〔熱血〕【一班兄弟去台灣溝女】台灣遠征團: 36

待我們情緒回復後，大同再問︰「玩到按樓咁大？你老豆老母肯架啦？」
「唔知架，不過佢地唔肯我就開唔成架啦，所以我一定要說服到佢地！」肥斌堅定地說。
「好啦，祝你成功啦！」我對肥斌說。
「我都祝你成功啦！」技安說。
「你先至要加油啊！我返到香港先開始戰鬥，你轉頭就海選啦！」肥斌對技安說。
「係喎，我都夠鐘出發啦，唔知要選幾耐啊。今晚賓館見啦！」技安說罷就離去。
「加油！」我們最後一次對技安打氣。
技安沒有回過頭，就只舉起左拳表示他已接收到我們的打氣聲，就快步離開。
 
技安離開後我們就跟著一起緊張。隨便周圍逛逛，直到吃過中午飯後就已經急不及待回到賓館等候技安的歸來。




我們一同進入技安和肥斌的房間中。
由於我們知道技安應該沒有這麼早回來，所以我們開始鋤大D，廿一點，三公，十三張。不停利用賭博打發時間。
可能你會認為去旅行卻留在酒店房間賭博非常浪費。
但我們真的一點外出的意欲都沒有。只想第一時間知到技安的海選結果。
 
直到晚飯時間，技安還沒有回來。
「好似耐左D喎。」肥斌說。
「耐先好！如果一早比人out左出黎都唔會攪咁耐啦，係唔係先？」大同說。
「唔係喎，就算係入圍都好似耐左D喎。」我說。
「條油仔會唔會係衰左睇唔開啊？」精強說。




被精強一說，大家都靜了下來。
的確大家都從未見過如此認真的技安。頓時緊張感不停湧上。
「唔會掛…」肥斌擔心地說。
「希望唔會啦，不過係台灣我地都做唔到D咩啦，話唔定佢衰左想自己靜下姐。無事嘅。」我說。
「咁都係唔好擔心咁多啦！我去買野上黎食先！」肥斌說罷就準備離開房間。
「幫我地買埋！」精強說。
「OK！」肥斌邊說邊跑地離開，相信他已經非常肚餓。
 
直至肥斌將晚餐買回來賓館，我們再享用完晚餐後，還是未見技安的蹤影。
我們的擔心感開始加大，技安的電話亦一直打不通。




「喂，認真，洗唔洗報警？」大同擔心地說。
「香港都要唔見四十八小時先報得警啦，技安唔見左十個鐘到。應該報警都唔受理啦！」精強說。
「定係搵下大使館求助啊？」大同問。
「大使館？唔好玩啦！我地香港人，要搵又要搵中國大使館，咁我不如信台灣警察好過啦！未去到菲律賓程度嘅on9國家，我都寧願搵當地警察都唔搵中國大使館啦！」精強說。
「咁又係……」大同回道。