[真人真事]唔知你地既初戀係點架呢 我既初戀係咁: 相愛(第一章)

表演完左之後我地返入去後台，老師同我地講我地超過限定時間差唔多一倍，不過好精彩。不過我地無乜點理佢講既野，我同MIKI仲陶醉緊岩岩果個環境

典禮完左之後，我送佢返屋企，我地一路行一路傾岩岩表演果陣如果點點點就可以做得更加好，我地興奮到送到佢返屋企我地都未講完

果一晚MIKI打比我，問我下次仲會唔會參加，我唔知應該點應佢，我唯有老實咁答佢我係四個星期前其實一次結他都無彈過，我以為我咁講完之後佢會嬲我，但係當我講完呢句之後反而勾起佢既好奇心，我地果晚傾左好耐，但係我都無向佢表示我鐘意佢

果一日開始，我放學唔係上佢屋企一齊玩音樂，就係晚晚同佢傾電話，果陣電視播緊一套劇，我地每晚臨收線之前都會扮晒野講一次套劇入面其中既一句對白..「凍果陣要著多件衫，熱就唔好著咁多喇，訓教要記得"COM被"，仲要記得掛住我呀。」曖昧既關係其實好甜蜜

就係咁，我地就過左一段咁既日子，時間過得好快，亦都接近MIKI既生日，我果陣諗左好耐我應該送咩比佢，我諗左好耐，最後決定用左幾百蚊買左一條銀頸鍊，我以為咁樣就已經解決左成件事，但係我諗諗下我其實想用一個特別D既方法送比佢....