁講？』

  『佢地究竟知唔知自己殺咗幾多人？有好多人都係無辜㗎，要搵人都唔洗殺咁多人呱。』

  『妳講得啱，嗰班人全部都係滿手鮮血嘅人。』我自己又何常不是呢，但為了生存我只可這樣做，現實本來就是殘酷的。

  『終於搞掂晒！』啊bi説，

  『CT話佢會嘗試解封個通訊網路喎，我地而家應該可以打電話比大家，但係信號都係好弱，不過總好過無啊係咪咁講。』啊bi補充。





  『啊bi你好叻啊！』又是女神派軍糧的時候。

  『小意思啦。』啊bi正在沾沾自起的說。

  『哈。』我不禁的冷笑了一聲。

  有了通訊設備及中央系統的控制權，我們的生存機會大大的增加了至少一倍。真的是風水輪流?，周杰倫的死期。。。快到了！

時間：11:30 AM，距離遊戲結束尚餘71小時20分鐘。

生存人數：1872

成員名單：
肥波（不明）
啊富（不明）




啊怡（死亡）
啊輝（死亡）
周杰倫（健在）
文（死亡）
武（健在）
雙（死亡）
全（死亡）
啊欣（健在）
啊bi(健在)
CT(健在)

喪屍品種：
感染者
狂暴者
自爆牛