〔熱血〕【一班兄弟去台灣溝女】台灣遠征團: 7

在團長既熱情帶動下，所有團員都變得熱血沸騰！
團長在訓話後繼續帶領我們開會。
 
「肥斌！台灣伙食方面計劃好未？」團長對著肥斌說。
「報告團長！已經準備好五日四夜既餐單！保證可以食曬台北所有值得去食既好野！」肥斌立正。
「Well Done！依家升你為我地遠征團既伙頭兵！以後所有伙食由你負責！」團長用力拍一拍肥斌肩膀。
「多謝團長！」相信肥斌是真的很欣喜自己能擔任這工作。
 
「大同！旅遊景點方面準備成點？」團長轉個頭望向大同。
「報告團長！五日四夜既行程已經準備好！同時可以配合到肥斌既美食既所在地！」大同立正。




「Good job！依家你就係我地軍師！」團長拍拍大同的肩膀。
「多謝團長！」大同大聲回應。
 
「技安！主角！你地負責我地團隊中最做要既任務！我依家要問！做！成！點！」團長緊張地問，亦令我感到相當大的壓力，畢竟我們所擔任的確實是最重要的角色。
整個團隊能否凱旋仿佛就在於我和技安有否挑選到一間好的夜店。
其他團員也緊張起來，三個人定定的望著我和技安，靜候著佳音！
「報告團長！我同主角經已遊走曬香港及台灣所有提及夜台既論壇！相信我地挑選出黎既會係氣氛最好，最易食女既夜店！」技安一本正經地回答讓我有點意外。
「Excellent！你地以後就係團隊既偵查兵！」團長一手拍著我肩膀，一手拍著技安。
「多謝團長！」我和技安激動地叫。
 




「好！大家都做得非常好！最後就係酒店房既分配，兩個人一間房，有一個人要自己一間。但係果個人既酒店錢就要比貴D，有邊個願意自己一間房？」團長問。
「我！我自己一間！」我舉手回應團長。
由於我極度相信秘密一書中所提及的吸引力法則，如果我想食台妹，又怎可能跟兄弟同房？
「好，主角你自己一間！我同大同一間，肥斌同技安一間！」團長說。
 
確實大同是最好的同房選擇，如果房間只有一長大床，跟肥斌睡應該會好有壓迫感。如果跟技安同房相信又要聽技安個人演唱會。