〔熱血〕【一班兄弟去台灣溝女】台灣遠征團: 40

不過今天就真的發生了一件有趣的事情。
在我們的五人聊天群組中，收到一個令人興奮的訊息。
技安︰我隻歌有MV啦！！上youtube有得睇啦！！
精強︰正啊！
肥斌︰正喎！等我依家上去睇下先！
精強︰NO！大家唔好睇住！
我︰點解啊？好心急喎！
精強︰兄弟嘅MV緊係要成班兄弟一齊睇先有意思啦！
大同︰我同意！！
精強︰Good！咁今晚一齊上主角屋企睇啦！不過上去之前大家唔好睇住！




我︰好！的確係成班一齊睇先有意思！
肥斌︰OK！咁我早少少收工啦！今晚10點主角屋企見！
 
我們就約定了十點鐘在我家裡等。
但不到九點，我門鈐就響起，大同跟精強已經到了。
「咁早嘅？又話十點？」我邊開門邊對他們說。
「好心急啊，又驚一個係屋企會忍唔住自己睇左先，未上黎先囉。」精強說。
「你一個人係屋企？咁你睇都睇AV啦，有得打飛機仲點會記得技安個MV喎。」我說。
「屌，就係睇左啦！唔通一日打三次飛機咩？」精強說。
「下？你已經打左兩次啦？」大同問。




「好出奇啊？」精強理直氣壯地說。
然後我們就開始陷入無聊對話中，邊等著肥斌的到來。
 
九點半，門鈐就已經再一次響起。肥斌亦因為心急著要觀看技安的MV而早到了。
「好野！人齊啦！大同快D去開黎睇！」精強興奮地說。
大同馬上坐於電腦前，於瀏覽器上打上youtube的網址。我們則圍站於電腦旁，興奮地等著技安的MV。
「應該係依首啦！」大同按下滑鼠的左鍵，打開一首疑似是技安MV的影片。
歌曲開始播放，前奏是清脆輕快的鋼琴聲。
「好似幾得喎條女！」精強大叫。
「係幾可愛喎。」大同和應。




「直頭係好可愛啦！估唔到大同你都岩依味喎。」精強說。
「咁條女係得意丫嗎。」大同說。
「嘩！！依下咬手指不得了啦！萌拎到呢！」精強大叫，大同輕輕點頭表示應同。
「話時話精強你都已經打左兩次飛機，點解仲好似谷精上腦咁款嘅？」我說。
「屌，咁條女係得意丫嗎！」精強說。
「嗯，同埋都唱得幾好丫。」大同幫口。
「估唔到大同你都同精強同一陣線喎。」我說。
「呃，我鍾意D身高有點嬌小嘅女仔……」大同害羞地說。
「屌，你兩個真係上曬腦！」我說。
「大同講得岩啦！矮妹先係皇道！」精強說。
「我記得你以前好似同我講過長腿先係皇道……」我說。
「咁長腿嘅矮妹就係最強嘅皇道！」精強說。
「on9！骨感嘅肥仔溝死女添！」我說。
「喂唔好講笑，可能真係！」精強說。
就在我們無聊的爭吵間，那首歌曲終於播放完畢。




 
「咦，又話睇技安個MV，大同你做乜會撳左條女個MV黎睇嘅？」一直沒有開口的肥斌說。
「係喎！雖然條女係幾正，不過都係睇技安個MV緊要D！」精強說。
「大同你個重色輕友嘅仆街丫！」我說。
「對唔住！係我錯！我即刻搵返技安個MV先！」大同急著道歉。