(真正完結)《時光能夠重新來一遍...》: 四，再遇悲劇
鏡頭一轉，另一邊廂。
「今天傍晚時份，一名17歲男生在蒲崗道橫過馬路時，懷疑被一輛收制不及的私家車撞倒，目前在深切治療部留醫、情況危殆。該名撞到人的司機酒精含量測試超標，擬酒後駕駛導致他人受傷，隨即被警方帶反到警處接受扣查。」新聞報導正在報導這單新聞消息。
「呯爛」一聲，穿著短衫褲的她手中拿著的玻璃水杯掉到地上破碎了。
「糟糟糕，打瀉了...」
「17歲男生...蒲崗道...車禍...」每一隻字，都牙較打震的輕聲說出。
受到這段新聞的驚嚇，她心驚膽跳，很害怕...
「會唔會咁岩係"佢"出左意外...」
現在是凌晨12點，正常這個女生應該在床上熟睡。
不過...她一直看著手機，開啟whatsapp，按入名為「澤曉」的對話框裡。
「Last Seen點解重係show18:34呢個時間...」她不停重覆關閉whatsapp開啟whatsapp這兩個動作。
一會，所顯示的Last Seen依舊是18:34。
「張澤曉...你唔會真係出左事呀嘛...」她輕輕開口。似乎她想去證實張澤曉是否出意外，於是開始連忙無間斷地致電給他。
「嘟 嘟 嘟 嘟 嘟，你所打既電話暫時未能接通...」通話同樣是不能接通。
「搞咩呀你...收左線之後重唔打翻比我、唔係真係撞左車啊...」她擔心得要生要死。
就在此時，
「你的吻 像龍捲風吹過 怎可對抗這吸引~」手機鈴聲響起。
她二話不說接聽了電話「喂喂喂？張澤曉？你個衰人去左邊啊！成晚又唔聽電話又唔覆whatsapp」
電話另外一邊的回應卻是「我唔係佢啊...等陣，聽我講先啦肥婆欣。大件事啦！大件事啦！」應聲回覆的人是陳芷欣的好朋友，譚倩怡。
「呃...Sorry。你又嗌我肥婆欣！講啦咩大件事...」
「張澤曉入左廠啊！」
「咩話...」聽到好友所帶來的消息，她整個人僵硬崩緊了，不懂回應。
「喂喂？Helloooo？人呢？」譚倩怡繼續問道。
「抱...抱歉，繼續講啦...」她聲線開始變得細弱。
「搞咩啊？我重以為你D反應會好大，但點解好似愛理不愛理咁啊？你地係咪發生左D野呢？」她直覺準得叫人害怕。
「嗯...咁...」
「佢而家係伊利沙伯醫院icu入面醫緊，聽講傷勢好重...你去唔去睇下佢啊？」見狀譚倩怡立馬指出重點。
「唔...唔洗了。」她拒絕。
「下啊？！你話咩話？果然你地真係發生左D野」譚倩怡驚訝地道。
「嗯。冇其他事既話收線先，拜拜。」話畢她主動收線離開與友人的對話，因為她，忍不住眼淚了。
她的而且確聽到這個消息後非常害怕和擔心，但、卻猶疑自己。 猶疑自己還憑什麼去再與張澤曉見面。
「我...我...」她哭泣起來......
十分鐘之後，滿臉也是淚水的陳芷欣情緒開始穩定下來。她坐在睡床上，淚水一邊一點一滴的落到手中緊握的手機螢光幕，一邊在用紙巾沫掉眼淚和鼻水。不知不覺，已經「包了許多雲吞」在床舖上。
「曉...」神情非常憂傷。
不過。
她打開手機，用纖細的一雙手在螢幕上打滾。
她按入「通話」的位置，然後再按「死人怡」旁邊的撥號按鈕。
良久，電話接通了。
「喂......」
「哇你冇事呀嘛，把聲做乜咁既」譚倩怡回應了。
「喊完黎...我冇事...」
「真係冇野？我可以即刻過黎陪你喎。」
「唔洗啦，不過我，決定左啦...」
「決定左咩？」
「可唔可以陪我...陪我去醫院...」
「一早估到你啦嘿嘿，你又點會忍心睇住男朋友受苦唔理~好啦咁十分鐘之後落毓華街M記門口等啦。」
「嗯，多謝你阿怡。」
「Hey，兩姐妹唔洗講呢D啦女朋友，一陣見啦。」譚倩怡說一股正能量的話語後便收線了。
收線後，她便走到洗手間洗臉換衣，整理好自己便跟家人交待外出。
陳芷欣走到父親的睡房門外問道。
「爸爸，唔好意思啊我想出一出去。」
她爸爸以睏倦的聲音回應「咁夜你一個女仔重想去邊啊？」
「澤曉佢入左醫院...我想去探佢...」
「咩話？咁大劑！你等等！」話畢他打開了房門，走到客廳拿起無線電話。
「喂，老婆，上次阿欣帶個見過幾次面既男仔呢，佢撞左車入醫院，而家我同阿欣去醫院探佢。你陣間自己放工翻到黎自己搞掂自己啦！」連續的一串句子道出後便趕緊收線。
之後他對著陳芷欣點點頭，便開口「行啦，我渣車載你去啦，咁夜冇乜車搭架啦。」
「不過爸爸...我仲有個朋友佢係樓下等緊我。」
「Okay,你而家落去同佢會合，之後企定定等我架車黎接你地」
話畢，她便開始急步跑去麥當勞門外。
深夜12時45分。
「你阿爸咁耐架，等左成個字啦！搭的士既話一早上左車啦！」譚倩怡等得不耐煩。
此刻陳芷欣和譚倩怡一同站在一條空無一人的街道上。
「咪咁啦...5分鐘姐只係...」陳芷欣回答。
「唉我成世人最討厭既事就係等等等。」她抱怨地說。
「嗯...」
「好凍啊黎未架！」她繼續抱怨。
「點解個白痴咁唔小心...點解出左事仲要同我講個番說話...我明明咁樣傷佢...」陳芷欣低著頭輕聲說。
「而家就唔好講住先啦！陣間又喊架啦你，你知你啦鬼死咁易喊！」她忽然安撫著好友陳芷欣。
一會不久，陳爸爸的車到了。
「喂Bitch，你睇有車啦！仲等咩啊行啦！」話畢譚倩怡便一手拉著陳芷欣的手臂，一路步上私家車。
車門打開「唔好意思搞個出閘手續搞耐左。係呢，呢位小姐係阿欣既朋友仔？」陳爸爸問道。
兩個人都正慢慢坐在車裡「係啊，你好Uncle。」譚倩怡禮貌的回應。
「爸爸，開車啦...」陳芷欣依舊陰聲細氣。
「好。開車啦兩位小姐，坐穩啦。」爸爸很心急的說。
話畢三人行私家車開始往醫院方向「起飛」。
此時，在車內的陳芷欣一直也提不起幹勁，心情非常不好。有見及此譚倩怡便開口安慰她「冇事既，佢唔會有事架。我都識左佢咁多年啦，佢呢個人福大命大成世都咁腐碌、唔洗咁擔心佢架。」
「嗯...多謝你倩怡...」
「話時話，你都好耐冇嗌過我做倩怡啦喎。」譚倩怡伸一伸舌。
轉眼間已經凌晨2時多。
「你要記得......」
誰...?
「你自己......」
誰人的聲音...?
「講過D咩啊...我一直...觀察住你。」
剎那間，腦裡面鴉雀無聲，只有傳來「o必 o必 o必」的聲音。與此同時，我感受到身體傳來被物件搖動的感覺。身體有回知覺，我慢慢張開眼睛。
「佢醒左啦！」一把高音且稚氣的聲音正高興的擾攘著。
我持續張開眼睛，看著白雪雪的天花板，想必這裡是一間房啊？
到處都充滿應該是電子儀器的聲音。
「唔好再訓啦肥婆欣，起身啦！」眼睛還是很濛濛忪忪，只看到眼角旁的畫面有點東西在動。
「呃...」一把無力的聲音回應。
我提起雙手揉揉眼睛，視野總是清晰過來。
我轉過頭看著聲音的來源方向，那裡的梳化坐著了兩個女生。
我視線慢慢打量這兩個人，一會便開聲問道「呢到係邊到？...」
一把比較激動的稚氣聲回應我的問題「深切治療部既病房啊。太好啦！都話張澤曉佢唔會有事架啦～可？」
我只見這個女生身邊的另一個女生別過頭來，低聲回應「嗯...」
我聽到她說病房二字，開始感到這答案有什麼不對勁的地方。
「病房？即係我係醫院？點解我會入左醫院啊？」我對著空氣問道。
「你唔記得左啦？你撞左車啊頭先，好彩醫生手腳夠快兩個鐘就幫你做完手術。」依舊是那個女生回應我一切問題。
接著她又再開聲道「喂喂～怕羞啊你肥婆欣？連望都唔敢望人既？老婆仔啊～」
我百思不得其解的看著那兩人，然後看到剛才話畢的女生被旁邊的女生贈了一拳揍肚子。
「收聲啦你...」
「嗚，打人既衰人！」
我被她們的一唱一和逗得微微一笑。
良久，房間裡又再次回歸寂靜。
不過唯一的，那兩個人在交頭接耳般的「密密針」，雖然我聽不到在談什麼、不過我也不理會她們。
敞在床上敞得很辛苦，我打算坐起身時，「呃啊...」我痛苦的叫了出聲。
見狀聽到我的悲鳴，那兩個女生馬上走過來床邊問道「冇野啊嘛？你岩岩先做完手術，傷口未埋口架唔好亂郁啦！」被揍一拳的女生擔心地說。
「白痴...」另一人卻給我意想不到的回覆。
我被罵了啊？...
經過一輪擾攘，我乖乖繼續敞在床上，然後問道「話時話，點解你地會知我個名既？你地...識得我？」
話畢只見她們兩個呆住了，樣子感到驚訝萬分似的。
「你...唔好玩啦，嚇我唔到喎你！Thats not funny...」被揍拳小姐說。
「我真係唔知你地係邊個...」
之後，第三度靜默了，不久後，那個罵我白痴的女生終於開口跟我說話。
「唔好嚇我...我係阿欣喎...佢叫譚倩怡喎...你唔識我地？」
「冇印象，抱歉真係唔識你兩位。」
她們認識我的嗎？怎麼我卻不認識她們兩個...
「唔係啊嘛？！簡直難以置信... 」叫譚倩怡的女生話口未完...
「點會咁架！阿曉你真係唔記得我？我唔信啊！...我係你......」激動說話中突然停頓下來。
「女...朋友...啊...」這個女生以哭腔道出這句說話。
「小姐你頭先講咩話...？我聽唔清楚...」
「唔好喊啦阿欣... 張澤曉！你重想搞喊阿欣幾多次啊！」譚倩怡突然發惡。
這個時候我內心有種很痛的感覺，可是卻講不出原因。我無言以對繼續敞著看她們兩個...
一陣子令人心酸的哭泣聲，聽得我很有罪惡感。
不久後，「阿欣我地出一出去先啦。」譚倩怡拖著哭泣的那個女生的手，推開病房門離去。
頓時我身處的病房再沒有講話聲和哭泣聲，耳根清靜。
我繼續呆望天花，仔細努力在連想剛才叫阿欣的女生所講的話。
看著看著，不自覺地睡著了。
時間為凌晨3時正。