羊生與羊太的日常軼事: 咸濕

家裏插著的幾株百合花凋謝了，羊太看見了就動手清理。

羊太拿著那枝枯萎了的雌蕊道﹕「硬係覺得呢枝嘢個形狀好咸濕。」

「咁呢枝係植物嘅性器官嘛，緊係咸濕啦。」

羊太笑道﹕「你就咸濕，你睇幾似你嗰度(她拿著雌蕊在我褲襠旁比來比去)。」

我以專家的口吻道﹕「你揸住呢枝呢，就係植物嘅雌性性器官，咁仲唔係女人咸濕啲﹖」



「咁雄性呢﹖」

「啲雄蕊咪係囉。」

「啊！就係啲雄蕊整到一地都係花粉！」

我理所當然道﹕「咁男人嘛，緊係射到一地都係㗎啦。」

「妖…你哋啲男人真係又核突又咸濕！」



「係呀，鬼叫你哋女人鍾意咩，呵呵~」

「你就鍾意！你個死變態連植物都可以講咸濕嘢。」

「喂又係你講先嘅！」

「總之就係你咸濕！」

「好好好！咁我而家就咸濕你！」



「嘩！走開！死變態佬！」