〔熱血〕【一班兄弟去台灣溝女】台灣遠征團: 8

「團長！我想問如果當晚有女食的話點算？」技安問。
「好簡單，我訂果間只係賓館式既酒店。隔離通常都有吉房，如果同房既兄弟當晚有女食既話，無女食果個兄弟就自己係隔離租間房訓！如果大家都有女食的話，就Share租新房既房租！無女食就要自己再比錢租間房！！」團長說。
 
好殘酷的規矩……已經無女食，還得自己再付房租……幸好不關我事。
 
「團長，我地去食女，會唔會住一間好D既酒店會得體D呢？」大同發問。
「唔會！第一！當條女知道你住咩酒店既時候你都已經得左米，咁住乜酒店又有咩所謂！第二！係自己地方窮到住既地方都唔好就叫窮拎，係人地國家住得差就叫體驗，叫藝術！」團長回答。
 
「仲有無問題？」團長大聲發問。
「無！」我們一同大聲回答。




 
「我地去台灣要目標係咩！」團長再次大聲發問，同時舉起左手拳頭。
「食台妹！」我們一起舉起左手拳頭吶喊。
 
 
所有事情都安排妥當後，終於到我們首戰台灣的日子。一行人坐著的士懷著興奮的心情到達香港國際機場。
 
「去旅行~搭車又搭船~嘩，好暈呀~快食保濟丸~保濟丸~~~~」
想不到技安連廣告歌都不放過，不過我們這次沒有阻止他，反正這歌也只有一句。
 




「正！夜市我黎啦！聽講台灣D雞排真係好拎大塊！」肥斌像流著口水般說。(當時香港未有大雞排)
 
「真係要去誠品買返幾本書返黎！」大同悠悠地說。(當時香港還未有誠品)
 
「正啊！轉個頭就可以見到一街都係台妹！」精強回復精強的本色說。
 
坐上飛機機倉後我們發現一個大問題，就是技安從未坐過飛機！
可能你會認為未坐過飛機不是什麼新鮮事，但對於莫眼他人存在的技安，他一定會將他的興奮表露無遺。
 
我，大同及精強都留意都這點。只有一直寄掛著台灣美食的肥斌沒有洞悉到。




所以我們就直接安排肥斌跟技安同坐兩人座位，只希望機上的乘客不要認為我們是認識的就可以了。