〔熱血〕【一班兄弟去台灣溝女】台灣遠征團: 37

「遇怪魔我即刻變大個~~遇見高手痛快得多~~」一陣開門聲連同技安的歌聲湧入房間。
「技安！」我們一同大叫。
「你返黎啦？海選入唔入到圍啊？」我問。
「一激起我就有火~~盡快盡快定勝負~亦不必想再拖~~~」技安搖搖頭表示海選未能入圍。
但奇怪的是他卻興奮地唱著數碼暴龍主題曲。感覺沒有半點失樂感，但更令我們覺得奇怪。
「喂喂，你話佢係唔係受唔住打擊啊？」大同在我耳邊輕輕說。
「我都唔知啊，我都安慰下佢囉。」我輕聲回道。                                                  
「技安，唔入圍唔緊要嘅，未下次再參加過囉。」大同對正在唱歌的技安說。
「NoNoNo~我唔會再參加架啦！」技安搖搖手指說。
「係囉！唔參加未唔參加囉，鍾意唱歌可以去唱K丫。唔一定要做歌手丫。」我說。




「NoNoNo~我已經係歌手了！」技安舉起兩隻手指做出勝利手勢。
「吓？！」我們異口同聲叫出。
 
「今日海選嘅時候，我本來比人out左，不過有個唱片公司嘅高層睇中我香港人嘅身份，問我有無興趣留係台灣發展下先，話會有一個都係由香港過黎發展嘅女仔同我一齊組隊組合。咁我當然應承啦！所以我依家已經係一隊組合嘅男主音啦！」技安說完後，興奮地在房間內跑跑跳跳。
 
「咁高興？真係要買D酒上黎慶功喎！順便叫多幾隻雞上黎玩啦！唔係遲下你出左名，真係有錢也沒雞叫！」精強興奮地說。
「好！」我們和議。
 
的確技安突然成為歌手是大家都意想不到的事情，所以大家都相當高興。當晚非常盡興。大家都飲得非常醉。
最後大同因為原則問題而我因為對小櫻的罪疚感所以我們沒有叫雞，大同讓出房間讓技安做炮房，然後再到我房間睡。




 
由於肥斌急於回港說服父母按樓，所以翌日我們四位就訂機票先行回港，技安就繼續留於台灣發展他的歌唱事業。
想不到第二次來台灣已經不是全員回港。我就帶著那份一萬字的論文回港……
雖然自覺沒有資格，但我還是有希望過有一天可以把那份論文交到小櫻手上。