(真正完結)《時光能夠重新來一遍...》: 第六章三十八，劃上休止符
第六章
「喂手足，聽講今日我地班會黎個轉校生喎。」熱菇喝著維他奶道。
兩星期之前的星期一，就是個讓我開始產生轉變的日子。
「你做乜學肥榮咁嗌我做手足啊...」我無奈的看著他道。
這天的早上，我跟熱菇在課室裡邊吃著早餐邊聊天，等待一會八時半左右正式上課。
這天與別不同的，是同班同學們都議論紛紛的關注同一個話題...就是"轉校生"。
「龍德榮個死肥仔話不如以後我地三兄弟都用"手足"黎稱呼對方，親切感喎。」熱菇低頭一直凝視手機螢幕。
呃...這樣子也太Gay了吧...
「係啦，你頭先話，今日會有轉校生入我地班？」我對這個話題充滿興趣。
「Yes！聽講係個有錢既少爺仔黎喎。」熱菇繼續把玩著手機。
「你知佢係咩人？」我再追問。
「聽人講架渣，好似重話佢係本來間學校係出名花花公子黎，而且佢雙親都係有權有勢既集團董事黎。」話畢熱菇終於抬起頭，看一下我「搞咩啊你，咁有興趣咁既？」
有錢人嗎？為何要轉到我們這所平庸的中學...
「呃冇...冇事...只係我依家先知有轉校生姐。」我搔搔頭道。
總有種，不安的感覺呢。
「阿曉！兩日冇見啦！」突然，芷欣出現在我眼前，非常興奮的道。
「咦芷欣？你幾時翻左黎班房架？頭先都唔見你既。」我笑道。
「頭先比老師叫左去教員室，話要幫個轉校生準備下喎。」身為班長的芷欣，真的盡忠職守呢。
「原來係咁。」
「喂啊！禮拜六日都唔搵我出街，悶死我囉！」芷欣跑到我面前扭捏我的耳朵「重要咁冷淡！」
「唉，又放閃光彈啦～我翻埋位先啦～」熱菇抵受不住我們的情趣，先行告退。
「轉頭...再講啦！喂好痛啊...」我痛苦的凝視著公主大人。
「叮噹叮噹～」隨著胡鬧之間，上課鐘聲終於響起。
「哼！小息先至再話你。」芷欣停下手腳，不悅的鼓起臉頰回到自己的座位。
得救了...
我重新坐好在座位上等待老師到來，不時別過頭看看芷欣。
淘氣的芷欣注意到我的視線，對我裝鬼臉的吐舌。
不一會，老師終於來到課室，而且身邊還領著一個高瘦的短髮男生步入課室。
「各位同學早晨，今日我地班會多左個新同學，以後大家要好好相處啊。」老師站在黑板前介紹身邊的轉校生。
「我叫陳仲賢，多多指教啦～」這個轉校生的眼神非常冷酷，但語氣卻意外溫柔「咁多位同學。」話畢冷笑了一下。
這個叫陳仲賢的男生，從剛開始步進課室就一直讓我感到有點不簡單。
驟眼來看，他的眼睛裡彷彿收藏了一個不可告人的秘密似的。
「等我睇下先...」黑板前的老師不斷探頭，不久後突然指道「陳仲賢同學，你就坐係陳芷欣同學側邊個位啦。」
「知道啦，靚女Miss Lee。」陳仲賢聽狀不分尊卑，輕佻的回應。
老師的命令宣佈後，全班的焦點頓時落在芷欣身上...
「嗚喔，佢坐係陳芷欣隔離喎...」
「佢又幾靚仔！」
「今鋪張澤曉實出事啦哈哈哈...」
「人地話佢好壞架喎，怕唔怕陳芷欣會...」
課室裡的討論聲音愈來愈大，好比菜市場般吵鬧。
「安靜！既然陳同學安頓好，咁依家開始上堂。」老師走到教師桌拿起課本，開始授課。
我一直默默的看著芷欣的側臉，明顯看到她已經把緊張的情緒掛在臉上。
公主大人，你還真倒霉呢，希望你會忍受不住要求調位吧。
老實說句，此刻我多少都能理解為何芷欣見到我跟其他女生稍為接近就一副呷醋的模樣...
因為現在我也是。
時間一轉，小息。
有些同學離開了班房，有些同學則留在班房休息，而我...理所當然是留下來吧。
那個新來的轉校生由小息鐘聲響起後，就離開了班房。
有見及此，我喝著檸檬茶走到伏在桌子上的芷欣身邊拍拍膊頭「蠢材，辛苦哂你啦，同新同學坐有咩感受啊？」
「唔阿曉...嗚...」芷欣聽到我的聲音，緩緩的抬起頭與我接上視線「好緊張啊...重有佢不停咁撩我講野啊！好恐怖...」她的眼神簡直就在向我求救。
「下啊？不停撩你講野？」看來沒有錯了，那個轉校生真的是花花公子。
「係啊！佢不停問我問題，想知我資料...而且...」話到此時，芷欣臉漸漸紅起來，停住了說話。
「而且咩啊？」我問。
「佢...」芷欣非常難為情的低頭。
「講啦，唔怕喎。」我摸摸她的腦袋，好讓她安心下來。
「佢佢佢！」芷欣吞嚥了一下口水再道「佢問我...我三圍係幾多...」
「咳咳咳呃啊！」聽狀嚇得我差點就把口中的檸檬茶噴出來。
「有冇事啊？！」芷欣見狀擔心的道。
「咳咳咳咳！」那傢伙，根本就是在性騷擾她...
差點讓檸檬茶淹死的我咳嗽了一會之後，終於奪回說話能力「嗄嗄...冇事啦咳！原來條友死淫蟲黎。」
再讓芷欣待在他身邊，老定會出事。
「我唔想再坐佢隔離，我想調位啊！」芷欣以誠懇的眼神看著我。
那麼快就想調位，Nice Shot公主！
「我同你一齊落去搵Miss Lee傾好唔好？」我道。
「嗯嗯！愈快愈好！依家行啦！」芷欣已經急不及待的拉起我手臂，把我拖著走。
「等陣啊，聽我講多樣野先。」我停住了腳步。
「小息就完啦！坐佢隔離多一秒我都唔想啊...行啦！」芷欣激動的道。
「你伸個頭埋黎先。」我直接用手按住她的腦袋到我的嘴巴前再慎重的輕聲道「呢個人，出名係個花花公子，佢係以前間學校惡行多不勝數、總之一句講哂，我唔批准你再比佢埋你身。」
芷欣聽狀擺出一副難以置信的表情，睜大眼睛，雙手掩著小嘴道「真架？點解你唔一早話我知啊...」
「因為未經確認既情報，我怕冤枉錯人、但依家我好肯定佢一定係個壞人。」我再摸摸她的腦袋，之後拖起她的小手，往教員室走去「好啦，我地行啦。」
兩分鐘後，我們來到教員室裡頭。
「坐多日睇下情況點先再講啦好唔好啊陳同學，張同學？」班主任MissLee坐在電腦椅上回頭看著身後的我們。
「下啊！唔好啦MissLee...你都知佢係個點既人啦...」芷欣不願接受老師的拒絕，斷斷續續的再三哀求。
「MissLee，求下你比芷欣調位啦。」我也按耐不住插嘴。
怎料，老師依然無動於衷的搖搖頭「就算比你調位，都冇空位可以比你郁啦？」
芷欣聽狀，漸漸心灰意冷的低下頭，眼神非常絕望。
看到芷欣一副沒精打采可憐的表情，讓我心也不禁酸起來。
於是，我下定決心去嘗試一件事。
「MissLee，我同陳芷欣調位。」我認真的說。
「下啊？」MissLee驚訝道。
芷欣聽到我一番出人意表的說話，不可思議的抬頭凝視著我「阿曉...」
為了芷欣的安全，這是最後手段了，沒法子吧。
「咁啊...」MissLee聽狀考慮了一會，接著再道「咁好啦，你同陳同學調位啦。」
「唔該老師。」我向MissLee低頭鞠躬，然後搭著芷欣的膊頭微笑道「冇問題啦依家，翻去囉。」
「哦嗯...」芷欣的視線從來沒有離開我身上，一直睜大眼睛看著我，與我並肩回去。
「多謝你啊...阿曉...」回到課室的途中，芷欣不好意思的道。
「傻啦，我又唔驚佢搞我既，我最擔心既都係你一個。」我摸摸她的腦袋微笑。
除非，他是個HEHE吧。
「多多指教啦陳仲賢。」鏡頭一轉，小息過後我跟芷欣調位，現在坐在陳仲賢身邊"虛偽"的打招呼。
「陳芷欣做咩坐左去角落頭？我唔想佢走喎。」陳仲賢不悅的問道。
「老師話要我同佢調位，叫我幫下你盡快熟習我地學校嘛。」我說謊的技倆依然那麼完美呢...
「OkayOkay。」他擺出一副不耐煩的樣子道「係老師面前先扮幫我啦，私底下就唔洗架啦。」
「下啊？」這傢伙在說什麼...
「唔明啊？」他嘆氣道「唉，我意思係，你盡可能唔好阻住我溝女啦Okay？小息放Lunch都唔好黎煩我。」
看來是個更加壞的人呢，要繼續慢慢摸清楚他的底細。
「咁隨便你啦。」我別過臉，把視線放在黑板上。
突然，「喂！」陳仲賢拍拍我膊頭。
「乜事？」我繼續頭也不回的看著黑板。
「我黎問下你意見啦，你覺得陳芷欣佢點？」他竊竊的笑。
聽狀，我屏住了呼吸。
這傢伙...果然是想打芷欣主意。
「佢點啊？佢乖女黎，乜都唔識 ! 又唔煙唔酒，唔會落Bar落Club去蒲、一尾死讀書。重有啊...」我希望嘗試把芷欣的形象講得愈差愈好，令這傢伙死心。
「喂喂喂停啊，做乜你好似專登數到佢咁負面咁啊？」陳仲賢果然是個老謀深算的人，很快便看穿我的意圖。
「我講事實姐。」我冷冷的道。
「唔係喎，你依家睇下佢。」他偷偷的手指指著坐在角落的芷欣道「佢塊鵝蛋臉，加埋對大眼已經姣死仔啦～你再望埋佢身材，簡直一流啦！」
姣死仔...？！居然說這種話，人渣！
我聽完他的一番下流的說話，開始按耐不住自己無名憤怒的心情「係啊...？你都幾識睇女喎...」連聲音也開始有點抖震起來。
「拿拿拿～我黎問你，佢呢D女，你估一萬夠唔夠？」陳仲賢繼續狂妄的竊笑。
混蛋你在說什麼...你把芷欣當成什麼啊！
「我...唔知...」我板起口臉，低頭道。
我很盡力的保持著理性，從未遇過一個這麼過份的下流人渣。
「表面就乖乖女，但肯定係內裡Open既女仔黎啦！你話係咪啊？」他的言論愈來愈過份。
「你夠啦陳仲賢...上堂聽書啦好嘛...」我覺得只要他再隨意羞辱芷欣多一句說話，我就忍不住揍他一拳。
「真係掃慶啊！重以為會有個同道中人陪我吹兩嘴添。」話畢他別過臉伏在桌上睡覺。
幸好你閉嘴了。